بھیگی ہوئی کشمش کےآپکی صحت پر ایسے حیران کن اور جادوئی اثرات ، جو آ پ اب تک نہیںجانتے
اشاعت کی تاریخ: 24th, February 2025 GMT
کشمش ایک ایسا خشک میوہ ہے جو ہمارے روزمرہ کے کھانوں کا حصہ بن چکا ہے، لیکن اگر اس کو پانی میں بھگو کر کھایا جائے تو اس کے فوائد میں کئی گنا اضافہ ہو جاتا ہے۔ماہرین کے مطابق بھیگی ہوئی کشمش صحت پر مثبت اثرات مرتب کرتی ہے۔جب کشمش کو رات بھر پانی میں بھگودیا جاتا ہے، تو اس میں موجود غذائی اجزاء دوگنے ہو جاتے ہیں اور جسم کے لیے زیادہ فائدہ مند بن جاتے ہیں۔
بھیگی ہوئی کشمش کے 8 اہم فوائد
ہاضمے میں بہتری
بھیگی ہوئی کشمش میں فائبر کی مقدار زیادہ ہوتی ہے جو قبض، گیس اور دیگر ہاضمے کی بیماریوں سے بچاتی ہے۔ یہ پیٹ کو صاف رکھتی ہے اور ہاضمے کو بہتر بناتی ہے۔
خون کی کمی کا حل
کشمش میں آئرن کی اچھی مقدار پائی جاتی ہے جو خون کی کمی کو دور کرنے میں مددگار ثابت ہوتی ہے۔ جب کشمش پانی میں بھگو کر کھائی جائے، تو آئرن بہتر طریقے سے جذب ہوتا ہے اور ہیموگلوبن کی سطح میں اضافہ ہوتا ہے۔
جلد کی چمک میں اضافہ
کشمش میں اینٹی آکسیڈنٹس، وٹامن سی اور ای کی مقدار زیادہ ہوتی ہے، جو جلد کی قدرتی چمک بڑھانے میں مدد دیتی ہیں۔ یہ جلد کو تروتازہ اور نکھرا ہوا بناتی ہے۔
ہڈیوں کی مضبوطی
کشمش میں کیلشیم اور میگنیشیم جیسے معدنیات پائے جاتے ہیں جو ہڈیوں کی مضبوطی کے لیے ضروری ہیں۔ یہ ہڈیوں کی کثافت بڑھانے اور فریکچر کے خطرے کو کم کرنے میں مددگار ثابت ہو سکتی ہے۔
دل کی صحت کے لیے فائدہ مند
کشمش میں پوٹاشیم موجود ہوتا ہے جو بلڈ پریشر کو کنٹرول کرتا ہے، جس سے دل کی بیماریوں کا خطرہ کم ہوتا ہے۔ اس میں موجود اینٹی آکسیڈنٹس دل کی رگوں کو صحت مند رکھنے میں بھی مدد کرتے ہیں۔
جسم سے زہریلے مادوں کو خارج کرتا ہے
بھیگی ہوئی کشمش جسم سے زہریلے مادوں کو خارج کرنے میں مدد دیتی ہے۔ اس کے ذریعے جسم کی صفائی ہوتی ہے اور اندرونی اعضاء صحت مند رہتے ہیں۔
توانائی کا بہترین ذریعہ
کشمش میں قدرتی شوگر کی موجودگی جسم کو فوری توانائی فراہم کرتی ہے۔ یہ تھکاوٹ اور کمزوری کے شکار افراد کے لیے بہترین توانائی کا ذریعہ ہے۔
وزن کم کرنے میں مدد
کشمش میں موجود فائبر زیادہ کھانے کی خواہش کو کم کرتا ہے، جس سے کیلوریز کم ہوتی ہیں اور وزن کم کرنے میں مدد ملتی ہے۔ اس میں موجود اینٹی آکسیڈنٹس میٹابولزم کو تیز کرتے ہیں، جو چربی جلانے میں مددگار ہیں۔
بھیگی ہوئی کشمش کھانے کا صحیح طریقہ
کشمش کو 8 سے 10 گھنٹے تک پانی میں بھگو دیں۔صبح اٹھ کر خالی پیٹ کھائیں۔اس کے بعد ایک گلاس نیم گرم پانی پی لیں۔بھیگی ہوئی کشمش کو اس طریقے سے کھانے سے آپ اس کے تمام صحت بخش فوائد حاصل کر سکتے ہیں۔یہ معلومات صرف عمومی صحت کے حوالے سے ہے۔ کسی بھی قسم کی بیماری یا حالت کے لیے اپنے معالج سے مشورہ کریں۔
.ذریعہ: Daily Ausaf
کلیدی لفظ: پانی میں ہوتی ہے ہوتا ہے کے لیے
پڑھیں:
کراچی: 25 ہزار تنخواہ 5 ہزار کا چالان، شہریوں پر بھاری جرمانوں کے نفسیاتی اثرات پڑنے لگے
data-id="863a0a8" data-element_type="widget" data-widget_type="theme-post-content.default">
کراچی میں ٹریفک قوانین کی خلاف ورزی پر حکومت سندھ کی جانب سے عائد کیے گئے بھاری جرمانوں نے عام اور متوسط طبقے کو شدید مالی دباؤ اور ذہنی اذیت میں ڈال دیا ہے۔
نئے نافذ کیے گئے قوانین کے مطابق موٹر سائیکل کے لیے تیز رفتاری کا سب سے چھوٹا جرمانہ 5 ہزار روپے اور غلط سمت گاڑی چلانے کا جرمانہ 25 ہزار روپے تک ہے۔ کار یا جیپ کے لیے بغیر رجسٹریشن کے ڈرائیونگ پر 50 ہزار اور ہیوی ٹریفک وہیکل کے لیے یہی جرمانہ 1 لاکھ روپے تک ہے۔
ان نئے قوانین سے شہر میں کام کرنے والے موٹر سائیکل رائیڈرز سب سے زیادہ متاثر ہو رہے ہیں۔ ایک رائیڈر نے بتایا کہ ان کی ماہانہ آمدنی صرف 25 ہزار روپے ہے اور کسی نادانستہ خلاف ورزی پر ان کے لیے 5 ہزار روپے کا چالان ادا کرنا ممکن نہیں ہوگا۔
انہوں نے مایوسی کا اظہار کرتے ہوئے بتایا کہ ایسے حالات میں وہ موٹر سائیکل چلانا چھوڑنے پر مجبور ہو سکتے ہیں، کیوں کہ بھاری ٹریفک جرمانے کا خوف ذہن پر طاری ہے اور اکثر بائیک رائیڈرز پر ان بھاری جرمانوں پر مشتمل قوانین کے نفسیاتی اثرات پڑ رہے ہیں۔
سماجی رہنماؤں کی جانب سے بھی اس مسئلے کو اجاگر کیا جا رہا ہے۔ ان کا کہنا ہے کہ شہر کے نوجوانوں کی بڑی تعداد، جن کی آمدنی 30 ہزار سے بھی کم ہے، وہ یہ بھاری چالان کیسے ادا کریں گے۔ ماہرین کا کہنا ہے کہ جرمانے کی شرح کو لاگو کرتے وقت شہریوں کی مالی حیثیت اور کراچی میں غربت کی شرح کو مدنظر نہیں رکھا گیا ہے۔
پی ایس ایل کی دو نئی ٹیموں کے لیے نیلامی ہوگی، سی ای او