کرشمہ کپور اور آنجہانی سنجے کپور کے تعلقات پر سنیل درشن کے حیران کن انکشافات
اشاعت کی تاریخ: 26th, July 2025 GMT
معروف بالی وڈ اداکارہ کرشمہ کپور اور ان کے آنجہانی سابق شوہرسنجے کپور کی ازدواجی زندگی ایک بار پھر خبروں کی زینت بن گئی ہے۔
بھارتی میڈیا رپورٹ کے مطابق سنجے کپور کی اچانک موت کے بعد ہدایتکار سنیل درشن نے کرشمہ سے ان کے رشتے کے متعلق اہم انکشافات کیے ہیں جنہوں نے تہلکہ مچا دیا ہے۔
کرشمہ کیساتھ بطور ہدایتکار کئی فلموں میں کام کرنے والے سنیل درشن کا کہنا ہے کہ کرشمہ شادی کے بعد اپنی شناخت سے محرومی کا شکار تھیں۔ وہ ایک سادہ، گھریلو زندگی گزارنا چاہتی تھیں، مگر عملی طور پر وہ ایک ’ٹرافی وائف‘ بن کر رہ گئیں جوکہ انہیں بلکل پسند نہیں تھا۔
سنیل کے مطابق کرشمہ اور سنجے کی شادی کا فیصلہ غیرمتوقع تھا اور دونوں کی شخصیت اور زندگی کے نظریات مختلف تھے۔ دہلی سے تعلق رکھنے والی سنجے کی بہن کرشمہ کی بچپن کی سہیلی تھیں مگر اپنی سہیلی کے بھائی سے شادی کے بعد دہلی کے شاہانہ طرزِ زندگی میں کرشمہ خود کو ایڈجسٹ نہیں کر پائیں۔
2003 میں شادی کے بندھن میں بندھنے والے اس جوڑے کی راہیں 2016 میں باضابطہ طور پر جدا ہوئیں اس دوران ان کے ہاں ایک بیٹی اور بیٹے کی پیدائش بھی ہوئی۔
سنیل درشن کا کہنا تھا کہ اگرچہ علیحدگی کے وقت سنجے پر کرشمہ کو اپنے دوستوں کے ساتھ سونے کیلئے مجبور کرنے اور تشدد کے الزامات سامنے آئے تاہم طلاق کے بعد دونوں کی درمیان صلح ہوگئی اور انہوں نے بچوں کی پرورش کے لیے تعلقات بہتر بنائے۔ سنجے نے دوسری شادی کرلی تاہم کرشمہ تاحال ایک سنگل مدر کے طور پر زندگی گزار رہی ہیں۔
یاد رہے کہ سنجے کپور کی اچانک موت پر کرشمہ کپور نے اپنے بچوں کے ہمراہ ان کی آخری رسومات اور دعائیہ تقریب میں شرکت کی، جو دونوں کے درمیان بہتر تعلقات کا ثبوت ہے۔
.
ذریعہ: Express News
کلیدی لفظ: سنجے کپور سنیل درشن کے بعد
پڑھیں:
توشہ خانہ ٹو کیس کے 2 اہم گواہوں کے بیانات سامنے آگئے، اہم انکشافات
توشہ خانہ ٹو کیس کے 2 اہم گواہان کے بیانات ایکسپریس نیوز کو موصول ہوگئے جنہوں نے اہم انکشافات کیے ہیں۔
رپورٹ کے مطابق گواہان بانی پی ٹی آئی عمران خان اور بشری بی بی کے خلاف عدالت کے روبرو بیانات ریکارڈ کراچکے ہیں، گواہان میں بانی پی ٹی آئی کے سابق پرسنل سیکرٹری انعام اللہ شاہ اور وعدہ معاف گواہ صہیب عباسی شامل ہیں۔
پرائیویٹ اپریزز صہیب عباسی نے بلغاری جیولری سیٹ کی قیمت کم لگانے کا اعتراف کیا، انعام اللہ شاہ نے پرائیویٹ اپریزر پر دباؤ ڈال کر جیولری سیٹ کی قدر کم کرنے کا انکشاف کیا۔
صہیب عباسی نے اپنے بیان میں کہا کہ انعام اللہ شاہ نے دباؤ ڈال کر بلغاری سیٹ کی 50 لاکھ روپے میں ویلیو لگانے کو کہا، انعام اللہ شاہ نے دھمکی دی اگر ویلیو کم نہ کی تو سرکاری محکموں سے بلیک لسٹ کر دیا جائے گا، چیئرمین نیب کے سامنے معافی مانگتے ہوئے اپنا بیان ریکارڈ کروایا، ریکارڈ پر دستخط بھی کئے۔
صہیب عباسی نے کہا کہ مجسٹریٹ کے سامنے بھی اپنے بیان میں اعتراف کیا کہ ڈر کے مارے جیولری سیٹ کی قدر کم کر کے رپورٹ دی، 23 مئی 2024 کو نیب کے انوسٹیگیشن افسر کے سامنے پیش کیا گیا اور معافی کی درخواست جمع کرائی۔
صہیب عباسی نے مزید کہا کہ بلغاری جیولری سیٹ کی تشخیص 25 مئی 2022 کو کیبنٹ ڈویژن کے سیکشن آفیسر نے سونپی تھی، میں نے اپنی رضامندی سے نیب کے انوسٹیگیشن افسر کو دستاویزات فراہم کیں۔
انعام اللہ شاہ نے بیان دیا کہ میں نے صہیب عباسی سے جیولری سیٹ کی قدر کم کرنے کو کہا تھا، میں نے پی ٹی آئی اور سرکاری نوکری دونوں سے تنخواہیں وصول کیں، میں 2019 سے 2021 تک ڈبل سیلری وصول کرتا رہا، بشریٰ بی بی کی ناراضی پر نوکری سے برطرف کیا گیا ڈبل سیلری کی شکایت نہیں تھی، بشری بی بی کو شک تھا جہانگیر ترین کے ساتھ میرے بھائی کے تعلقات ہیں۔
انعام اللہ شاہ نے کہا کہ میں پرائم منسٹر ہاؤس کے کامپٹرولر کے طور پر بنی گالا ہاؤس میں تعینات تھا، بلغاری جیولری سیٹ سعودی ولی عہد نے بطور سابق وزیر اعظم بانی پی ٹی آئی اور بشری بی بی کو گفٹ کیا تھا۔
نیب حکام کے مطابق بانی پی ٹی آئی اور بشری بی بی نے جیولری سیٹ توشہ خانہ میں جمع نہیں کرایا تھا، بانی پی ٹی آئی اور بشری بی بی نے پرائیویٹ اپریزر سے کم قیمت لگاکر جیولری سیٹ اپنے پاس رکھا تھا۔
نیب حکام نے کہا کہ بلغاری جیولری سیٹ کی اصل قیمت ساڑھے سات کروڑ تھی، بانی پی ٹی آئی نے پرائیویٹ اپریزر سے سیٹ کی قیمت 59 لاکھ لگوائی، بانی پی ٹی آئی نے صرف 29 لاکھ روپے سرکاری خزانے میں جمع کرائے، جیولری سیٹ میں نیکلیس، بریسلیٹ، ائیر رنگز اور ایک انگوٹھی شامل تھیں۔
روس کی تیار کردہ کینسر ویکسین ابتدائی تجربات میں 100 فیصد مؤثر،علاج میں بڑی پیشرفت