رمضان المبارک کیلیے اسلام آباد ہائیکورٹ کے اوقات کار جاری
اشاعت کی تاریخ: 28th, February 2025 GMT
اسلام آباد ہائی کورٹ نے ہائیکورٹ اور سیشن عدالتوں کے رمضان المبارک کے عدالتی اوقات جاری کر دیے۔
قائم مقام چیف جسٹس اسلام آباد کی منظوری سے ڈپٹی رجسٹرار اویس الحسن نے نوٹیفکیشن جاری کر دیا۔ نوٹیفکیشن کے مطابق رمضان المبارک میں پیر سے جمعرات تک سنگل بینچ میں عدالتیں صبح ساڑھے نو بجے سے ساڑھے گیارہ بجے تک کام کریں گی۔
سنگل بینچ میں سماعتوں کے بعد آدھے گھنٹے کا وقفہ ہوگا۔ پیر سے جمعرات ڈویژن بینچ میں عدالتیں بارہ بجے سے ڈیڑھ بجے تک کام کریں گی جبکہ جمعے کو کیسوں کی سماعت صبح ساڑھے نو بجے سے ساڑھے گیارہ بجے تک ہوگی۔
نوٹیفکیشن کے مطابق ہفتے کے روز کوئی سماعت نہیں ہوگی ججز اپنے تحریری حکمنامے لکھیں گے۔ رمضان المبارک کے لیے اسلام آباد ہائی کورٹ دفاتر کے اوقات بھی جاری کردئیے جس کے مطابق پیر سے ہفتے تک ہائیکورٹ کے دفاتر صبح نو بجے سے اڑھائی بجے تک کھلے رہیں گے۔ جمعے کے روز ہائیکورٹ کے دفاتر صبح نو بجے سے ساڑھے بارہ بجے تک کھلے ہوں گے۔
ڈسٹرکٹ اینڈ سیشن کورٹس کے عدالتی اوقات کار کے مطابق سیشن کورٹ میں پیر سے ہفتے تک رمضان المبارک کے دوران عدالتیں صبح نو بجے سے دن اڑھائی بجے تک کام کریں گی۔ جمعے کے روز سیشن عدالتیں صبح نو بجے سے ساڑھے بارہ بجے تک کام کریں گی۔
.ذریعہ: Express News
کلیدی لفظ: بجے تک کام کریں گی نو بجے سے ساڑھے رمضان المبارک اسلام آباد کے مطابق پیر سے
پڑھیں:
انسداد دہشتگردی عدالت نے سینئر پی ٹی آئی رہنما کے وارنٹ گرفتاری جاری کردیے
اسلام آباد:انسداد دہشتگردی عدالت نے سینئر پی ٹی آئی رہنما کے وارنٹ گرفتاری جاری کردیے۔
پاکستان تحریک انصاف کے رہنماؤں اور کارکنوں کے خلاف 4 اکتوبر کے احتجاج پر درج مقدمات کی انسداددہشت گردی عدالت اسلام آباد کے جج طاہر عباس سپرا نے سماعت کی۔
دورانِ سماعت عدالت نے اپوزیشن لیڈر عمر ایوب کے قابل ضمانت وارنٹ گرفتاری جاری کردیے جب کہ سینیٹر اعظم خان سواتی کی حاضری سے استثنا کی درخواست منظور کرلی۔
عدالت نے غیر حاضر کارکنان کے ضمانتی مچلکے ضبط کرنے کا حکم دیتے ہوئے کیس کی سماعت 30 جولائی تک ملتوی کردی ۔
واضح رہے کہ تھانہ شہزاد ٹاون کا مقدمہ 4 اکتوبر احتجاج پر درج ہے، جس پر آج سماعت میں پی ٹی آئی کارکنان کی جانب سے سردار محمد مصروف خان ایڈووکیٹ، زاہد بشیر ڈار و دیگر عدالت میں پیش ہوئے۔
اسرائیلی محاصرہ ختم نہ ہوا تو طبی مراکز جلد قبرستانوں میں تبدیل ہوجائیں گے، اسپتالوں کی دہائی