مصطفیٰ عامر قتل کیس، انسداد دہشتگردی عدالت کا فیصلہ معطل، سندھ ہائیکورٹ نے ریمانڈ کے لیے ملزم کو طلب کرلیا
اشاعت کی تاریخ: 18th, February 2025 GMT
سندھ ہائیکورٹ نے محکمہ پراسیکیوشن کی درخواست منظور کرتے ہوئے 10 فروری کا انسداد دہشتگری کا فیصلہ معطل کردیا اور ملزم کو ریمانڈ کے لیے آج ہی کورٹ نمبر ٹو میں دوبارہ پیش کرنے کا حکم دے دیا۔
انسداد دہشتگردی منتظم عدالت کے ملزم کے جسمانی ریمانڈ نہ دینے کے خلاف محکمہ پراسیکیوشن کی درخواست پر ملزم ارمغان کو عدالت میں پیش کردیا گیا۔ عدالت نے استفسار کیا کہ کسٹڈی کہاں ہے؟
ایڈیشنل پراسیکیوٹر جنرل سندھ نے عدالت کو بتایا کہ ارمغان کو پیش کردیا گیا اور ایف آئی آر پڑھ کر سنائی۔ 6 جنوری کو مصطفیٰ عامر کو اغوا کیا گیا، مقدمہ نامعلوم ملزمان کے خلاف درج کیا گیا۔ درخشاں تھانے کے پولیس افسر نے مصطفیٰ کی والدہ کا بیان ریکارڈ کیا،13 جنوری کو تاوان کی کال کے بعد مقدمہ اے وی سی سی کو منتقل ہوا۔
ایڈیشنل پراسیکیوٹر جنرل نے عدالت کو بتایا کہ پولیس پارٹی نے گزری میں ملزم کے گھر پر چھاپہ مارا۔ ملزم کے گھر سے بڑی تعداد میں ہتھیار برآمد ہوئے، ملزم کے خلاف مزید مقدمات درج کئے گئے ہیں۔ 9 جنوری کو اسپیشل جوڈیشل مجسٹریٹ کے روبرو پیش کرکے راہداری ریمانڈ لیا گیا اور 10 جنوری کو پولیس نے کسٹڈی اے ٹی سی میں پیش کی۔ ایڈیشنل پراسیکیوٹر جنرل نے عدالت کو بتایا کہ تحقیقات مکمل کرنے کے لیے ریمانڈ ضروری تھا لیکن منتظم عدالت نے ملزم کے جسمانی ریمانډ کی استدعا مسترد کی۔
یہ بھی پڑھیےلاپتا مصطفیٰ عامر کے قتل کی وجہ سامنے آگئی
عدالت نے استفسار کیا کہ کیا وجہ بتائی منتظم عدالت نے ریمانڈ کی استدعا مسترد کرنے کی؟ ایڈیشنل پراسیکیوٹر جنرل نے بتایا کہ کوئی وجہ نہیں بتائی۔
ملزم سے مغوی کا ایک موبائل فون برآمد کیا۔ عدالت نے استفسار کیا کہ ملزم پہلے کب مقدمات میں مفرور تھا؟پراسیکیوٹر کا کہنا تھا کہ ملزم کا سی آر او پیش کیا گیا ہے۔ 5 مقدمات ملزم کے خلاف درج ہیں۔ ملزم بوٹ بیسن تھانے کے بھتے کے کیس میں مفرور ہے۔
عدالت نے ایک بار پھر استفسار کیا کہ پولیس کسٹڈی کی درخواست کس بنیاد پر مسترد کی گئی؟کیا تشدد کیا گیا؟
ملزم ارمغان نے عدالت کو بتایا کہ مجھ پر تشدد کیا گیا ہے۔ عدالت کے استفسار کیا کہ دکھائیں نشانات کہاں ہیں؟ عدالت میں ملزم کی شرٹ اتار کر دکھائی گئی۔ ایڈیشنل پراسیکیوٹر جنرل نے بتایا کہ ملزم کے جسم پر تشدد کا کوئی نشان نہیں ہے۔
عدالت نے ریمارکس دیے کہ اگر تشدد کی شکایت تھی تو میڈیکل چیک اپ کا آرڈر کرتے۔ ایڈیشنل پراسیکیوٹر جنرل نے بتایا کہ ریمانڈ پراسیکیوشن کا حق تھا۔ عدالت نے استفسار کیا کہ کیا ملزم نے جیل میں درد کی شکایت کی ہے؟ کیا جیل میں علاج یا معائنے کی درخواست دی تھی؟ ارمغان نے بتایا کہ میں شاک میں تھا۔
یہ بھی پڑھیےکراچی پولیس اور مقتول مصطفیٰ کی والدہ نے بیٹے کی قبر کشائی کے لیے درخواست دائر کردی
ایڈیشنل پراسیکیوٹر جنرل نے مزید بتایا کہ منتظم عدالت نے جسمانی ریمانڈ کی درخواست پر جے آئی ٹی بنانے کا آرڈر جاری کیا۔ ملزم کے گھر سے خون کے نمونے ملے تھے۔ وہ نمونے والدہ سے میچ کرگئے ہیں۔ خون مغوی مصطفی عامر کا ہی تھا۔ ڈی این اے میچ کیا ہے۔ مزید تفتیش کے لیے جسمانی ریمانڈ ضروری ہے۔ ملزم کے قبضے سے لیپ ٹاپ ملے ہیں جن کا فارنزک کروانا ہے۔ منتظم جج نے ایم ایل او کے لیے زبانی احکامات دیے۔ تحریری طور پر کچھ نہیں دیا۔
