غیر مہذب وائٹ ہائوس اور امریکی میڈیا کی گرائوٹ
اشاعت کی تاریخ: 3rd, March 2025 GMT
امریکہ جو کبھی دنیا بھر میں اپنی سیاسی پختگی، اعلیٰ اخلاقی معیارات اور میڈیا کی آزادی کے لئے مشہور تھا آج اپنی ہی بنائی ہوئی اقدار کو پامال کرتا نظر آ رہا ہے۔ یوکرینی صدر ولودومیر زیلنسکی کے وائٹ ہائوس کے دورے کے موقع پر امریکی صدر ڈونلڈ ٹرمپ، نائب صدر اور امریکی میڈیا نے جو رویہ اختیار کیا وہ نہ صرف امریکہ کی سیاسی گراوٹ کو ظاہر کرتا ہے بلکہ اس بات کا بھی پتہ دیتا ہے کہ امریکی میڈیا کس قدر اخلاقی زوال کا شکار ہو چکا ہے۔یوکرین کے صدر ولودومیر زیلنسکی جو اپنے ملک کی روس کے خلاف جنگ میں قیادت کر رہے ہیں کو وائٹ ہائوس میں جس طرح کے سلوک کا سامنا کرنا پڑا وہ کسی بھی بین الاقوامی سفارتی معیار سے گرا ہوا تھا۔ امریکی صدر ڈونلڈ ٹرمپ کا انداز نہ صرف تحقیر آمیز تھا بلکہ ان کے الفاظ غرور اور تکبر میں ڈوبے ہوئے تھے۔ ایسا لگ رہا تھا جیسے وہ ایک کمزور ملک کے سربراہ سے نہیں بلکہ کسی معمولی ماتحت سے مخاطب ہوں۔’’ہم نے آپ کے ملک پر 350 ارب ڈالر خرچ کئے ہیں، آپ کے تمام کارڈز ختم ہو چکے ہیں۔ آپ اس پوزیشن میں نہیں کہ ہمیں بتائیں کہ امریکا کو کیا کرنا ہے۔ آپ امریکا کے بغیر کچھ بھی نہیں ہیں۔ ‘‘ یہ جملے نہ صرف یوکرین کے صدر کی توہین تھے بلکہ ایک ایسے ملک کی بے عزتی تھے جو اپنی بقا کی جنگ لڑ رہا ہے۔ ٹرمپ کا رویہ کسی مغرور بادشاہ جیسا تھاجو اپنی طاقت کے نشے میں دوسروں کی تذلیل کو اپنا حق سمجھتا ہے۔ ایسا لگ رہا تھا جیسے وہ خود کو خدا سمجھ رہے ہوں، جیسا کہ شاعر نے کہا ہے:
وہ خدا بن کے بیٹھا تھا تختِ ستم پر
میں فریاد لے کر گیا بھی تو کس پر؟
ٹرمپ کے علاوہ نائب صدر جے ڈی وینس کا رویہ بھی کچھ مختلف نہ تھا۔ انہوں نے زیلنسکی کے ساتھ نہایت سخت اور بے رخی سے بات چیت کی۔ ان کے الفاظ اور باڈی لینگویج دونوں ہی یوکرینی صدر کے لئے کسی عزت و احترام کے جذبات سے خالی تھے۔اگر صرف سیاسی قیادت ہی گراوٹ کا شکار ہوتی تو شائد یہ اتنا تشویش ناک نہ ہوتا لیکن امریکی میڈیا نے بھی اس موقع پر اپنی بے حسی اور غیر پیشہ ورانہ رویے کا مظاہرہ کیا۔ ٹرمپ کے حمایتی صحافی برین گلین نے یوکرینی صدر سے انتہائی غیر ضروری سوال کیا۔ ’’آپ نے کوئی ڈھنگ کا سوٹ (تھری پیس یا پینٹ کوٹ)کیوں نہیں پہنا؟ آپ امریکا کے سب سے بڑے دفتر (صدارتی آفس) میں آئے ہیں اور آپ نے ڈھنگ کا سوٹ پہننا مناسب نہ سمجھا؟‘‘ یہ سوال نہ صرف غیر متعلق تھا بلکہ یوکرین کے صدر کی توہین کا ایک اور موقع تھا۔ زیلنسکی جو ایک جنگ زدہ ملک کے صدر ہیں نے اس سوال کا جواب بڑے تحمل سے دیا۔’’میں اس وقت سوٹ پہنوں گا جب جنگ ختم ہو جائے گی۔ شاید جو میں نے پہنا ہوا ہے اسی طرح کا، شاید جو آپ نے پہن رکھا ہے اس طرح کا یا شاید اس سے بھی بہتر، شاید سستا، میں نہیں جانتا دیکھیں آگے کیا ہوتا ہے۔‘‘ یہ جواب زیلنسکی کی ذہانت اور حاضر جوابی کو ظاہر کرتا ہے۔ وہ جانتے تھے کہ یہ سوال ان کی توہین کرنے کے لیے کیا گیا ہے مگر انہوں نے سفارتی سلیقے سے نہ صرف اس کی شدت کو کم کیا بلکہ امریکی میڈیا کی غیر سنجیدگی پر بھی طنز کیا۔ لیکن امریکی میڈیا نے اس موقع کو بھی ایک شو میں تبدیل کر دیا جس سے ظاہر ہوتا ہے کہ وہ صحافت کے بنیادی اصولوں سے کس قدر دور ہو چکا ہے۔امریکی میڈیا نے یوکرینی صدر کے ساتھ جو رویہ اختیار کیا وہ اس کے دوہرے معیار کو بھی ظاہر کرتا ہے۔ جب کوئی مغربی لیڈر کسی ترقی پذیر ملک میں جاتا ہے تو اسے ’’مساوات اور سفارتی آداب‘‘کی علامت کے طور پر پیش کیا جاتا ہے۔ لیکن جب کوئی غیر مغربی لیڈر ان کے ہاں آتا ہے تو اس کے لباس، انداز اور حیثیت کا مذاق اڑایا جاتا ہے۔ جب امریکہ کسی ملک کو امداد دیتا ہے تو اسے احسان کے طور پر پیش کیا جاتا ہے لیکن جب وہی ملک کچھ مطالبہ کرے تو اسے کمتر سمجھا جاتا ہے۔ یہ رویہ اس بات کا ثبوت ہے کہ امریکی میڈیا اب ایک آزاد اور غیر جانبدار ادارہ نہیں رہا بلکہ وہ سیاسی ایجنڈے اور طاقت کے مراکز کے تابع ہو چکا ہے۔امریکہ کی یہ سیاسی اور اخلاقی گراوٹ صرف اس کے داخلی معاملات تک محدود نہیں ہے بلکہ اس کے بین الاقوامی تعلقات پر بھی منفی اثرات مرتب کر رہی ہے۔
یوکرین جیسے ملک جو روس جیسی طاقت کے خلاف اپنی بقا کی جنگ لڑ رہا ہے کو امریکہ کی طرف سے جس طرح کے سلوک کا سامنا کرنا پڑا وہ دنیا بھر میں امریکہ کی ساکھ کو نقصان پہنچا رہا ہے۔ یہ رویہ نہ صرف امریکہ کے اتحادیوں کے اعتماد کو کمزور کرتا ہے بلکہ اس بات کا بھی اشارہ دیتا ہے کہ امریکہ اب ایک قابل اعتماد اور مستحکم اتحادی نہیں رہا۔امریکی قیادت کا یہ رویہ نیا نہیں ہے۔ تاریخ گواہ ہے کہ امریکہ نے ہمیشہ اپنے اتحادیوں کے ساتھ ایسا ہی برتا کیا ہے۔ افغانستان میں اپنے مقاصد پورے کرنے کے بعد وہ طالبان سے معاہدہ کرکے نکل گیا اور افغان حکومت کو بے یار و مددگار چھوڑ دیا۔ عراق میں ’’جمہوریت‘‘کے نام پر تباہی مچائی لیکن جب وقت آیا تو وہاں سے بھی نکل گیا، بغیر یہ دیکھے کہ اس کی جنگ سے وہاں کیا حالات پیدا ہوئے۔ ویت نام سے لے کر مشرق وسطیٰ تک امریکہ نے ہمیشہ اپنی طاقت کے نشے میں دوسروں کی تذلیل کی مگر تاریخ گواہ ہے کہ ایسا غرور کبھی بھی دیرپا نہیں رہتا۔’’
تخت والے سنبھل کے بیٹھو یہاں
وقت انصاف کرتا رہا ہے سدا!
وائٹ ہائوس میں ہونے والی یہ بے عزتی صرف گفتگو تک محدود نہیں رہی، بلکہ جب ملاقات ختم ہوئی تو یوکرینی صدر کو محض رسمی جملوں کے ساتھ بددلی سے رخصت کر دیا گیا۔ ایسا محسوس ہو رہا تھا جیسے انہیں زبردستی برداشت کیا گیا ہو اور اب جلد از جلد نکال دینا ہی بہتر سمجھا گیا ہو۔ زیلنسکی کو رسمی مصافحے کے بغیر ہی دروازے تک پہنچایا گیا اور امریکی صدر نے ایک مغرور مسکراہٹ کے ساتھ انہیں الوداع کہہ دیا۔ وہ لمحہ دنیا بھر کے میڈیا کے کیمروں میں قید ہو گیا جہاں ایک ملک کا سربراہ بے بسی کے عالم میں وہاں سے روانہ ہو رہا تھا اور دوسرا طاقت کے نشے میں چور کھڑا تھا۔یہ واقعہ امریکہ کی سفارتی روایات پر بھی سوالیہ نشان چھوڑ گیا۔ اگرچہ امریکہ ہمیشہ خود کو عالمی قیادت کا دعویدار کہتا ہے مگر اس کا اپنے اتحادیوں کے ساتھ یہ رویہ اس کے اخلاقی دیوالیہ پن کو واضح کرتا ہے۔ طاقت کے نشے میں چور حکمران یہ بھول جاتے ہیں کہ عزت دینے سے ہی عزت ملتی ہے اور تاریخ ایسے مغرور حکمرانوں کو کبھی معاف نہیں کرتی۔ بقول شاعر:
یہ جو تخت و تاج کے کھیل ہیں
کبھی ہم کبھی تم، کبھی اور ہیں!
