چیمپئنز ٹرافی کے لیے نیشنل اسٹیڈیم میں تیاریاں حتمی مرحلے میں داخل
اشاعت کی تاریخ: 17th, February 2025 GMT
کراچی:نیشنل اسٹیڈیم(نیشنل بینک کرکٹ ارینا)میں بدھ سے شروع ہونے والی آئی سی سی چیمپئنز ٹرافی 2025 کی تیاریاں حتمی مراحل میں داخل ہو چکی ہیں۔
نجی ٹی وی کی رپورٹ کے مطابق ایونٹ کا افتتاحی میچ پاکستان اور نیوزی لینڈ کے درمیان ہوگا، جس کےانتظامات بھی اپنے اختتامی مراحل میں ہیں۔ اس موقع پر پاک فضائیہ کے طیاروں کا فلائٹ پاسٹ بھی شامل ہوگا۔
آئی سی سی کے قواعد و ضوابط کے مطابق اسٹیڈیم میں تمام تر انتظامات مکمل کیے جا رہے ہیں۔نیشنل اسٹیڈیم کی پرانی اور نئی عمارتوں کے اطراف میں شیشوں کو مختلف رنگوں سے ڈھانپ دیا گیا ہے جب کہ چیمپئنز ٹرافی میں شریک تمام 8 ٹیموں کے کپتانوں کی دیوہیکل تصاویر پر مشتمل خوش آمدید کے بینرز آویزاں کر دیے گئے ہیں۔ پیر کو پاکستان شاہینز اور جنوبی افریقا کے درمیان وارم اپ میچ کے دوران بھی اسٹیڈیم میں ویلڈنگ سمیت دیگر کاموں کا سلسلہ جاری رہا۔
ترجمان آئی سی سی کے مطابق بدھ کو افتتاحی میچ سے قبل کوئی سرکاری تقریب منعقد نہیں ہوگی تاہم پاکستان کرکٹ بورڈ (پی سی بی) نے میچ سے قبل اپنے طور پر پروگرام ترتیب دیا ہے، جس میں پاک فضائیہ کی جانب سے فضائی شو بھی شامل ہوگا۔
چیمپئنز ٹرافی میں شریک 8 میں سے 4 ٹیمیں کراچی میں پہنچ چکی ہیں۔ پاکستان کرکٹ ٹیم نے دوسرے دن بھی اوول گراؤنڈ پر پریکٹس سیشن میں حصہ لیا۔ قومی کرکٹرز نے جسمانی ورزشوں کے بعد فیلڈنگ، بالنگ اور بیٹنگ کی مشقوں میں بھرپور انداز میں حصہ لیا۔
گزشتہ روز آرام کرنے والے قومی ٹیم کے کپتان محمد رضوان اور اسپنر ابرار احمد نے بھی دیگر کھلاڑیوں کے ساتھ مشقوں میں شرکت کی۔ انجری سے بحال ہونے والے فاسٹ بالر حارث روف نے بھی محتاط انداز میں بولنگ پریکٹس میں حصہ لیا۔
دوسری جانب کراچی میں موجود نیوزی لینڈ اور افغانستان کی ٹیموں نے پیر کو آرام کرنے کو ترجیح دی تاہم ان کی جانب سے بھی میچ سے قبل پریکٹس سیشنز کا اہتمام کیا جائے گا۔
چیمپئنز ٹرافی کے انعقاد سے 2روز قبل آئی سی سی نے میڈیا نمائندوں کو ایکریڈیشن کارڈ جاری کر دیے ہیں۔ رہ جانے والے صحافیوں کو منگل کو ایکریڈیشن کارڈز جاری کیے جانے کا امکان ہے۔ اس کے علاوہ بھارت سے بھی کئی صحافی پاکستان آ رہے ہیں۔ پاکستان ہائی کمشنر نے بھارتی صحافیوں کو ویزے جاری کر دیے ہیں، جو چیمپئنز ٹرافی کی کوریج کے لیے کراچی پہنچیں گے۔
