فیکٹ چیک: روس، جرمن انتخابات پر کس طرح اثر انداز ہو رہا ہے؟
اشاعت کی تاریخ: 18th, February 2025 GMT
اسلام آباد (اُردو پوائنٹ ۔ DW اردو۔ 18 فروری 2025ء) یہ پہلا موقع نہیں ہے جب روس غلط معلومات کے ذریعے انتخابات پر اثر انداز ہونے کی کوشش کر رہا ہے۔ امریکہ میں 2024 کے صدارتی انتخابات اور یورپی انتخابات اس کی مثالیں ہیں۔ جرمن پارلیمان (بنڈس ٹاگ) کے مطابق 2021ء کے وفاقی انتخابات کے موقع پر بھی روس نے رائے دہندگان کی رائے پر اثر انداز ہونے کی کوشش کی تھی۔
چار سال بعد بھی صورتحال وہی ہے۔ 23 فروری کو ہونے والے وفاقی انتخابات کے سلسلے میں بھی ماہرین بڑے پیمانے پر روسی غلط معلومات کے پھیلاؤ کا مشاہدہ کر رہے ہیں، جس کا مقصد خاص طور پر اعتدال پسند جماعتوں کو بدنام کرنا ہے۔ زیادہ تر غلط خبریں گرین پارٹی، سی ڈی یو اور ایس پی ڈی اور ان کے سرکردہ امیدواروں کے خلاف پھیلائی جا رہی ہیں۔
(جاری ہے)
سینٹر فار مانیٹرنگ، اینالسس اینڈ اسٹریٹجی (سی ای ایم اے ایس) کی لی فروہورتھ نے ڈی ڈبلیو کو بتایا، ''اے ایف ڈی کا ذکر شاذ و نادر ہی کیا جاتا ہے، لیکن جب ایسا ہوتا ہے، تو اس کا مثبت طور پر ذکر کیا جاتا ہے۔
‘‘سی ای ایم اے ایس ایک غیر منافع بخش تنظیم ہے جو سازشی نظریات، یہود دشمنی اور دائیں بازو کی انتہا پسندی جیسے موضوعات پر کام کرتی ہے۔
سرفہرست امیدوار جعلی خبروں کے نشانے پر
یہاں دو تازہ مثالیں پیش ہیں: فروری کے آغاز سے، متعدد ایکس صارفین سی ڈی یو کے ٹاپ امیدوار فریڈرک میرس کی مبینہ ذہنی خرابی کے بارے میں ایک ویڈیو پھیلا رہے ہیں۔
اس کے مطابق میرس نے مبینہ طور پر 2017 میں اپنی جان لینے کی کوشش کی تھی۔ ان میں سے ایک پوسٹ کو 10 دن کے اندر 5.4 ملین سے زیادہ بار دیکھا گیا۔
پیش کیے گئے ثبوتوں میں ایک ماہر نفسیات البرٹ مرٹنز کی گواہی اور ایک طبی فارم شامل ہیں۔ فارم پر مہر میں مرٹنز کو 'سائیکالوجیکل فزیو تھیراپسٹ‘ کے طور پر پیش کیا گیا ہے۔ جرمنی میں سائیکالوجسٹ اور فزیو تھیراپسٹ بالکل ہی مختلف شعبے ہیں۔
فیڈرل چیمبر آف سائیکوتھراپسٹ نے ڈی ڈبلیو کو بتایا کہ جرمن ریاست نارتھ رائن ویسٹ فیلیا میں 'البرٹ مرٹنز‘ کے نام سے کوئی رکن رجسٹرڈ نہیں ہے۔ اس کے علاوہ، دکھائے گئے پتے پر ایسا کوئی کلینک نہیں جو اس طرح کے فارم جاری کرنے کا مجاز ہو۔اصل میں ، یہ ویڈیو ویب سائٹ ''ووخن اوبرزیشٹ آؤس میونشن ‘‘ پر شائع کی گئی تھی۔ ایک اہم تفصیل: ویڈیو شیئر کرتے وقت، بار بار اس بات کی نشاندہی کی گئی ہے کہ میرس یوکرین کے لیے ٹاؤرس میزائلوں کا مطالبہ کر رہے ہیں۔
