گورنر سندھ کا ڈمپرز حادثات میں جاں بحق افراد کے اہل خانہ کو پلاٹ دینے کا اعلان
اشاعت کی تاریخ: 1st, March 2025 GMT
گورنر سندھ کامران ٹیسوری نے ڈمپرز حادثات میں جاں بحق ہونے والے شہریوں کے اہل خانہ کو پلاٹ دینے کا اعلان کردیا۔
کراچی میں پریس کانفرنس کرتے ہوئے گورنر سندھ کامران ٹیسوری نے کہاکہ شہر قائد میں ڈمپرز کے حادثات میں جاں بحق ہونے والے افراد کے اہل خانہ کو ایک ایک پلاٹ دیا جائےگا۔
یہ بھی پڑھیں کراچی میں 100 سے زائد شہریوں کی ہلاکت کے باوجود ڈمپرز اور ٹرالرز سے متعلق کوئی فیصلہ کیوں نہ ہوسکا؟
انہوں نے کہاکہ روزانہ پلاٹ کی قرعہ اندازی ہوگی اور بلڈرز کی جانب سے اسی دن اہل خانہ کو فائل حوالے کی جائےگی۔ میرے پاس اختیار ہوتا تو دیکھتا ہیوی ٹریفک کیسے شہریوں کو کچلتی ہے۔
گورنر سندھ نے کہاکہ ماہ صیام کے دوران گورنر ہاؤس میں ہونے والے پروگراموں کو اتحاد رمضان کا نام دیا گیا ہے۔
انہوں نے کہاکہ والدین کو چاہیے کہ اپنے بچوں پر کڑی نظر رکھیں، کیونکہ اس وقت نوجوان نسل منشیات کی لت میں مبتلا ہوچکی ہے۔ ضروری ہے کہ اسکولوں کے اساتذہ کا بھی میڈیکل ٹیسٹ کیا جائے۔
کامران ٹیسوری نے گورنر ہاؤس میں منشیات کے خلاف سیل بنانے کا اعلان کرتے ہوئے کہاکہ میں عوام کو آگاہی ہی دے سکتا ہوں، اب کوئی کسی کو بلیک میل نہیں کرےگا۔
گورنر نے انکشاف کیاکہ انہیں جان سے مارنے کی دھمکی آمیز ای میل موصول ہوئی، عمران فاروق طرز پر قتل کرنے کی دھمکیاں دی گئیں لیکن انہوں نے اس کے باوجود لندن کا دورہ مکمل کیا۔
انہوں نے کہاکہ پرائیویٹ سیکیورٹی گارڈز رکھنے کی پالیسی وضع ہونی چاہیے، گھروں کے باہر پرائیویٹ سیکیورٹی گارڈز کی فوج کھڑی رہتی ہے، میں اس حوالے سے صوبائی وزیر داخلہ کو خط لکھوں گا۔
کامران ٹیسوری نے کہاکہ مصطفیٰ عامر کیس میں گرفتار ملزمان کو کیفر کردار تک پہنچایا جانا چاہیے۔
یہ بھی پڑھیں کراچی میں ٹریفک حادثات کو لسانی یا سیاسی رنگ نہ دینے پر سب کا اتفاق ہوگیا، شرجیل میمن
ان کا کہنا تھا کہ ملک میں 132 قسم کی منشیات درآمد کی جارہی ہے، مصطفیٰ عامرکیس میں جج کے رویے پرسندھ ہائیکورٹ کے چیف جسٹس کو خط لکھوں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہل خانہ پلاٹ دینے کا اعلان تعلیمی ادارے جاں بحق ڈمپرز حادثات گورنر سندھ مصطفیٰ عامر کیس منشیات وی نیوز.ذریعہ: WE News
کلیدی لفظ: اہل خانہ پلاٹ دینے کا اعلان تعلیمی ادارے ڈمپرز حادثات گورنر سندھ مصطفی عامر کیس منشیات وی نیوز کامران ٹیسوری نے اہل خانہ کو گورنر سندھ کا اعلان نے کہاکہ انہوں نے
پڑھیں:
سیاسی درجہ کم کرنے کے لیے مذاکرات ہونے چاہییں: عطااللہ تارڑ نے پی ٹی آئی سے بات چیت کا عندیہ دے دیا
وفاقی وزیر اطلاعات و نشریات عطااللہ تارڑ نے کہا ہے کہ سیاسی درجہ حرارت کم کرنے کے لیے سیاستدانوں کے درمیان بات چیت ہونی چاہیے۔
نجی ٹی وی سے گفتگو کرتے ہوئے انہوں نے کہاکہ سیاست تہذیب کے دائرے میں رہ کر ہونی چاہیے، ہم بات چیت کرنے کے پہلے بھی تیار تھے، اور اب بھی تیار ہیں۔
مزید پڑھیں: پی ٹی آئی مذاکراتی اجلاس میں بیٹھتی تو توقعات سے کچھ زیادہ ہی لے کر جاتی، عرفان صدیقی
انہوں نے کہاکہ وزیراعلیٰ خیبرپختونخوا سہیل آفریدی کو سمجھنا چاہیے کہ صرف سیاسی بیانات دینے سے کام نہیں چلے گا، ان پر ایک صوبے کی ذمہ داری عائد ہوتی ہے۔
عطااللہ تارڑ نے کہاکہ وزیراعظم شہباز شریف نے بڑی فراخدلی سے سہیل آفریدی کو کہاکہ ہم آپ کے ساتھ تعاون کرنے کے لیے تیار ہیں، لیکن ملکی صورت پر ہونے والی ایک اعلیٰ سطح کی میٹنگ میں انہوں نے شرکت ہی نہیں کی۔
9 مئی واقعات کی انکوائری سے متعلق پوچھے گئے ایک سوال کے جواب میں وزیر اطلاعات نے کہاکہ انکوائری کی ضرورت وہاں پیش آتی ہے، جہاں کوئی ابہام ہو۔
پاک افغان کشیدگی سے متعلق گفتگو کرتے ہوئے عطااللہ تارڑ کا کہنا تھا کہ ہم نے استنبول مذاکرات میں بالکل واضح کیا ہے کہ افغان سرزمین پاکستان کے خلاف استعمال نہیں ہونی چاہیے۔
مزید پڑھیں: افغان حکومت بھارتی حمایت یافتہ دہشتگردی کی سرپرست ہے، وزیر دفاع خواجہ آصف
انہوں نے کہاکہ افغان طالبان رجیم کی جانب سے جو پروپیگنڈا کیا جا رہا ہے اس کا وزیر دفاع خواجہ آصف نے درست جواب دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک افغان کشیدگی پی ٹی آئی دہشتگردی سہیل آفریدی شہباز شریف عطااللہ تارڑ مذاکرات وزیر اطلاعات وزیراعظم پاکستان وزیراعلیٰ خیبرپختونخوا وی نیوز
پاکستان میں آئندہ حج سستا ہونے کا امکان