سعودی عرب : مختلف علاقوں میں پیر تک شدید بارش کا امکان، سعودی محکمہ موسمیات
اشاعت کی تاریخ: 7th, March 2025 GMT
جدہ(نیوزڈیسک)سعودی عرب کے مختلف علاقوں میں پیر تک بارشوں کی پیشگوئی کی گئی ہے۔سعودی عرب کے موسمیاتی مرکز کے مطابق مملکت میں پیر تک تیز ہواؤں اور شدید بارشوں کی وجہ سے مختلف علاقے متاثر رہیں گے۔
مملکت میں رہنے والوں کو محکمہ شہری دفاع نے اس دوران شہریوں کو احتیاط برتنے، بارش کا پانی جمع ہونے والی جگہوں، وادیوں سے دور رہنے اور محفوظ مقامات پر رہنے کا مشورہ دیا ۔محکمہ موسمیات کے مطابق مکہ ریجن کے کچھ علاقے تیز ہواؤں اور شدید بارشوں سے متاثر رہیں گے، ان علاقوں میں میسان، طائف، العرضیات، اضم، رنیہ، تربہ، المویہ اور الخرمہ میں شامل ہیں۔
مکہ مکرمہ شہر، اللیث، القنفذہ، الجموم اور بحرۃ میں ہلکی سے درمیانے درجے کی بارش ہونے کی توقع ہے۔ریاض ریجن درمیانی سے شدید بارشوں سے متاثر رہنے کا امکان ہے۔ریاض، الدرعیہ، ضرما، المزاحمیہ، عفیف، الدوادمی، القویعیہ، شقراء، الغاط، الزلفی، المجمعہ، ثادق، رماح، الرین، حریملاء، الخرج، الدلم، الحریق، حوطہ بنی تمیم
، مرات اور الافلاج میں بھی گرد آلود ہوائیں چلنے کی توقع ہے۔محکمہ شہری دفاع کا کہنا ہے کہ الجوف، حائل، القصیم، الشرقیہ، الباحہ، تبوک، مدینہ منورہ، عسیر اور جازان میں بھی بارش ہونے کا امکان ہے۔
جہلم ویلی: چھم واٹر فال کے قریب کار حادثہ، 2 افراد جاں بحق
ذریعہ: Daily Ausaf
پڑھیں:
پی آئی اے ایئرکرافٹ انجینئرزکا احتجاج، قومی ایئر لائن کا بین الاقوامی آپریشن شدید متاثر
طیب سیف: پی آئی اے انتظامیہ اور ایئرکرافٹ انجینئرز کے درمیان تنازع شدت اختیار کرگیا، ایئرکرافٹ انجینئرز نے طیاروں کی کلیئرنس روک دی۔
احتجاج کی وجہ سے قومی ایئرلائن کا بین الاقوامی آپریشن متاثر ہوا، 6پروازیں اڑان نہ بھر سکیں، لاہور سے مدینہ، اسلام آباد اور کراچی سے جدہ جانے والی پروازیں متاثر ہوئیں، لاہور سے ابوظہبی اور اسلام آباد سے دمام اور دبئی جانے والی پروازیں بھی متاثر ہوئیں۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
ترجمان پی آئی اے نے ردعمل میں کہا کہ سوسائٹی آف ائیر کرافٹ انجینئرز کی کوئی قانونی حیثیت نہیں، اس تحریک کا مقصد پی آئی اے کی نجکاری کو سبوتاژ کرنا ہے، پی آئی لازمی سروسز ایکٹ نافذ ہے کام چھوڑنا قانونی طور پر جرم ہے۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق