سکھرمیں ن لیگ ورکرزکنونشن کی تیاریاں عروج پر
اشاعت کی تاریخ: 19th, February 2025 GMT
سکھر(نمائندہ جسارت )سکھرمیں ن لیگ ورکرز کنونشن کی تیاریاں عروج پر،تشہری مہم کے سلسلے میں ریلی کاانعقاد،پارٹی قائدین کے حق میں نعرے بازی۔ تفصیلات کیمطابق سکھر پاکستان مسلم لیگ (ن) ڈسٹرکٹ سکھر کے صدر خورشید احمد میرانی کی جانب سے 28 فروری کو ہونے والے سکھر ورکرز کنونشن کی تشہیر کیلئے سوشل میڈیا پر متحرک ہونے کیلئے سوشل میڈیا کمپین کا آغاز کردیا گیا، پاکستان مسلم لیگ ن کا پاورشو کی تیاریاں عروج پر ہے پاکستان مسلم لیگ (ن) کی جانب سے ایک ریلی نکالی گئی جو نیو پنڈ سمیت شہر کے مختلف علاقوں سے ہوتی ہوئی سکھر پریس کلب پہنچی اور سکھر پریس کلب کے سامنے خوب نعرے بازی کی ۔ریلی میں شریک مسلم لیگ ن سکھر کے عہدیداران سمیت کارکنان کی بڑی تعداد موجود تھی کارکنان نے ہاتھوں میں پارٹی پرچم اٹھا رکھے تھے اور کارکنان کی جانب سے،نواز شریف زندہ باد،شہباز شریف زندہ باد اور خورشید میرانی زندہ باد کے نعرے لگائے گئے اور جھنڈے لہرائے گئے۔ میڈیا اور پارٹی کارکنان سمیت سکھر کی عوام سے مخاطب ہوتے ہوئے سکھر ڈسٹرکٹ کے صدر خورشید احمد میرانی نے کہا کہ ہماری آج کی جو ریلی نکالی گئی ہے اس کا مقصد 28 فروری کو ہونے والے ورکرز کنونشن کی آگاہی اور اپنے کنونشن کو کامیاب بنانے کے لئے سکھر کی عوام کو جگانے اور اپنے حق کے لئے لڑنے سمیت سکھر کو ترقی کی طرف گامزن اور سکھر کے بنیادی مسائل کے حوالے سے کنونشن کا انعقاد کیا جا رہا ہے ہماری ریلی کا مقصد بھی یہی ہے کے سکھر کی عوام اس کنونشن میں بھرپور طریقے سے شرکت کرے اور ہمیں سکھر اور اس کی عوام کی خدمت کا موقع دے پاکستان مسلم لیگ ن نے ہمیشہ عوامی مسائل کے حل کیلئے اپنا کردار ادا کیا ہے،اس موقع پر ڈسٹرکٹ سکھر کے سینئر نائب صدر اللہ داد بوذدار ،میڈیا کوآرڈینیٹر عبدالفتاح ابڑو ،تعلقہ روہڑی کے صدر فہیم گرگیج، بابو کھوسو ،وزیر علی شیخ ، سکھر سٹی کے صدر نعیم بدر قریشی، جنرل سیکریٹری چوہدری محمد خالد آرائیں ،اظہار بٹ و دیگر عہدیداران سمیت کارکنان کی بڑی تعداد موجود تھی۔
کمشنرگھوٹکی نوید احمد نے چارج سنبھال لیا
میرپورماتھیلو(نمائندہ جسارت) اسسٹنٹ کمشنر گھوٹکی نوید احمد نے چارج سنبھالتے ہی سول اسپتال گھوٹکی کا اچانک دورہ کرکے ایمرجنسی وارڈ، ڈائلاسز سینٹر، میڈیکل اسٹور کا جائزہ لیا۔ اس موقع پر انہوں نے ایم ایس کو ہدایت کرتے ہوئے کہا کہ جلد از جلد ڈائلاسز سینٹر کو فعال بناکر صفائی ستھرائی کو یقینی بنایا جائے جبکہ تمام میڈیکل افسران و پیرامیڈک اسٹاف کو پابند کیا جائے کہ وہ وقت کی پابندی سے فرائض سرانجام دیں ۔
ذریعہ: Jasarat News
کلیدی لفظ: پاکستان مسلم لیگ کنونشن کی سکھر کے کی عوام کے صدر
پڑھیں:
پنجاب میں زور ٹوٹ گیا،سکھر بیراج میں اونچے درجے کا سیلاب،نقل مکانی،فصلیں تباہ