گرینز کے سرکردہ امیدوار رابرٹ ہابیک اور ان کی پارٹی کی ساتھی کلاؤڈیا روتھ بھی حال ہی میں غلط معلومات کا شکار ہوئے ہیں۔'ناریٹیو‘ نامی ویب سائٹ پر ایک مضمون اور ایک ویڈیو کے مطابق، ان کے بارے میں کہا جاتا ہے کہ وہ 100 ملین یورو کے مبینہ کرپشن اسکینڈل میں ملوث ہیں۔ اس کا تعلق پروشیا کلچرل ہیریٹیج فاؤنڈیشن کی متعدد پینٹنگز سے ہے، جو مبینہ طور پر یوکرین پہنچ گئیں اور پھر آرٹ جمع کرنے والے نجی افراد کو فروخت کر دی گئیں۔
پروشیا کلچرل ہیریٹیج فاؤنڈیشن نے ڈی ڈبلیو سے بات کرتے ہوئے اس بات کی تصدیق کی کہ اس اشاعت کے تمام دعوے یا تو جھوٹے ہیں یا فرضی۔ان مبینہ انکشافات میں جو چیز مشترک ہے، اور وہ یہ کہ انہیں جھوٹے گواہوں کے بیانات اور جعلی دستاویزات کے ساتھ ایک ہی پیٹرن کے مطابق پیش کیا جاتا ہے، اور وہ سب سے پہلے ایسی ویب سائٹس پر شائع کیے جاتے ہیں جو نیوز پلیٹ فارمز کی طرح نظر آتی ہیں لیکن غلط معلومات پھیلاتی ہیں۔
گنِیڈا نامی آن لائن تحقیقی منصوبے کی ٹیم کے ایک رکن نے ڈی ڈبلیو کو بتایا کہ یہ خصوصیات روسی غلط معلومات پھیلانے کی مہم کی خاصیت ہیں جسے ''اسٹارم-1516‘‘ کا نام دیا جاتا ہے۔مہمات: ڈوپل گینگر، میٹریوشکا اور اسٹارم -1516
گنِینڈا نامی اس منصوبے نے 'کوریکٹیو‘ اور 'نیوز گارڈ‘ جیسے پلیٹ فارمز کے تعاون سے، ایک سو سے زائد جرمن زبان کی ویب سائٹس کا پتہ لگایا، جو ابتدائی طور پر مصنوعی ذہانت سے تیار کردہ، روس نواز مواد سے بھری ہوئی تھیں۔
بعد ازاں، ان ویب سائٹس کو جھوٹی رپورٹس شائع کرنے کے لیے استعمال کیا جاتا ہے۔ اس کے بعد یہ ان خبروں کو 'دوستوں‘ یا 'پیڈ انفلوئنسرز‘ کے ذریعے ایکس یا ٹیلی گرام جیسے پلیٹ فارمز پر پھیلایا جاتا ہے۔’’ڈوپل گینگر‘‘ نامی مہم بھی اسی طرح کام کرتی ہے۔ جرمنی کا وفاقی دفتر خارجہ لکھتا ہے کہ فروری 2022ء میں یوکرین پر روسی حملے کے آغاز کے بعد سے، ''یہ روس نواز بیانیے اور غلط معلومات پھیلا رہی ہے جس کا مقصد مغربی خارجہ پالیسی کو بالعموم بدنام کرنا اور خاص طور پر مغرب کی طرف سے یوکرین کی حمایت کو نشانہ بنانا ہے۔
‘‘امریکہ میں انتخابی مہم میں مداخلت کے بعد امریکی حکومت نے اس کے ذمہ دار روسی عناصر پر پابندیاں عائد کر دیں۔