امریکی صدر ، نائب صدر اور وائٹ ہائوس کے عملے سمیت امریکی میڈیا کی اس بدتمیزی پر دنیا بھر سے امریکہ کے خلاف شدید رد عمل آ رہا ہے۔ برطانیہ، جرمنی، کینیڈا سمیت یورپی ممالک نے یوکرینی صدر سے اظہار یکجہتی کیا ہے۔امریکہ کو یہ سمجھنا ہوگا کہ طاقت کا استعمال اور دوسروں کو نیچا دکھانا کبھی بھی دیرپا اثرات مرتب نہیں کرتا۔ اصل طاقت وہ ہے جو دوسروں کو ساتھ لے کر چلتی ہے، ان کی عزت کرتی ہے، اور ان کے مسائل کو سنجیدگی سے حل کرتی ہے۔ اگر امریکہ اپنی گراوٹ کو روکنا چاہتا ہے تو اسے اپنے اقدار اور اصولوں کی طرف واپس لوٹنا ہوگا۔ ورنہ تاریخ اسے کبھی معاف نہیں کرے گی۔
ذریعہ: Daily Ausaf
کلیدی لفظ: امریکی میڈیا نے طاقت کے نشے میں یوکرینی صدر وائٹ ہائوس امریکی صدر امریکہ کی میڈیا کی دنیا بھر ہے تو اس کرتا ہے رہا تھا جاتا ہے کے ساتھ تو اسے رہا ہے کے صدر
پڑھیں:
چینی قوم کی وحدت کا تصور ثقافت اور اخلاق سے ہم آہنگ ہے، چینی میڈیا
بیجنگ : دنیا کی تاریخ کے طویل سفر میں، بہت سی قدیم تہذیبیں وقت کے ساتھ ختم ہو گئیں یا چھوٹی چھوٹی ریاستوں میں بٹ گئیں، لیکن چین ایک ایسے جہاز کی مانند ہے جو طوفانوں کا سامنا کرتے ہوئے بھی ایک ہی سمت میں سفر جاری رکھے ہوئے ہے۔ چینی قوم کی قومی وحدت پر اسرار ہزاروں سال کی تاریخ اور منفرد ثقافتی ورثے کی عکاسی کرتا ہے۔ چینی قوم کے قومی تصور کو سمجھنا ایک ضخیم تاریخی کتاب کے صفحات پلٹنے کے مترادف ہے، جس کے ہر صفحے پر “گھر” اور “ملک” کا گہرا رشتہ درج ہے۔
1046 قبل مسیح میں، چو خاندان نے متحد چینی ریاست قائم کی، جس نے “تیئن شیاء” (لفظی معنی ہے آسمان کے نیچے سب کچھ یعنی ملک و قوم) کا تصور متعارف کرایا۔ یہی چینی قوم کے قومی تصور کی بنیاد بنا۔ چو خاندان نے جاگیردارانہ نظام کے ذریعے مختلف قبائل اور علاقوں کو ایک ہی ثقافتی نظام میں شامل کیا، جس نے ” آسمان کے نیچے ساری زمین بادشاہ کی ہے” کے تصور کو جنم دیا۔ بعد میں، اگرچہ چو خاندان انتشار کا شکار ہوا، لیکن طاقتور ریاست چِھین نے دوبارہ اتحاد قائم کیا اور “ایک ہی رسم الخط، ایک ہی پیمائش کا نظام” نافذ کرکے مرکزی حکومت کو مضبوط بنایا جس نے ثقافتی ورثے اور قومی اتحاد کی بنیاد رکھی۔ اس کے بعد، ہان، تھانگ، منگ اور چھنگ جیسے شاہی خاندانوں کے ادوار سے گزرتے ہوئے بھی “چین” ایک ثقافتی و سیاسی اکائی کے طور پر قائم رہا۔ جیسا کہ معروف مورخ چیئن مو نے کہا: “چین کا سیاسی نظام ‘ وحدت ‘ کے تصور پر مبنی ہے، جبکہ مغرب کا نظام ‘کثیرالاطراف’ کے تصور پر قائم ہوا ۔ چینی قوم کی وحدت کا تصور ثقافت اور اخلاق سے ہم آہنگ ہے ، اسی لیے ملک متحد ہے، جبکہ مغرب میں قومی تصور حقوق اور مفادات پر مبنی ہے، جس کی وجہ سے تقسیم پیدا ہوتی ہے۔ چینی تاریخ میں سب سے اہم اور بڑا مقصد قومی یکجہتی اور ایک مضبوط متحد ریاست کی تشکیل ہے۔”
چینی قوم کی قومی وحدت پر اسرار اس کے علاقائی خودمختاری کے موقف میں بھی واضح ہے۔ دنیا کی مشہور دیوارِ چین نہ صرف تعمیراتی شاہکار ہے، بلکہ چینی کاشتکاری یا کھیتی باڑی کی تہذیب کی “دفاعی ڈھال” بھی ہے۔ یہ دیوار توسیع پسندی کے لیے نہیں، بلکہ خانہ بدوش حملوں سے دفاع اور اپنے گھر کی حفاظت کے لیے بنائی گئی تھی۔ یہ چینی تہذیب کی فطرت کو ظاہر کرتی ہے: دوسری توسیع پسند تہذیبوں کے برعکس، چینی تہذیب اپنی سرحدوں کے اندر کاشتکاری کے ذریعے بقا کو ترجیح دیتی ہے۔
یہی وجہ ہے کہ چینی قوم اپنی زمین سے گہرا جذباتی لگاؤ رکھتی ہے۔ یہ جذبہ “زمین کی حفاظت ہم سب کی ذمہ داری” کے قومی شعور میں تبدیل ہو جاتا ہے۔ گھاس کے میدان میں رہتے ہوئے دنیا کو اپنا گھر سمجھنے والے خانہ بدوش لوگوں سے مختلف ، جب بیرونی حملہ آوروں نے چین کی سرحدوں کو خطرے میں ڈالا، تو چینی قوم “ملک تباہ، گھر برباد” کے شدید درد کو محسوس کرتی ہے اور “ملک کی سلامتی ہر فرد کی ذمہ داری” کے نعرے کے ساتھ یک جان ہو کر مقابلہ کرتی رہتی ہے ۔ ہزاروں سال سے، چینی تہذیب نے “اگر کوئی ہمیں نہ چھیڑے، تو ہم کسی کو نہیں چھیڑیں گے؛ لیکن اگر کوئی ہمیں چھیڑے گا، تو ہم ضرور جواب دیں گے” کے اصول پر عمل کرتے ہوئے اپنی خودمختاری کا دفاع کیا ہے۔
قومی وحدت کی بات ہو، تو تائیوان کا معاملہ ہر چینی کے دل کا اہم معاملہ ہے۔
تائیوان تاریخی طور پر چین کا اٹوٹ حصہ رہا ہے، لیکن تاریخی وجوہات کی بنا پر ابھی تک تائیوان کی وجہ سے چین کی مکمل وحدت حاصل نہیں ہو سکی ۔ جیسا کہ کچھ چینی انٹرنیٹ صارفین کہتے ہیں: “عوامی جمہوریہ چین کی فوج کا نام ‘پیپلز لبریشن آرمی’ اس لیے برقرار ہے، کیونکہ تائیوان کی مکمل آزادی اور وحدت کا خواب ابھی پورا نہیں ہوا۔” یہ عوامی تاثر اگرچہ سرکاری تعریف نہیں، لیکن چینی قوم کی وحدت کے جذبے کو ظاہر کرتا ہے۔ یہ جذبہ کسی توسیع پسندانہ خواہش کا نتیجہ نہیں، بلکہ چینی تہذیب کی “اپنی زمین اور گھر کی حفاظت” کی ثقافتی اساس سے جڑا ہوا ہے۔ ہم کسی بالادستی کے لیے نہیں، بلکہ اپنے ہزاروں سالہ ثقافتی ورثے، اپنے گھر اور قومی بقا کے لیے کوشاں ہیں۔
یہ ہزاروں سال پرانا قومی تصور چینی قوم کے خون میں رچا بسا ہے۔ چینی قوم کی وحدت کے جذبے کو سمجھ کر ہی چینی تہذیب کے تسلسل کی منطق کو سمجھا جا سکتا ہے۔ عالمگیریت کے اس دور میں بھی یہ ثقافتی جینز چینی قوم کی عظیم نشاۃ ثانیہ کی راہنمائی کر رہا ہے۔
Post Views: 5
سعودی عرب امریکا سے پہلے پاک بھارت کشیدگی کم کرانے کے لیے متحرک تھا، سفارتکار جاوید حفیظ