نیشنل اسٹیڈیم میں آئی سی سی حکام اور پی سی بی کے ذمے داران نے مل کر تمام تر انتظامات کو حتمی شکل دے دی ہے۔ اسٹیڈیم کے اندر اور باہر کی صفائی، روشنیوں کا انتظام، اور سیکورٹی کے سخت اقدامات کو یقینی بنایا گیا ہے۔ اس کے علاوہ، اسٹیڈیم کے اردگرد ٹریفک کے انتظامات کو بھی بہتر بنایا گیا ہے تاکہ تماشائیوں کو کسی قسم کی دشواری کا سامنا نہ ہو۔
افتتاحی میچ میں پاکستان اور نیوزی لینڈ کے درمیان مقابلہ ہوگا، جس کے لیے دونوں ٹیمیں اپنی بہترین کارکردگی دکھانے کے لیے تیار ہیں۔ پاکستان ٹیم نے گزشتہ کچھ میچوں میں اچھی کارکردگی کا مظاہرہ کیا ہے جبکہ نیوزی لینڈ بھی ایک مضبوط ٹیم کے طور پر سامنے آئی ہے۔ دونوں ٹیموں کے درمیان یہ مقابلہ نہایت دلچسپ ہونے کی توقع ہے۔
.ذریعہ: Jasarat News
کلیدی لفظ: نیشنل اسٹیڈیم چیمپئنز ٹرافی اسٹیڈیم میں نیوزی لینڈ کے درمیان کے لیے
پڑھیں:
ہاؤس فل ہونے کا امکان، پاکستان اور جنوبی افریقہ کی ٹیمیں 17 سال بعد آج اقبال اسٹیڈیم کی رونقیں بحال کرنے کے لیے تیار
پاکستان کے دل پنجاب کا تاریخی اقبال اسٹیڈیم فیصل آباد 17 سال بعد ایک بار پھر بین الاقوامی کرکٹ کی میزبانی کے لیے تیار ہے، جہاں آج پاکستان اور جنوبی افریقہ کے درمیان 3 میچوں کی ون ڈے سیریز کا پہلا میچ کھیلا جائے گا۔
یہ میدان آخری بار 2008 میں اُس وقت بین الاقوامی مقابلے کا میزبان بنا تھا جب پاکستان اور بنگلہ دیش کے درمیان ایک روزہ میچ یہاں منعقد ہوا۔ 2009 میں لاہور میں سری لنکن ٹیم پر دہشتگرد حملے کے بعد پاکستان 6 سال تک عالمی کرکٹ سے محروم رہا، جس کے باعث قومی ٹیم کو اپنی ’ہوم سیریز‘ متحدہ عرب امارات میں کھیلنا پڑی۔
مزید پڑھیں: فیصل آباد کو 17 سال بعد میزبانی مل گئی، بنگلہ دیش کے خلاف ٹی20 سیریز کا شیڈول جاری
گزشتہ چند برس میں اسٹیڈیم کی تزئین و آرائش اور جدید سہولیات کی فراہمی کے بعد فیصل آباد کو دوبارہ بین الاقوامی کرکٹ کے نقشے پر شامل کیا گیا ہے۔
پاکستان کے نومنتخب ون ڈے کپتان شاہین شاہ آفریدی نے پری میچ پریس کانفرنس میں فیصل آباد میں میچ کے انعقاد کو شہر کے شائقین کے لیے ایک تاریخی لمحہ قرار دیا۔
ان کا کہنا تھا یہ میرے لیے اعزاز ہے کہ میں فیصل آباد جیسے جوشیلے کرکٹ شائقین کے سامنے قومی ٹیم کی قیادت کروں۔ ہم پوری قوت کے ساتھ میدان میں اتریں گے۔
Pakistan captain @iShaheenAfridi‘s pre-series press conference in Faisalabad | Pakistan vs South Africa ODI series 2025#PAKvSA | #GreenPeYaqeen pic.twitter.com/jUSWuzaOZg
— PCB Media (@TheRealPCBMedia) November 3, 2025
