ملتان:خوفناک ٹریفک حادثے میں 6افراد جاں بحق
اشاعت کی تاریخ: 16th, February 2025 GMT
ملتان میں رات گئے خوفناک ٹریفک حادثے میں 6افراد جاں بحق جبکہ 8زخمی ہوگئے ۔ملتان کے علاقے حسن سوالی کے قریب مسافر وین اور موٹرسائیکل کے درمیان تصادم ہوا،ریسکیو ذرائع کے مطابق حادثے میں5افراد موقع پر جاں بحق ہوگئے، حادثے میں 8 افراد زخمی ہوئے جن میں سے 4زخمیوں کو نشتر ہسپتال منتقل کردیاگیا۔نشتر ہسپتال میں دوران علاج ایک اور زخمی بھی دم توڑگیاجس کے بعد جاں بحق افراد کی تعداد6ہوگئی۔جاں بحق افراد کی ڈیڈ باڈیزکو نشتر ہسپتال منتقل کردیاگیا،ریسکیو ذرائع کے مطابق 3زخمیوں کو موقع پر فوری طبی امداد بھی دی گئی،ترجمان ریسکیو کے مطابق حادثے میں تباہ گاڑیوں کو ہٹادیاگیا ہے،روڈ ہر طرح کی ٹریفک کے لیے کھول دیاگیا۔
.
ذریعہ
ذریعہ: Nawaiwaqt
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