’یہ کووڈ کے دوران ہوا آئندہ ایسا نہیں ہوگا‘، چیئرمین پاکستان ایٹمی توانائی کمیشن پی اے سی اجلاس میں پیش
اشاعت کی تاریخ: 5th, March 2025 GMT
اسلام آباد میں پبلک اکاؤنٹس کمیٹی (پی اے سی) کا اجلاس ہوا جس میں پاکستان ایٹمی توانائی کمیشن اور ایف بی آر کے آڈٹ پیراز کا جائزہ لیا گیا۔
اجلاس میں پاکستان ایٹمی توانائی کمیشن کے 2 پیراز پیش کیے گئے۔ آڈٹ حکام کے مطابق مالی سال 2023-24 میں ایک ارب 15 کروڑ روپے کی خریداریوں میں بےضابطگی ہوئی۔
اس موقع پر پاکستان ایٹمی توانائی کمیشن کے چیئرمین نے اجلاس کو بتایا کہ کے۔2 پاؤر پلانٹ کو آپریشنل رکھنے کے لیے ہنگامی طور پر اسپیئر پارٹس کی خریداری کی گئی تھی۔
یہ بھی پڑھیے: بلوچستان کے سرکاری افسران زکوٰۃ کی رقم ڈکار گئے، آڈٹ جنرل کی رپورٹ میں انکشاف
اجلاس میں پی اے سی کے چیئرمین نے پوچھا کہ وزارت قانون کا نمائندہ کہاں ہیں فوراً بلایا جائے۔ انہوں نے کہا کہ انونٹری میں یک دم کیسے کمی ہوگئی، فرنیچر اور اسٹیشنری کی خریداری بھی ایمرجنسی میں کی گئی۔
ممبر اے پی سی ریاض فتیانہ نے کہا کہ یہ خریداری 4 مہینے میں کی گئی اس کا مطلب ہے یہ کہ ایمرجنسی نہیں تھی جبکہ عمر ایوب کا کہنا تھا کہ بڑے ادارے تو ایمرجسنی کے لیے پہلے سے پلاننگ کرتے ہیں، دوسری جانب نوید قمر نے کہا کہ اسپیئر پارٹس اگر مقامی مارکیٹ سے مل جاتے ہیں تو چین سے منگوانے کی کیا ضرورت ہے؟ اس خریداری میں کوئی مسابقت نہیں کی گئی۔
یہ بھی پڑھیے: کرپشن میں اضافہ، پاکستان دنیا کا 46واں کرپٹ ملک قرار
پاکستان ایٹمی توانائی کمیشن کے حکام نے جواب دیا کہ یہ اسپیئر پارٹس کووڈ کے دوران خریدے گئے اور ساری خریداری قوانین کے مطابق کی گئی تاہم چیئرمین ایٹمی توانائی کمیشن نے یہ بھی کہا کہ یہ کووڈ کے دوران ہوا آئندہ ایسا نہیں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایٹمی توانائی کمیشن پبلک اکاؤنٹس کمیٹی.ذریعہ: WE News
کلیدی لفظ: پبلک اکاو نٹس کمیٹی کی گئی کہا کہ
پڑھیں:
بھارت کو ایک اور ناکامی، محسن نقوی کی قیادت میں اے سی سی کا کورم مکمل، اہم اجلاس آج ہوگا
ایشین کرکٹ کونسل (اے سی سی) کا سالانہ اجلاس آج ڈھاکا میں ہوگا۔ اجلاس کی صدارت چیئرمین (اے سی سی) محسن نقوی کریں گے۔
بھارت کی کوششوں کے باوجود اجلاس کا کورم پورا ہوگیا ہے۔ بھارت اس اجلاس میں آن لائن شریک ہوگا۔ اجلاس میں ایشیا کپ کے شیڈول اور میزبان ملک کا فیصلہ ہوگا۔
یہ بھی پڑھیے: ایشین کرکٹ کونسل کے صدر محسن نقوی ڈھاکا پہنچ گئے، بھارت نے میٹنگ سے پھر کنارہ کرلیا
محسن نقوی نے بنگلہ دیشی کرکٹ بورڈ کی جانب سے پاکستان کی قومی کرکٹ ٹیم کے اعزاز میں دیے گئے عشائیے سے خطاب کیا۔ ان کا کہنا تھا کہ ہمیں اپنے سیاسی اختلافات ایک طرف رکھ کر صرف کرکٹ کے لیے کام کرنا چاہیے۔
محسن نقوی نے کہا ہے کہ ہمیں ایشین کرکٹ کو مضبوط کرنا چاہیے تاکہ تمام ممبر ممالک کی مضبوط ٹیمیں ہوں اور ایشیا میں اچھا مقابلہ ہو۔ ہمیں کرکٹ کو ان ممالک میں بھی پہنچانا چاہیے جہاں ابھی تک نہیں پہچا ہے اور یہ ہم مل کر کرسکتے ہیں انفرادی طور پر نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
asian cricket council ایشین کرکٹ کونسل اے سی سی کرکٹ کھیل
کئی شہروں میں بارش، کرنٹ لگنے، چھت گرنے سے 4 بچوں سمیت 5 جاں بحق