عدالت نے تفتیشی افسر امین اشفاق کو روسٹر پر طلب کیا اور استفسار کیا کہ آپ لے کر گئے تھے میڈیکل کے لیے؟ کوئی لیٹر دیا تھا؟
تفتیشی افسر نے بتایا کہ عدالت نے ہمیں کوئی لیٹر نہیں دیا تھا۔ عدالت نے استفسار کیا کہ آپ نے کوئی لیٹر دیا تھا؟ وہ کہاں ہے؟ کب ہدایت کی تھی منتظم عدالت نے؟کس وقت عدالت نے آرڈر کیا عدالتی ریمانڈ کے لیے؟ عدالتی ریمانڈ دیدیا تو یہ آپ کی ذمہ داری نہیں تھی، آپ کا کام کسٹڈی جیل انتظامیہ کے حوالے کرنا تھا۔ تفتیشی افسر نے بتایا کہ منتظم عدالت نے زبانی احکامات دیے تھے۔
اس پر عدالت نے رجسٹرار انسداد دہشتگردی عدالت کو روسٹر پر طلب کیا اور پوچھا کہ رجسٹرار انسداد دہشتگردی کہاں ہیں؟
یہ بھی پڑھیےپولیس نے مصطفیٰ عامر کی لاش کیسے تلاش کی؟
نمائندہ محکمہ داخلہ کا کہنا تھا کہ رجسٹرار کی پوسٹ خالی ہے، عدالت نے ریمارکس دیے کہ پورے آرڈر پر وائٹ لگایا ہوا ہے۔ پولیس کسٹڈی پر وائٹو لگا کر جوڈیشل کسٹڈی کیا گیا۔ پولیس اب بھی لکھا ہوا نظر آرہا ہے، وائٹو صحیح سے نہیں لگایا۔
پراسیکیوٹر جنرل سندھ نے بتایا کہ ملزم کا والد منتظم جج کے چیمبر میں بیٹھا رہا۔ عدالت نے ریمارکس دیے کہ اس چیز کے دلائل نہ دیں جو آپ نے درخواست میں نہیں لکھی۔
سندھ ہائیکورٹ نے محکمہ پراسیکیوشن کی درخواست منظور کرتے ہوئے 10 فروری کا انسداد دہشتگری کا فیصلہ معطل کردیا اور ملزم کو ریمانڈ کے لیے آج ہی کورٹ نمبر ٹو میں دوبارہ پیش کرنے کا حکم دے دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جرائم کراچی مصطفیٰ عامر قتل.ذریعہ: WE News
کلیدی لفظ: کراچی مصطفی عامر قتل انسداد دہشتگردی منتظم عدالت نے ریمانڈ کے لیے نے بتایا کہ کی درخواست جنوری کو کیا گیا کہ ملزم ملزم کے کے خلاف
پڑھیں:
انسداد اسمگلنگ کارروائیوں میں ایک کروڑ 12 لاکھ سے زائد مالیت کی منشیات برآمد
راولپنڈی:ملک میں انسداد اسمگلنگ کارروائیوں کے دوران ایک کروڑ 12 لاکھ سے زائد مالیت کی منشیات برآمد کرلی گئی۔
ترجمان اینٹی نارکوٹکس فورس کے مطابق اے این ایف نے تعلیمی اداروں کے اطراف اور مختلف شہروں میں اسمگلنگ کے خلاف کریک ڈاؤن کرتے ہوئے 5 کارروائیوں کے دوران 5 ملزمان کو گرفتار کرکے ایک کروڑ 12لاکھ روپے سے زائد مالیت کی 108.61کلوگرام منشیات برآمد کرلی۔
تعلیمی اداروں میں کارروائیاں
نارتھ ناظم آباد کراچی میں واقع یونیورسٹی کے قریب ملزم سے 36 کلو چرس برآمد کی گئی۔ گرفتار ملزم نے تعلیمی اداروں کے طلبہ کو منشیات فروخت کرنے کا اعتراف بھی کیا ہے۔
دیگر کارروائیاں*
اسلام آباد ایئرپورٹ پر دبئی جانے والے مسافر کے سامان میں آٹا گوندھنے والی مشین سے منشیات برآمد برآمد کی گئی، جس میں 1.726کلو آئس اور 0.218 کلوگرام وزنی 480 ایکسٹیسی گولیاں برآمد ہوئی ہیں۔
گلبرگ لاہور میں واقع کوریئر آفس میں دبئی بھیجے جانے والے پارسل میں جوتوں میں چھپائی گئی 70 گرام چرس برآمد ہوئی۔ اُدھر سہراب گوٹھ کراچی میں بس ٹرمینل کے قریب گاڑی سے 45.6 کلوگرام چرس برآمد کرکے ملزم کو گرفتار کرلیا گیا۔
علاوہ ازیں شیر شاہ ٹول پلازہ ملتان کے قریب گاڑی سے 25 کلو افیون برآمد کرلی گئی اور 2ملزمان کو گرفتار کرلیا گیا۔
تمام کارروائیوں میں انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔
ڈی جی این سی سی آئی اے وقار الدین سید کو عہدے سے ہٹا دیا گیا