اسکولوں میں موبائل فون پر پابندی: ایک قابل تقلید عمل
اشاعت کی تاریخ: 17th, February 2025 GMT
برازیل میں اسکولوں میں موبائل فون کے استعمال پر پابندی کے بعد کھیل کے میدانوں کی رونقیں واپس لوٹ آئی ہیں اور تعلیمی معیار میں بہتری دیکھی گئی ہے۔ اس کامیاب اقدام کو دیکھتے ہوئے یہ پابندی پورے ملک میں نافذ کر دی گئی۔ حیرت کی بات یہ ہے کہ برطانیہ اور امریکا جیسے ترقی یافتہ ممالک بھی اس پالیسی کو اپنائے ہوئے ہیں۔ پنجاب حکومت اور ملک میں کچھ اسکولوں نے انفرادی طور پر اس پر عمل درآمد کیا ہے، لیکن اسے قومی سطح پر تعلیمی پالیسی کا مستقل حصہ بنانے کی ضرورت ہے۔ یونیسکو کی رپورٹ کے مطابق 2024ء کے آخر تک عالمی سطح پر 40 فی صد اسکولوں میں اسمارٹ فون کے استعمال پر کسی نہ کسی حد تک پابندی عائد کی جا چکی ہے۔ اس اقدام کا بنیادی مقصد سائبر کرائم کو روکنا اور کلاس رومز میں توجہ کی کمی کو کم کرنا ہے۔ برازیل کی مثال ہمارے سامنے ہے، جہاں اس قانون کے بعد طلبہ زیادہ توجہ اور دلجمعی کے ساتھ اپنی تعلیم میں مصروف ہوگئے ہیں۔ ان کا کہنا ہے کہ شروع میں یہ پابندی مشکل محسوس ہوئی، لیکن بعد میں انہوں نے ایک دوسرے کے ساتھ زیادہ میل جول رکھا اور اپنی تعلیمی کارکردگی میں بہتری محسوس کی۔ ہمارے یہاں بھی اسمارٹ فون کا بے جا استعمال تعلیمی اداروں میں ایک بڑا مسئلہ بنتا جا رہا ہے۔ کلاس روم میں توجہ بھٹکنے کے علاوہ، یہ معاشرتی اور نفسیاتی مسائل کو بھی جنم دے رہا ہے۔ اسمارٹ فونز کے بے تحاشا استعمال نے طلبہ کی ذہنی و جسمانی صحت پر منفی اثرات مرتب کیے ہیں، جس کی کئی تحقیقات تصدیق کرتی ہیں۔ موبائل فون پر پابندی سے تعلیمی کارکردگی میں اضافہ دیکھا گیا ہے، اور اگر یہ پالیسی پاکستان میں بھی قومی سطح پر لاگو کر دی جائے تو ہمارے تعلیمی معیار میں نمایاں بہتری آ سکتی ہے۔ والدین، اساتذہ، اور تعلیمی ماہرین کو اس مسئلے پر سنجیدگی سے غور کرنا ہوگا تاکہ مستقبل کی نسل کو موبائل فون کی لت سے بچا کر تعلیمی ترقی کی راہ پر گامزن کیا جا سکے۔
.ذریعہ: Jasarat News
کلیدی لفظ: موبائل فون
پڑھیں:
عمر ایوب کے قابل ضمانت وارنٹ گرفتاری جاری
انسداد دہشتگردی عدالت نے اپوزیشن لیڈر عمر ایوب کے وارنٹ گرفتاری جاری کردیے ہیں۔
جمعرات کے روز اسلام آباد کی انسداد دہشتگردی عدالت میں قومی اسمبلی میں قائد حزب اختلاف عمر ایوب کے خلاف 4 اکتوبر 2024 کو ہونے والے احتجاج سے متعلق کیس کی سماعت جج طاہر عباس سپرا نے کی، عمر ایوب عدالت میں پیش نہیں ہوئے جس پر عدالت نے ان کے قابل ضمانت وارنٹ جاری کردیے اور ان کی تمام ضمانتیں منسوخ کردیں۔
اسی کیس میں پی ٹی آئی کے سینیٹر اعظم سواتی کو ذاتی حاضری سے استثنیٰ دے دیا گیا ہے، جس کی درخواست انہوں نے گزشتہ روز عدالت میں جمع کروائی تھی، عدالت نے مقدمے کی مزید سماعت 30 جولائی تک ملتوی کردی ہے۔
یاد رہے کہ عدالت کی یہ کارروائی 22 جولائی 2025 ان فیصلوں کے بعد سامنے آئی ہے جن میں انسداد دہشتگردی کی عدالتوں نے 9 مئی 2023 کے فسادات میں ملوث متعدد پی ٹی آئی رہنماؤں کو 10،10 دس سال قید کی سزائیں سنائی ہیں۔ ان میں ڈاکٹر یاسمین راشد، میاں محمود الرشید، سابق گورنر پنجاب عمر سرفراز چیمہ، سینیٹر اعجاز چوہدری اور افضل عظیم پہاٹ شامل ہیں۔
تاہم اسی کیس میں سابق وزیر خارجہ شاہ محمود قریشی، حمزہ عظیم پہاٹ، رانا تنویر اور اعزاز رفیق کو بری کردیا گیا ہے۔
اسی دن سرگودھا کی انسداد دہشت گردی عدالت نے پنجاب اسمبلی میں قائد حزب اختلاف احمد خان بچر، رکن قومی اسمبلی محمد احمد چٹھہ اور دیگر پی ٹی آئی کارکنوں کو 9 مئی کے ہنگاموں میں توڑ پھوڑ کے الزام میں 10،10 سال قید کی سزا بھی سنائی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ملک بھر میں ووٹر کی تعداد کتنی ہوگئی؟ رپورٹ سامنے آگئی