شامی باغیوں کے وزیر خارجہ کا دورہ عراق ملتوی
اشاعت کی تاریخ: 21st, February 2025 GMT
اپنے ایک جاری بیان میں شامی وزارت خارجہ کے انفارمیشن ڈیسک کا کہنا تھا کہ اب اس سفر کے زمان کا تعین ٹیکنیکل مشاورت اور ضروری اقدامات کے بعد کیا جائے گا۔ اسلام ٹائمز۔ عرب ویب نیوز بغداد الیوم نے آگاہ ذرائع کا حوالہ دیتے ہوئے خبر دی کہ شامی باغیوں کے وزیر خارجہ "اسعد الشیبانی" کا دورہ عراق تا اطلاع ثانوی ملتوی ہو گیا۔ اسعد الشیبانی کا یہ دورہ رواں اسنیچر کو انجام پانا تھا جو کسی اور وقت کے لئے ملتوی ہو گیا۔ یہ سفر سکیورٹی کے مسائل کی وجہ سے منسوخ ہوا۔ واضح رہے کہ شامی باغیوں کے وزیر خارجہ کا دورہ عراق تیسری بار ملتوی ہوا ہے۔ دوسری جانب شام کی وزارت خارجہ کے انفارمیشن آفس نے بھی خبر دی کہ اسعد الشیبانی کو اپنے عراقی ہم منصب "فواد حسین" کی جانب سے باضابطہ طور پر دورہ عراق کی دعوت موصول ہوئی تاکہ دونوں ممالک کے درمیان تعلقات بحال کرنے اور مشترکہ مسائل پر مشاورت کی جا سکے۔ مذکورہ وزارت خارجہ نے کہا کہ اب اس سفر کے زمان کا تعین ٹیکنیکل مشاورت اور ضروری اقدامات کے بعد کیا جائے گا۔ قبل ازیں عراقی ذرائع نے اسعد الشیبانی کے ایک روزہ دورہ بغداد کی خبر دی۔ ان ذرائع نے وضاحت کے ساتھ کہا کہ اس سفر میں مشترکہ سکیورٹی، اقتصادی و تجارتی شعبوں کے بارے میں بات چیت شامل تھی۔ نیز مستقبل میں دوطرفہ روابط اور "ابو محمد الجولانی" کی آنے والے عرب سربراہی اجلاس میں شرکت پر مشاورت بھی شامل تھی۔
.ذریعہ: Islam Times
کلیدی لفظ: اسعد الشیبانی
پڑھیں:
’بھارت کا کردار عالمی سطح پر مشکوک ہو چکا‘،امریکی وزیر خارجہ
امریکی وزیر خزانہ اسکاٹ بیسّنٹ نے بھارت کے ساتھ تجارتی مذاکرات پر اظہارِ مایوسی کرتے ہوئے کہا ہے کہ صدر ڈونلڈ ٹرمپ اور ان کی پوری انتظامیہ ان مذاکرات کی سست رفتاری سے پریشان ہے۔
یہ بیان ایک ایسے وقت میں سامنے آیا ہے جب صدر ٹرمپ نے بھارتی مصنوعات پر 25 فیصد درآمدی ٹیرف عائد کرنے کا اعلان کیا ہے۔
ٹرمپ انتظامیہ کا کہنا ہے کہ یہ ٹیرف دراصل بھارت پر دباؤ ڈالنے کی ایک حکمت عملی ہے تاکہ وہ روس سے تیل اور فوجی سازوسامان کی خریداری سے باز آئے، اور امریکی مفادات سے ہم آہنگ پالیسی اختیار کرے۔
روسی تیل کی خریداری بھی وجہ تنازعٹرمپ انتظامیہ نے کہا ہے کہ بھارت عالمی پابندیوں کا فائدہ اٹھا کر روس سے سستا تیل خرید رہا ہے، اور بعد ازاں اسے ریفائن کرکے عالمی منڈی میں فروخت کر رہا ہے۔ بیسّنٹ نے کہا:
یہ بھی پڑھیے امریکا نے پاکستان پر 19 فیصد ٹیرف عائد کر دیا، بھارت کو سختی کا سامنا
’بھارت نے روسی تیل کی بڑے پیمانے پر خریداری کی ہے، جو کہ پابندیوں کے باوجود جاری ہے۔ ہم نہیں سمجھتے کہ یہ عالمی سطح پر بھارت کا اچھا کردار ہے۔‘
بیسّنٹ: ’’بھارت نے مذاکرات کو سست روی کا شکار کیا‘‘سی این بی سی کو دیے گئے ایک انٹرویو میں بیسّنٹ نے کہا:
’بھارت شروع میں مذاکرات کی میز پر آیا، لیکن اب بہت سست روی سے آگے بڑھ رہا ہے۔ صدر اور پوری ٹیم ان کے رویے سے مایوس ہے۔‘
’بھارت کا کردار عالمی سطح پر مشکوک ہو چکا ہے‘، بیسّنٹامریکی وزیر خزانہ بیسّنٹ نے بھارت پر روس کے ساتھ تجارتی تعلقات جاری رکھنے پر شدید تنقید کی، خاص طور پر بھارت کی جانب سے پابندی زدہ روسی تیل کی خریداری اور اسے ریفائن کرنے کے بعد دوبارہ فروخت کرنے کے عمل کو، جسے انہوں نے بھارت کے ’عالمی ساکھ‘ کے لیے نقصان دہ قرار دیا۔
مارکو روبیو کی شدید تنقیدامریکی وزیر خارجہ مارکو روبیو نے بھی بھارت پر تنقید کرتے ہوئے کہا کہ بھارت کی روس سے مسلسل خریداری ماسکو کی جنگی مشین کو زندہ رکھے ہوئے ہے۔ یہ واشنگٹن اور نئی دہلی کے تعلقات میں واضح تناؤ کی ایک بڑی وجہ ہے۔
مزید پڑھیں: امریکی صدر ڈونلڈ ٹرمپ نے 7 بھارتی کمپنیوں پر پابندیاں عائد کر دیں
گزشتہ روز امریکی صدر ٹرمپ نے اپنی ایک سوشل میڈیا پوسٹ میں کہا تھا:
’مجھے پروا نہیں بھارت روس کے ساتھ کیا کرتا ہے، یہ دونوں اپنی مردہ معیشتوں کو لے کر ڈوب جائیں تو مجھے کوئی فرق نہیں پڑتا۔‘
امریکا کا دباؤ، بھارت کا تحفظِ خودمختاری پر اصرارصدر ٹرمپ کے بقول، یہ 25 فیصد ٹیرف بھارت کو مذاکرات کی میز پر واپس لانے اور امریکی مطالبات ماننے پر مجبور کرنے کے لیے کافی ہوگا۔ بھارت نے اپنے ردِعمل میں کہا ہے کہ وہ ان اقدامات کے قانونی اور معاشی اثرات کا جائزہ لے رہا ہے۔
بھارتی جریدے ’انڈیا ٹودے‘ نے باخبر ذرائع کے حوالے سے بتایا ہے کہ بھارت اس وقت کسی جوابی کارروائی کا ارادہ نہیں رکھتا اور مذاکرات کے ذریعے مسئلہ حل کرنا چاہتا ہے۔
یہ بھی پڑھیے امریکا نے بھارت پر 25 فیصد ٹیرف جبکہ روس کیساتھ تعلقات پر بھاری جرمانہ عائد کردیا
واضح رہے کہ اس سے قبل امریکی صدر ڈونلڈ ٹرمپ کی دھمکی کے بعد بھارت کی سرکاری آئل ریفائنریز نے روسی تیل کی خریداری روک دی تھی۔
خبر رساں ایجنسی کے مطابق بھارت تیل درآمد کرنے والا دنیا کا تیسرا بڑا ملک ہے جب کہ روس کے سمندری خام تیل کا سب سے بڑا خریدار ہے۔
امریکی صدر ٹرمپ نے 14 جولائی کو روس سے تیل خریدنے والے ممالک پر 100 فیصد ٹیرف لگانے کی دھمکی دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی وزیر خارجہ مارکو روبیو امریکی وزیر خزانہ اسکاٹ بیسنٹ بھارت امریکا تعلقات ڈونلڈ ٹرمپ
قاسم، سلمان خوشی سے آئیں ،پی ٹی آئی کی تحریک سے کوئی خوف نہیں، عرفان صدیقی