’ڈوپل گینگر‘ مہم کو یہ نام اس لیے دیا گیا ہے کہ کیونکہ اس میں ڈی ڈبلیو یا بی بی سی جیسے معروف میڈیا کی ویب سائٹس سے ملتی جلتی ویب سائٹس ویڈیوز کا سہارا لیا گیا ہے۔ ڈی ڈبلیو کی فیک چیکنگ ٹیم نے کچھ حقائق کی جانچ پڑتال کر کے حقائق پیش کیے تھے۔
ان میں سے کچھ جعل سازیوں کا جلد ہی پتہ چل جاتا ہے۔ لیکن بائریشر رُنڈ فُنک (بی آر) کی حقائق کی جانچ کرنے والی ٹیم سے 'سی ایم اے ایس‘ سے تعلق رکھنے والے لیِا فرؤہ وِرتھ کے مطابق ''اس کا تعلق معیار کے بجائے مقدار سے ہے۔‘‘
’’ماتریوشکا‘‘ نامی مہم بھی اسی طرح کا کام کرتی ہے۔ بوٹس کی ایک بڑی تعداد ''توجہ بٹانے کی کوشش‘‘ کرتے ہیں۔
صحافی جعلی خبروں کی بھرمار سے متاثر ہوتے ہیں اور ان کی اصلیت جاننا چاہتے ہیں۔ فرانسیسی خبر رساں ادارے اے ایف پی کی رپورٹ کے مطابق اس طرح جھوٹے دعوے پھیلائے جاتے ہیں اور ساتھ ہی حقائق کی جانچ پڑتال کرنے والوں کے کام کو 'بلاک‘ کیا جاتا ہے۔آزاد روسی میڈیا پراجیکٹ ''ایجنٹس ٹو‘‘ لکھتا ہے کہ ''ماتریوشکا‘‘ بوٹس نے جنوری کے آخر میں چند دنوں کے اندر کم از کم 15 جعلی ویڈیوز پھیلائیں۔
اور یہ ویڈیوز ڈی ڈبلیو اور جرمن میڈیا بِلڈ سے ملتی جلتی تھیں۔ انگریزی، فرانسیسی اور ہسپانوی زبانوں میں یہ بتایا گیا کہ جرمنی مبینہ طور پر دہشت گردی کے خطرے، جرائم میں اضافے اور انتخابات سے قبل ووٹروں کے خوف سے نبرد آزما ہے۔روس خاص طور پر دو جماعتوں کی حمایت کرتا ہے
بیرگشے رُنڈ فُنک کو دیے گئے ایک انٹرویو میں نیوز گارڈ کی لیونی فالر کا کہنا تھا کہ روس کے اہداف ''سب سے بڑھ کر غیر یقینی صورتحال پھیلانا، اور ووٹروں کو پولرائز کرنا ہیں۔
‘‘ یہ بات حیران کن ہے کہ جزوی طور پر دائیں بازو کی انتہا پسند جماعت آلٹرنیٹو فار جرمنی (اے ایف ڈی) اور اس کی ٹاپ امیدوار ایلس وائیڈل کے بارے میں اکثر مثبت خبریں سامنے آتی رہتی ہیں۔ 2024 کے اوائل میں ایک تحقیق سے پتہ چلا کہ ''ڈوپل گینگر‘‘ مہم کا مقصد اے ایف ڈی کے ووٹوں کا حصہ کم از کم 20 فیصد تک لانا تھا۔ حالیہ جائزوں کے مطابق وفاقی انتخابات سے قبل جائزوں کے مطابق اے ایف ڈی کو 20 فیصد ووٹروں کی حمایت حاصل ہے۔ اب اس کا ڈوپل گینگر کی مہم سے کوئی تعلق ہے یا نہیں یہ ثابت نہیں کیا جا سکتا۔فالر کو شبہ ہے کہ اے ایف ڈی کو روس کی حمایت حاصل ہے کیونکہ یہ دیگر جماعتوں کے مقابلے میں روس کے ساتھ دوستانہ رویہ رکھتی ہے۔ اپنی انتخابی مہم میں اس پارٹی نے روس کے خلاف اقتصادی پابندیاں اٹھانے کا مطالبہ کیا ہے۔ اس کے علاوہ، اے ایف ڈی یوکرین کے خلاف روسی جارحیت کی مذمت بھی نہیں کرتی۔
