سندھ بلڈنگ کے نئے ڈی جی کا سینٹرل میں نیا سسٹم، پرانے کھلاڑی اُتار دیے
اشاعت کی تاریخ: 23rd, February 2025 GMT
بلڈرز سے رشوت وصول کی ذمہ داری ارشد ریاض نامی ایس بی سی اے افسر کے سپرد
ناظم آباد،، فردوس کالونی، گلبہار، رضویہ عمران رضوی اور اورنگزیب خان کے حوالے
سندھ بلڈنگ کنٹرول اتھارٹی کے نئے ڈی جی اسحاق کھوڑو نے ڈسٹرکٹ سینٹرل میں غیر قانونی تعمیرات کروانے اور ان سے ریکوری کرنے کے لئے پرانے کھلاڑیوں پر مشتمل ٹیم تشکیل دے دی ہے جوکہ بروز پیر با ضابطہ طور پر سینٹرل میں سسٹم آپریٹ کرنے کا آغاز کریں گے ۔ ذرائع کے مطابق سندھ بلڈنگ کنٹرل اتھارٹی میں ایک بار پھر سے تیسری بار ڈائریکٹر جنرل تعینات ہونے والے محمد اسحاق کھوڑو نے اپنی پرانی روش کو برقرار رکھتے ہوئے کراچی کا پٹہ سسٹم اپنے قابل بھروسہ افسران کے سپرد کر دیا ہے ، پورے کراچی
سے غیر قانونی تعمیرات کرنے والے بلڈروں سے رشوت وصول کرنے کی ذمہ داری ارشد ریاض نامی ایس بی سی اے افسر کو سونپی گئی ہے ، جس نے ڈسٹرکٹ سینٹرل میں اپنے خاص کارندے اور ایس بی سی اے افسر قمر قائم خانی کے سپرد کیا ہے ، ذرائع کا کہنا ہے کہ قمر قائم خانی نے کرپشن کے پرانے اور منجھے ریٹائرڈ کھلاڑی ظہیر عرف استاد کو سامنے رکھ کے ایک ٹیم تشکیل دی ہے جو کہ ڈسٹرکٹ سینٹرل کے معاملات چلائے گی، ذرائع کا کہنا ہے کہ قمر قائم خانی اور ظہیر استاد نے جس ٹیم کو تشکیل دیا ہے اس میں ناظم آباد،، فردوس کالونی، گلبہار، اور رضویہ کا علاقہ اسسٹنٹ ڈائریکٹر عمران رضوی اور بلڈنگ انسپکٹر اورنگزیب خان کو دیا گیا ہے جو کہ وہاں کا سسٹم آپریٹ کریں گے ،نارتھ ناظم آباد کا علاقہ اویس حسین نامی ایس بی سی اے افسر دیکھے گا، فیڈرل بی ایریا کا علاقہ قمر خانی خوو ڈمی افسران تعینات کرواکے آپریٹ کرے گا، نارتھ کراچی اور نیو کراچی کا علاقہ نجم قریشی اور عاطف شیروانی نامی افسران دیکھیں گے ، جبکہ لیاقت آباد کے معاملات ضیاء الرحمن عرف ضیاء کالے کے ساتھ ساتھ اس کا برادرِ نسبتی کامران مرزا چلائے گا، ذرائع کا کہنا ہے کہ ممکنہ طور پر یہ افسران بروز پیر اپنی ضلع وسطی میں تعیناتی کے بعد معاملات دیکھنا شروع کریں گے ، واضح رہے کہ محمد اسحاق کھوڑو ماضی میں بھی دو بار ایس بی سی اے میں بطور ڈی جی تعینات رہے ہیں اور ان کے دور میں سندھ بلڈنگ کنٹرول اتھارٹی میں کرپشن کی گنگا پورے آب وتاب سے رواں رہی ہے ، جبکہ ذرائع کا یہ بھی کہنا ہے کہ محمد اسحاق کھوڑو ایک نان ٹیکنیکل افسر ہیں جنہیں کچھ سیاسی شخصیات نے مالی معاملات طے کر کے سندھ کے اس اہم محکمے کی سر براہی سونپی ہے۔
ذریعہ: Juraat
کلیدی لفظ: ایس بی سی اے افسر اسحاق کھوڑو سندھ بلڈنگ کہنا ہے کہ ذرائع کا کا علاقہ
پڑھیں:
سمعتا افضال کا عظمیٰ بخاری کو زمینی حقائق دیکھ کر بیان دینے کا مشورہ
سندھ حکومت کی ترجمان سمعتا افضال سید نے کہا ہے کہ ترجمان پنجاب حکومت کو زمینی حقائق دیکھ کر بیان دینا چاہیے۔
کراچی سے جاری بیان میں سمعتا افضال سید نے وزیر اطلاعات پنجاب عظمیٰ بخاری کے بیان پر ردعمل دیا۔
وزیر اطلاعات پنجاب عظمیٰ بخاری نے میئر کراچی مرتضیٰ وہاب کے بیان پر ردعمل دے دیا۔
انہوں نے کہا کہ میئر کراچی نے مکمل ذمہ داری سنبھالی ہوئی ہے، لاہور میں تو کوئی میئر ہی نہیں ہے۔
سندھ حکومت کی ترجمان نے مزید کہا کہ میئر کراچی مرتضیٰ وہاب خود فیلڈ میں ہیں اور صفائی کے کاموں کی نگرانی کر رہے ہیں۔
سمعتا افضال سید نے یہ بھی کہا کہ ترجمان پنجاب حکومت کو بیان دینے سے پہلے زمینی حقائق دیکھنے چاہیے۔
بھارتی چیف آف ڈیفنس کا اعترافی بیان؛ صدر کانگریس آپریشن سندور پرسوالات اٹھا دیے