شاہین شاہ کے ہمراہ حارث رؤف اور نسیم شاہ پر مشتمل تیز رفتار بولنگ اٹیک جنوبی افریقہ کے بلے بازوں کے لیے بڑا چیلنج ثابت ہو سکتا ہے، جبکہ بیٹنگ لائن میں بابر اعظم، فخر زمان اور محمد رضوان ٹیم کو مضبوطی فراہم کریں گے۔
مزید پڑھیں: بابراعظم کی فارم واپس آنے سے ڈریسنگ روم کا اعتماد بحال ہورہا ہے، شاہین شاہ آفریدی
دوسری جانب جنوبی افریقہ کی ٹیم اپنے مستقل کپتان ٹیمبا باووما سمیت 7 اہم کھلاڑیوں کے بغیر میدان میں اترے گی، جنہیں آرام دیا گیا ہے۔ قیادت نوجوان میتھیو بریٹزکے کے سپرد کی گئی ہے، جنہوں نے رواں سال لاہور میں نیوزی لینڈ کے خلاف اپنے ڈیبیو پر 150 رنز کی ریکارڈ ساز اننگز کھیلی تھی۔
بریٹزکے کا کہنا تھا کہ یہ ایک موقع ہے کہ نوجوان کھلاڑی آگے بڑھ کر اپنی صلاحیتیں منوائیں۔ پاکستان ایک مضبوط ٹیم ہے، مگر ہم اپنی پوری کوشش کریں گے۔
South Africa captain Matthew Breetzke’s press conference | Pakistan vs South Africa ODI Series 2025#PAKvSA | #GreenPeYaqeen pic.twitter.com/crTAYM7dIE
— PCB Media (@TheRealPCBMedia) November 3, 2025
جنوبی افریقہ کے تجربہ کار اوپنر کُوئنٹن ڈی کاک بھی ریٹائرمنٹ واپس لے کر ایک روزہ کرکٹ میں واپسی کر رہے ہیں، جس سے ٹیم کو بیٹنگ میں تقویت ملنے کی امید ہے۔
مزید پڑھیں: فیصل آباد میں 17 سال بعد انٹرنیشنل کرکٹ کی واپسی، پاکستان اور جنوبی افریقہ کی ٹیمیں پہنچ گئیں
سیریز کے بقیہ دونوں میچ بھی فیصل آباد میں جمعرات اور ہفتے کو کھیلے جائیں گے۔ ماضی میں اسی میدان پر دونوں ٹیمیں 3 ون ڈے میچز کھیل چکی ہیں جن میں پاکستان نے 2 (1994، 2007) اور جنوبی افریقہ نے ایک (2003) میں کامیابی حاصل کی۔
???? ???????????????????????????????????? ???????????????? ????
Traffic plan for the Pakistan ???? South Africa ODI series!
➡️ Please remember your new gate number for a smooth entry to Iqbal Stadium, Faisalabad ????️#PAKvSA | #GreenPeYaqeen pic.twitter.com/O8dQyxcZJT
— Pakistan Cricket (@TheRealPCB) November 3, 2025
کرکٹ ماہرین کے مطابق، شائقین کی بڑی تعداد کے پیش نظر اقبال اسٹیڈیم آج ’ہاؤس فل‘ ہوگا، اور 17 سال بعد فیصل آباد ایک بار پھر کرکٹ کے جشن سے جگمگاتا نظر آئے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال اسٹیڈیم بابر اعظم، فخر زمان بریٹز پاکستان ٹیمبا باووما جنوبی افریقہ شاہین شاہ آفریدی فیصل آباد
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف