چیمپئینز ٹرافی؛ قومی ٹیم کے ایونٹ سے باہر ہونے پر وزیراعظم نوٹس لیں گے؟
اشاعت کی تاریخ: 27th, February 2025 GMT
وزیراعظم شہباز شریف کے مشیر برائے سیاسی و عوامی امور رانا ثناء اللہ کا کہنا ہے قومی ٹیم کی آئی سی سی چیمپئینز ٹرافی میں ذلت آمیز شکستوں اور ٹورنامنٹ سے باہر ہونے پر نوٹس لیا جائے گا۔
نجی ٹی وی چینل پر گفتگو کرتے ہوئے مسلم لیگ ن کے رہنما اور وزیراعظم کے مشیر برائے سیاسی و عوامی امور رانا ثناء اللہ کا کہنا تھا کہ قومی ٹیم کی کارکردگی پر شہباز شریف ذاتی طور پر نوٹس لیں گے اور کرکٹ سے متعلق معاملات کو کابینہ اور پارلیمنٹ میں اٹھائیں گے۔
مسلم لیگ ن کے رہنما اور سینئیر سیاستدان رانا ثنا اللہ نے کہا کہ پاکستان کرکٹ بورڈ (پی سی بی) ایک آزاد ادارہ ہے، جو چاہے کرسکتا ہے لیکن ذاتی طور پر وزیر اعظم شہباز سے اس معاملے کو کابینہ اور پارلیمنٹ میں اٹھانے کیلئے کہوں گا، یہ صرف ایک چیئرمین کی تقرری کی بات نہیں۔
مزید پڑھیں: چیمپئینز ٹرافی سے باہر ہونے کی وجہ "کپتانی" کا جھگڑا نکلی
بورڈ میں کام کرنیوالوں کی تنخواہوں کے حوالے سے کیے گئے سوال پر رانا ثنا اللہ نے کہا کہ اعلیٰ عہدیداروں کو سیلریز کی مد میں 50 لاکھ روپے تک دیے جارہے ہیں جسکا انہوں نے میڈیا پر اقرار کیا ہے، کئی عہدیدار اپنی ذمہ داریوں سے لاعلم ہیں اور انہیں کچھ نہ کرنے پر معاوضہ دیا جارہا ہے۔
مزید پڑھیں: رضوان اور دیگر کھلاڑیوں کی نماز؛ امام کے بیان پر بھارتی میڈیا کا پروپیگنڈا
وزیراعظم کے مشیر نے مزید کہا کہ بورڈ کے افسران کی مراعات کے بارے میں سن کر آپ حیران رہ جائیں گے، آپ کو یہ الجھن ہوگی کہ وہ پاکستانی ادارے کے اہلکار ہیں یا کسی ترقی یافتہ ملک سے تعلق رکھنے والے۔
مزید پڑھیں: ضد اور لڑائیوں نے پاکستان کو "چیمپئینز ٹرافی" سے باہر کروایا
رانا ثنا اللہ نے کہا کہ پی سی بی میں یہ مسائل برسوں سے چل رہے ہیں، لوگ طاقت کے ذریعے [کرکٹ بورڈ میں] چارج لیتے ہیں اور پھر وہ جو چاہتے ہیں کرتے ہیں، جس سے پاکستان کرکٹ بورڈ کی موجودہ حالت خراب ہوتی جارہی ہے۔
خیال رہے کہ 29 سال بعد پاکستان آئی سی سی ایونٹ کی میزبانی کررہا تھا، جس میں شریک قومی ٹیم محض ایونٹ کے چوتھے ہی روز ٹورنامنٹ سے باہر ہوگئی۔
مزید پڑھیں: 'تینوں فاسٹ بولرز کو "خدا حافظ" کہنے کا وقت آگیا ہے'
گرین شرٹس کو پہلے میچ میں نیوزی لینڈ اور دوسرے میچ میں روایتی حریف بھارت کے ہاتھوں شکست کا منہ دیکھنا پڑا تھا تاہم ایونٹ میں قومی ٹیم آج اپنا آخری میچ بنگلادیش کیخلاف کھیلے گی۔
.ذریعہ: Express News
کلیدی لفظ: چیمپئینز ٹرافی مزید پڑھیں قومی ٹیم سے باہر کہا کہ
پڑھیں:
ویلڈن گرین شرٹس! ٹی20 سیریز جیتنے پر محسن نقوی کی قومی ٹیم کو مبارکباد
پاکستان کرکٹ بورڈ (پی سی بی) کے چیئرمین محسن نقوی نے جنوبی افریقہ کے خلاف ٹی20 سیریز جیتنے پر قومی کرکٹ ٹیم کو مبارکباد پیش کی ہے۔
اپنے ایک بیان میں انہوں نے کہاکہ کھلاڑیوں نے آخری و تیسرے میچ میں شاندار کارکردگی کا مظاہرہ کرکے فتح حاصل کی۔ ویلڈن گرین شرٹس!
ویلڈن گرین شرٹس۔چئیرمین پاکستان کرکٹ بورڈ محسن نقوی
چئیرمین پی سی بی محسن نقوی کی جنوبی افریقہ کے خلاف ٹی ٹوئنٹی سیریز جیتنے پر پاکستانی ٹیم کو مبارکباد
کھلاڑیوں نے آخری و تیسرے میچ میں شاندار کارکردگی کا مظاہرہ کرکے فتح حاصل کی۔ محسن نقوی
بابر اعظم کی بیٹنگ اور شاہین شاہ…
— PCB Media (@TheRealPCBMedia) November 1, 2025
محسن نقوی نے کہاکہ بابر اعظم کی بیٹنگ اور شاہین شاہ آفریدی کی بولنگ نے جیت میں اہم کردار ادا کیا۔ کپتان سلمان آغا، ہیڈ کوچ مائیک ہیسن سمیت تمام کھلاڑیوں اور کوچنگ سٹاف کو مبارکباد دیتا ہوں۔
چیئرمین پی سی بی نے کہاکہ آج کی فتح ٹیم ورک، محنت اور پروفیشنل اپروچ کا نتیجہ ہے۔ شائقین کرکٹ بہترین ماحول میں ہر میچ سے محظوظ ہوئے۔
مزید پڑھیں: تیسرا ٹی 20 : پاکستان نے جنوبی افریقہ کو شکست دے کر سیریز اپنے نام کرلی
واضح رہے کہ پاکستان نے تیسرے اور فیصلہ کن ٹی20 میچ میں جنوبی افریقہ کو 4 وکٹوں سے شکست دے کر سیریز اپنے نام کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان جنوبی افریقہ سیریز ٹی20 سیریز چیئرمین پی سی بی محسن نقوی وی نیوز
ہم انسان نہیں ہندسے ہیں