سی ایم اے ایس کی لیا فرؤہ وِرتھ نے ایک اور پارٹی کا بھی ذکر کیا ہے جسے روسی پراپیگنڈے کی حمایت حاصل ہے، سارا واگن کنیشٹ الائنس (بی ایس ڈبلیو)۔ اس پارٹی نے اپنے انتخابی پروگرام میں یوکرین کی جنگ کو روس اور امریکہ کے درمیان پراکسی جنگ کے طور پر پیش کیا ہے جس سے بچا جا سکتا تھا۔ اس کے علاوہ بی ایس ڈبلیو چاہتی ہے کہ جرمنی دوبارہ روس سے قدرتی گیس خریدے۔
اسٹفٹنگ مرکیٹر کے فیلکس کارٹے روس کی طویل المدتی حکمت عملی کے مقابلے میں بنڈس ٹاگ انتخابات کے بارے میں غلط معلومات پھیلانے کو نسبتاﹰ کم خطرے کے طور پر دیکھتے ہیں۔ انہوں نے ڈی ڈبلیو کو بتایا، ''جن مسائل اور بیانیوں پر کریملن برسوں سے غلبہ حاصل کرنا چاہتا تھا، وہ جرمن عوامی بحث میں بھی اب غالب آ گئے ہیں۔ مثال کے طور پر یہ دعویٰ کہ یورپ کی تمام حکومتیں بدعنوان ہیں اور وہ اظہار رائے کی آزادی کو دبا رہی ہیں، یہ بیانیہ یورپ میں انتہائی دائیں بازو کی جماعتوں کی جانب سے بھی پھیلایا جاتا ہے۔
جرمنی روسی غلط معلومات کے خلاف اپنا دفاع کیسے کر رہا ہے؟
کریکٹیو ریسرچ سنٹر کے ایک سوال پر جرمنی کی وفاقی وزارت داخلہ نے بتایا کہ جرمنی میں غیر ملکی ریاستی ایجنسیوں کی طرف سے غلط معلومات پھیلانا عام طور پر قابل سزا نہیں ہے۔ اس کے باوجود وزارت کے مطابق ایک انٹر ڈپارٹمنٹل ورکنگ گروپ غلط معلومات جیسے خطرات سے نمٹ رہا ہے۔
بی آر کی جانب سے ایک سوال کے جواب میں اس وزارت نے لکھا ہے کہ اس کی توجہ غلط معلومات کے بارے میں عوامی بیداری بڑھانے اور تمام عمر کے گروپوں میں خبروں اور میڈیا خواندگی کو فروغ دینے پر ہے۔ مزید کہا گیا کہ روسی غلط معلومات کا مشترکہ طور پر مقابلہ کرنے کے لیے حکومت دیگر ریاستوں اور سوشل نیٹ ورکس کے ساتھ بھی رابطے میں ہے۔
ڈیجیٹل ماہر فیلکس کارٹے کے بقول تاہم، حقائق کے ساتھ غلط معلومات کا مقابلہ کرنا کافی نہیں ہے۔
سیاست کو معاشرے کی بنیادی جذباتی ضروریات کو بھی تسلیم کرنا چاہیے۔ یعنی مختصراﹰ، ''بہتر سیاست کرنا‘‘یہ مضمون اے آر ڈی-فیکٹ چیکرز، بی آر 24 فیکٹن فُکس اور ڈی ڈبلیو فیکٹ چیک کے درمیان تعاون سے لکھا گیا۔
کیتھرین ویسولوسکی، تیتیانہ کلُگ (ا ب ا/ا ا)
ذریعہ: UrduPoint
کلیدی لفظ: تلاش کیجئے روسی غلط معلومات غلط معلومات کے کے بارے میں کیا جاتا ہے ایم اے ایس ویب سائٹس اے ایف ڈی کے طور پر کی حمایت کے مطابق کے خلاف کہ جرمن نہیں ہے کی کوشش کے ساتھ رہا ہے اور ان
پڑھیں:
