حسن نصراللہ کی نماز جنازہ، اسرائیلی طیاروں کی جنازہ گاہ کے اوپر پرواز، مختلف علاقوں میں بمباری
اشاعت کی تاریخ: 23rd, February 2025 GMT
BEIRUT:
لبنان کے دارالحکومت میں مسلح مزاحمتی تحریک حزب اللہ کے شہید سربراہ حسن نصراللہ اور ان کے نائب کی نماز جنازہ کی ادائیگی کے لیے شہریوں کی بڑی تعداد جمع ہوگئی جہاں اسرائیلی فوجی طیاروں نے نچلی پروازیں کی اور اس دوران اسرائیل کی جانب سے مختلف علاقوں میں بمباری جاری رہی۔
پریس ٹی وی کی رپورٹ کے مطابق جنگ بندی معاہدے کے باوجود لبنان کے مختلف علاقوں میں اسرائیل کی فضائی جارحیت جاری رہی اور جنوبی لبنان کے علاقوں قلیلہ، انصار، جناتہ، بارش اور معروب میں فضائی کارروائی کی۔
رپورٹ میں بتایا گیا کہ اسرائیلی فوجی طیاروں نے حلوسیا اور زیراریہ کے درمیانی علاقے پر بھی حملہ کیا تاہم جانی نقصان یا زخمیوں کے حوالے سے واضح نہیں کیا گیا۔
دوسری جانب بیروت کے کمیلی چیمون اسپورٹس سٹی میں حزب اللہ کے سابق سربراہ حسن نصراللہ شہید اور ان کے ساتھی ہاشم سیف دین کی نماز جنازہ ادا کردی گئی اور عین اسی دوران جنوبی علاقوں میں اسرائیلی جارحیت میں اضافہ دیکھا گیا۔
مزید پڑھیں: حسن نصر اللہ کی نماز جنازہ کل ہوگی؛ شرکت کیلیے بیروت کی تمام ٹکٹس فروخت
اسرائیل کے وزیر دفاع اسرائیل کاٹز نے سماجی رابطے کی ویب سائٹ ایکس پر بیان میں کہا کہ اسرائیل فضائیہ کے جہازوں نے اس وقت حسن نصراللہ کی نماز جنازہ ادا کرنے کے لیے جمع ہوئے لوگوں کے اوپر بیروت کی فضا میں دائرہ لگایا ہوا ہے۔
انہوں نے کہا کہ یہ واضح پیغام دیا جا رہا ہے کہ جو کوئی بھی اسرائیل کو تباہ کرنے کی دھمکی دے گا اور اسرائیل پر حملہ کرے گا وہ اس کا خاتمہ ہوگا۔
اسرائیلی وزیردفاع نے مزید کہا کہ آپ نماز جنازوں میں کے ماہر ہیں اور ہم فتوحات کے ماہر ہیں۔
یاد رہے کہ اسرائیل نے 27 ستمبر 2024 کو جنوبی بیروت کے علاقے میں ایک عمارت پر بمباری کرکے حسن نصراللہ کو شہید کردیا تھا اور اس کے لیے 85 ٹن دھماکا خیز مواد استعمال کیا تھا اور داہیہ میں 6 رہائشی عمارتیں ملیامیٹ کردی گئی تھیں۔
بعد ازاں حسن نصراللہ کے نائب اور حزب اللہ کے نامزد سربراہ سیف دین کو ایک الگ کارروائی میں شہید کردیا گیا تھا۔
حزب اللہ کے دونوں شہید رہنماؤں کو لبنان کے نامعلوم مقام پر نماز جنازہ کی ادائیگی کے بعد امانتاً دفن کردیا گیا تھا۔
.ذریعہ: Express News
کلیدی لفظ: کی نماز جنازہ حسن نصراللہ حزب اللہ کے علاقوں میں لبنان کے
پڑھیں:
لیاقت آباد میں گلیوں کی تعمیر کا آغاز ، ٹائون چیئر مین کا مختلف علاقوں کا دورہ
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر ) چیئرمین لیاقت آباد ٹاؤن فراز حسیب نے لیاقت آباد نمبر 9، یونین کمیٹی نمبر 3 اور 4گوش مارکیٹ کا دورہ کیا۔ سڑکوں اور گلیوں کی خستہ حالی پر چیئرمین فراز حسیب کی خصوصی ہدایت پر پیور بلاک لگانے کا کام فوری طور پر شروع کر دیا گیا ہے،جس کے لیے کانکریٹ ڈالا جا چکا ہے اور مشینری کو موقع پر تعینات کر دیا گیا ہے۔چیئر مین فراز حسیب نے موقع پر موجود عملے کو ہدایت دی کہ کام کے معیار پر کسی قسم کا سمجھوتہ نہ کیا جائے اور منصوبے کو جلد از جلد مکمل کیا جائے،انہوں نے مزید کہا کہ پیور بلاک لگانے کا کام جلد از جلد مکمل کیا جائے تاکہ عوام کو بہتر آمد و رفت کی سہولت فراہم کی جا سکے۔اس موقع پر کوڈینیٹرصسغیر احمد انصاری، ڈائریکٹر سینی ٹیشن انور جمال، یونین کمیٹی نمبر 3 کے چیئرمین یونس بندانی،یونین کمیٹی نمبر 4 چیئرمین عبید احمد ودیگر افسران بھی موجود تھے۔چیئرمین فراز حسیب نے میڈیا سے گفتگو کرتے ہوئے کہا کہ لیاقت آباد ٹاؤن میں ترقیاتی کاموں کو ترجیحی بنیادوں پر مکمل کیا جا رہا ہے، تاکہ شہریوں کو بنیادی سہولیات کی فراہمی میں بہتری لائی جا سکے، تمام محکمے اپنے اپنے دائرہ کار میں فعال کردار ادا کریں اور عوامی شکایات کے فوری حل کو یقینی بنائیں،ہماری کو شش ہے کہ لیا قت آ با د ٹاؤن کو ماڈل ٹاؤن بنائیں اس سلسلے میں ہماری پوری توجہ صفائی ستھرائی،پارکوں کی بحالی،گلیوں کی پختہ کاری،اسٹریٹ لائٹوں کی تنصیب،سیوریج لائنوں کی تبدیلی پر مرکوز ہے،چیئرمین فراز حسیب نے علاقے میں جاری کاموں پر اظہارِ اطمینان کرتے ہوئے کہا کہ لیاقت آباد ٹاؤن انتظامیہ عوامی مفاد میں ترقیاتی منصوبوں پر بھرپور توجہ دے رہی ہے، اور تمام یونین کمیٹیز میں بہتری کے کام مرحلہ وار مکمل کیے جا رہے ہیں۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر