اداکار ساجد حسن بیٹے کے حوالے سے فکر مند، محلے داروں نے قطع تعلق کرلیا
اشاعت کی تاریخ: 25th, February 2025 GMT
مصطفی عامر قتل کیس آئے دن نئی کروٹ لے رہا ہے، کسی کو امید نہیں تھی کہ معروف اداکار ساجد حسن کے فرزند کا نام بھی اس کیس سے جڑ جائے گا۔ ساجد حسن کے بیٹے کا نام سامنے آنے کے بعد مختلف دعوے بھی سامنے آتے رہے ہیں جیسے کہ کیس کے تفتیشی افسر نے دعویٰ کیا کہ ساحر حسن نے ارمغان کو منشیات فراہمی سے متعلق اعتراف کرلیا ہے جبکہ ساحر حسن کی جانب سے اب تک ان دعوؤں کی نفی کی گئی ہے۔
ساجد حسن کے فرزند کو آج عدالتی تحویل پر جیل بھیج دیا ہے اور اب ساجد حسن یا ان کے وکلا کی ٹیم کی کوشش ہوگی کہ ان کی ضمانت کرائی جائے اور ان کا نام اس کیس سے الگ کیا جائے کیوں مصطفیٰ عامر قتل کیس اور منشیات کی فراہمی کا کیس دو الگ پہلو ہیں اور ان دونوں کو آپس میں جوڑنا ان کے خیال میں اصل کیس سے نظریں ہٹانے کے متعرادف ہے۔
مزید پڑھیں: مصطفیٰ عامر قتل کیس، اداکار ساجد حسن کے بیٹے کا ارمغان سے کیا تعلق نکلا؟
اداکار ساجد حسن سے جب وی نیوز نے رابطہ کیا تو ان کا کہنا تھا کہ مصطفیٰ عامر کا سن کر دل رنجیدہ ہوا تھا وہ بھی میرے بیٹے جیسا تھا اور جب میں نے ان کی والدہ کا ویڈیو کلپ سنا تو میں رات بھر سو نہیں سکا تھا ان کا مزید کہنا تھا کہ میں اداکار ہوں میرے ساتھ میڈیا رابطے میں ہے اور میں چاہوں تو میڈیا کا اپنے لیے استعمال کرسکتا ہوں لیکن میں ایسا نہیں کروں گا کیوں کہ میرے بیٹے کا کیس عدالت میں ہے اور عدالت ہی اس کا فیصلہ کرے گی جس پر مجھے پورا بھروسہ ہے۔
ساجد حسن کا کہنا تھا کہ میں ایک اداکار ہوں کرایے کے گھر میں رہتا ہوں میرا کام بند پڑا ہے مجھ سے محلے والوں نے قطع تعلق کردیا ہے اور اس وقت میرے بیٹے پر صرف الزام ہے ثابت کچھ نہیں ہوا لیکن معاشرے نے مجھ سے راہیں جدا کردی ہیں، ان کا بیٹے سے متعلق کہنا تھا کہ میرے بیٹے کی ابھی شادی ہوئی ہے ہو سکتا ہے کہ کچھ غلطیاں ہوں بیٹے میں لیکن مصطفیٰ عامر قتل کیس سے جوڑنا مناسب نہیں ہے۔
ساجد حسن کا کہنا تھا کہ میری توجہ اس وقت میرے بیٹے کے کیس پر ہے میں نے اپنا گھر بھی چلانا ہے اور میں نہیں چاہتا کہ میڈیا پر آکر ایسی باتیں کروں جس سے وقت برباد ہونے کے سوا کچھ نا ملے۔ ان کا کہنا تھا کہ یہ بہت بڑا کیس ہے اور میں چاہتا ہوں اس کیس کا منصفانہ ٹرائل ہو تاکہ اصل چہرے سامنے آسکیں اور دودھ کا دودھ پانی کا پانی ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ساجد حسن ساحر حسن قتل کیس مصطفیٰ عامر مصطفیٰ عامر قتل کیس ملزم ساحر حسن منشیات.ذریعہ: WE News
کلیدی لفظ: قتل کیس مصطفی عامر مصطفی عامر قتل کیس منشیات اداکار ساجد حسن کا کہنا تھا کہ عامر قتل کیس ساجد حسن کے میرے بیٹے کیس سے ہے اور
پڑھیں:
ماں، بیٹے اور بہو کے لرزہ خیز قتل میں ملوث دو ملزمان گرفتار
پشاور:فقیر آباد ڈویژن پولیس نے ماں، بیٹے اور بہو کے لرزہ خیز قتل میں ملوث دو ملزمان کو گرفتار کرلیا۔
ایکسپریس نیوز کے مطابق فقیر آباد ڈویژن پولیس نے کارروائی کے دوران الف خان کلے قاضی آباد میں ماں، بیٹے اور بہو کے لرزہ خیز تہرے اندھے قتل کا معمہ حل کرلیا، پولیس نے واردات میں ملوث دو مرکزی ملزمان فانوس ولد ماصل خان اور فضل الرحمان ولد راحت گل ساکنان چارسدہ کو گرفتار کرلیا۔
پولیس کے مطابق 30 اکتوبر 2025ء کی رات ملزمان نے منصوبہ بندی کے تحت گھر میں داخل ہوکر مسماۃ (ن)، اُن کے بیٹے عبد الرحمن اور بہو مسماۃ (س) کو بے دردی سے قتل کیا تھا، جس کے بعد وہ اہل خانہ سمیت نامعلوم مقام منتقل ہوگئے۔
مقدمہ مقتول کے بھائی محمود ولد دلاور کی مدعیت میں درج ہونے کے بعد افسران بالا نے واقعہ کا سخت نوٹس لیتے ہوئے ایس پی فقیر آباد محمد ارشد خان کی سربراہی میں خصوصی تحقیقاتی ٹیم تشکیل دی، جس میں ڈی ایس پی اعجاز نبی، ڈی ایس پی اکبر خان، ایس ایچ او بلال حسین اور تفتیشی افسر کامران مروت شامل تھے۔
ٹیم نے جدید سائنسی و تکنیکی بنیادوں پر تفتیش، مسلسل چھاپہ زنی اور انتھک محنت کے نتیجے میں کیس کو ٹریس کیا۔
گرفتار ملزمان نے جرم کا اعتراف کرتے ہوئے اسے خاندانی جھگڑے کا شاخسانہ قرار دیا، جب کہ ان کی نشاندہی پر آلۂ قتل (کلہاڑی)، واردات میں استعمال ہونے والی آلٹو کار اور دو موٹر سائیکلیں بھی برآمد کر لی گئیں۔ پولیس کے مطابق دیگر مفرور ساتھیوں کی گرفتاری کیلئے کارروائیاں جاری ہیں۔
13 سالہ چینی تیراک یو زیدی نے نیشنل گیمز میں ایشیائی ریکارڈ قائم کردیا