جے این یو طلباء یونین انتخابات کی صدارتی بحث میں پہلگام، وقف قانون اور غزہ کا مسئلہ اٹھایا گیا
نتیش کمار نے کہا کہ میں بی جے پی حکومت کو بھی چیلنج کرتا ہوں کہ اگر وہ پہلگام حملے کو ملک میں فرقہ پرستی پھیلانے کیلئے استعمال کرتی ہے تو جے این یو اسکے خلاف کھڑی ہوگی اور انہیں تباہ کر دیگی۔ اسلام ٹائمز۔ جواہر لال نہرو یونیورسٹی (جے این یو) طلباء یونین کے انتخابات میں صدارتی مباحثے کا اہتمام کیا گیا۔ صدر کے عہدہ کے لئے صدارتی بحث شروع ہونے سے پہلے اے بی وی پی اور اے آئی ایس اے کے درمیان جموں و کشمیر کے پہلگام کے دہشت گردانہ واقعہ اور فلسطین مسئلہ پر پوسٹر فلیگ کا تنازع دیکھا گیا۔ ساتھ ہی باپسا BAPSA اور این ایس یو آئی کے حامیوں پر جھگڑے اور ایک دوسرے کو دھکا دینے کا بھی الزام لگایا گیا۔ اس سب کے درمیان رات تقریباً 12.30 بجے بحث شروع ہوئی۔ تمام مقررین کو بولنے کے لئے 10 منٹ کا وقت دیا گیا، شروع میں تین مقررین نے اپنے خیالات پیش کئے۔
بحث کے دوران اے بی وی پی کے مرکزی پینل کی صدارتی امیدوار اور اے بی وی پی جے این یو یونٹ کی وزیر شیکھا سوراج نے پہلگام میں ہوئے دہشت گردانہ حملے کے مہلوکین کو خراج عقیدت پیش کرتے ہوئے بات کی۔ اس تناظر میں انہوں نے تند و تیز سوال اٹھایا کہ جب کچھ لوگ یہ نہیں مانتے کہ دہشتگردی کا کوئی مذہب ہوتا ہے تو وہ یہ کیوں نہیں بتاتے کہ حملہ آوروں کا مذہب اور شناخت کیا تھی۔ اس دوران یونائیٹڈ لیفٹ پینل سے AISA کے صدارتی امیدوار نتیش کمار نے پہلگام میں ہلاک ہونے والوں کو خراج عقیدت پیش کرتے ہوئے اپنی تقریر کا آغاز کیا۔ انہوں نے کہا کہ میں کشمیری عوام کے جذبے کو بھی سلام پیش کرتا ہوں جو مصیبت زدہ عوام کے ساتھ کندھے سے کندھا ملا کر کھڑے رہے۔
نتیش کمار نے کہا کہ میں بی جے پی حکومت کو بھی چیلنج کرتا ہوں کہ اگر وہ پہلگام حملے کو ملک میں فرقہ پرستی پھیلانے کے لئے استعمال کرتی ہے تو جے این یو اس کے خلاف کھڑی ہوگی اور انہیں تباہ کر دے گی۔ اپنی تقریر میں نتیش کمار نے کہا کہ ملک میں فاشزم کی انتہا پسندی کا دور جاری ہے۔ وقف ترمیمی بل لا کر مسلمانوں کی زمینیں چھینی جا رہی ہیں۔ سی اے اے این آر سی لا کر شہریت پر سوال اٹھایا جا رہا ہے۔ اس کے ساتھ ہی نتیش کمار نے فلسطین میں مارے جانے والے معصوم شہریوں کا ذکر کیا اور تشدد کو فوری طور پر روکنے کا مطالبہ کیا۔
ہمارے قانون سازی کرنیوالے ایم پی ایز کو اے آئی کا پتہ نہیں: ملک محمد احمد خان