data-id="863a0a8" data-element_type="widget" data-widget_type="theme-post-content.default">
250917-01-15
لاہور/اسلام آباد/کراچی/سیہون (نمائندگان جسارت +اسٹاف رپورٹر) پنجاب کے دریاؤں میں پانی کی سطح میں کمی کے بعد دریائے سندھ میں گڈو اور سکھر بیراج کے مقام پر اونچے درجے کے سیلاب کے باعث کچے کے علاقے زیر آب آگئے۔لوگ بڑی تعداد میں نقل مکانی کررہے ہیں جب کہ سیلاب سے کھڑی فصلیں تباہ ہوگئی ہیں۔سکھر بیراج پر اونچے درجے کے سیلاب کے باعث کشمور اور شکار پور کے کچے کے علاقے متاثر ہوئے ہیں۔دریائے سندھ میں گڈو سے آنے والا پانی کا ریلا سکھر بیراج پہنچ گیا جس کے باعث بیراج پر اونچے درجے کا سیلاب اور شدید طغیانی دیکھی جارہی ہے۔آبی ریلے سے کشمور اور شکار پور کے کچے کے علاقے متاثر ہونے کے ساتھ ساتھ کپاس اور دیگر فصلیں بھی ڈوب گئی ہیں جب کہ سیلاب خیرپور میں بچاؤ بند وں سے بھی ٹکرا گیا۔سکھر میں دریائے سندھ کے بیچ میں قائم سادھو بیلہ مندر یاتریوں کے لیے بند کردیا گیا ہے ، مندر کی سیڑھیاں اورکشتیوں کے لیے بنایا گیا پلیٹ فارم بھی پانی میں ڈوب گیا ہے۔اس کے علاوہ لاڑکانہ موریالوپ بند پر بھی پانی کا بہاؤ بڑھنے سے کچے کے مزید دیہات زیر آب آگئے جس کے باعث متاثرہ دیہات کی مجموعی تعداد 30ہوگئی ہے تاہم متاثرہ علاقوں کے مکینوں نے محفوظ مقامات پر منتقل ہونے سے انکار کردیا ہے جب کہ لاڑکانہ سیہون بچاؤ بند پر کچے کے مکینوں میں ملیریا اور جلدی امراض بھی پھیل رہے ہیں۔وفاقی وزیر معین وٹو کے مطابق دریائے چناب میں پنجند پر نچلے درجے کا سیلاب ہے اور سطح مزید کم ہو رہی ہے جب کہ دریائے سندھ میں گڈو اور سکھر بیراج پر اونچے درجے کا سیلاب ہے۔ کوٹری بیراج پر نچلے درجے کا سیلاب ہے اور سطح مستحکم ہے۔وفاقی وزیر نے بتایا کہ تربیلا ڈیم 27 اگست سے 100 فیصد بھرا ہوا ہے جب کہ منگلا ڈیم 95 فیصد بھر چکا اور مزید 4.30 فٹ کی گنجائش باقی ہے۔دوسری جانب وزیراعظم شہباز شریف کی زیر صدارت حالیہ بارشوں اور سیلاب کے پیش نظر ملک بھر میں جانی و مالی نقصانات سمیت ، فصلوں اور لائیو سٹاک کے خسارہ کے تخمینہ پر جائزہ اجلاس ہوا۔شہباز شریف نے ہدایت کی کہ تمام صوبے اور متعلقہ ادارے ملک میں سیلابی صورتحال اور حالیہ بارشوں کے پیش نظر نقصانات کا تفصیلی تخمینہ لگائیں تاکہ بحالی کے لیے واضح اور موثر لائحہ عمل اختیار کیا جاسکے۔انہوں نے ہدایت کی کہ وفاقی اور بین الصوبائی ادارے نقصانات کے تخمینے میں ایک دوسرے سے بھرپور تعاون کریں۔وزیراعظم نے کہا کہ بارشوں اور حالیہ سیلاب کی نقصانات کے جائزہ میں جانی و مالی نقصان کے علاوہ فصلوں کی تباہ کاری اور مال مویشی کے نقصانات کو بھی شمار کیا جائے، سپارکو سے سیٹلائٹ اسسمنٹ میں مدد لی جائے۔
لاہور: اغوا ہونے والا 3 سالہ بچہ چوہنگ سے بازیاب