سکردو، گورنر جی بی کو بلتستان میں جاری ترقیاتی منصوبوں پر بریفنگ
اشاعت کی تاریخ: 8th, March 2025 GMT
کمشنر بلتستان کمال خان نے لینڈ ریفارمز کے ایشو پر بلتستان کے سٹیک ہولڈرز کی جانب سے پیش کئے گئے مسودے اور حکومتی مسودے پر پیش رفت سے آگاہ کیا اور تمام محکموں کے سربراہان نے محکموں کی کارکاردگی پر بریفنگ دی۔ اسلام ٹائمز۔ گورنر گلگت بلتستان سید مہدی شاہ کو کمشنر بلتستان ڈویژن کمال خان نے بلتستان ڈویژن میں جاری ترقیاتی منصوبوں، امن و امان اور بجلی کی صورتحال پر تفصیلی بریفنگ دی۔ بلتستان میں بجلی کی پیداوار و طلب اور تقسیمیات کے طریقہ کار سے آگاہ کرتے ہوئے کہا کہ اس وقت سکردو شہر کیلئے اٹھارہ میگاواٹ بجلی پیدا کی جا رہی جبکہ کل صلاحیت چالیس میگاواٹ ہے تاہم موسم کھلنے کے ساتھ بجلی کی پیداوار میں اضافہ ہو گا۔ بریفنگ میں بلتستان میں امن و امان خاص کر زمینوں کے تنازعے سے تفصیلی آگاہ کیا گیا۔ کمشنر بلتستان کمال خان نے لینڈ ریفارمز کے ایشو پر بلتستان کے سٹیک ہولڈرز کی جانب سے پیش کئے گئے مسودے اور حکومتی مسودے پر پیش رفت سے آگاہ کیا اور تمام محکموں کے سربراہان نے محکموں کی کارکاردگی پر بریفنگ دی۔
اس موقع پر گورنر گلگت بلتستان سید مہدی شاہ نے بجلی کی تقسیم کو منصفانہ کر کے سپیشل لائنز کے مکمل خاتمے کی ہدایت جاری کرتے ہوئے کہا کہ تجارتی مراکز کو لوڈشیڈینگ شیڈول کے مطابق بجلی دین تاکہ چھوٹے صنعت سے وابستہ افراد کا معاش چل سکے۔ سید مہدی شاہ نے امن و امان کی صورتحال پر اطمینان کا اظہار کرتے ہوئے امن و امان کیلئے مذید سخت اقدامات کرنے کا حکم دیا۔ واپڈا حکام کو فیز فور پر جلدی کام کرنے کی ہدایت کی۔ سید مہدی شاہ نے سولر انرجی پر کام کرنے کیلئے جلد زمین دیکھنے کا حکم دیا، ساتھ ہی شغرتھنگ اور ہرپوہ پاور پراجیکٹ پر کام تیز کرنے کیلئے معاوضہ جات کی ادائیگی کیلئے جلد کام کرنے کی ہدایت کی۔
ذریعہ: Islam Times
کلیدی لفظ: سید مہدی شاہ کرنے کی بجلی کی
پڑھیں:
گلگت بلتستان کے مسائل کے حل کیلئے ایوان صدر میں اہم اجلاس طلب
پپیلزپارٹی کے صوبائی قائدین سے ملاقات میں گفتگو کرتے ہوئے صدر زرداری نے کہا کہ گلگت بلتستان میں سیاحت اور بجلی پیداوار کے بڑے وسائل موجود ہیں، گلگت بلتستان میں سیاحت اور بجلی کی پیداوار کے لئے خصوصی اقدامات اٹھائیں گے جس نے نہ صرف علاقے میں تعمیر و ترقی ہوگی بلکہ نوجوان کو روزگار کے وسیع مواقع فراہم ہونگے۔ اسلام ٹائمز۔ صدرِ مملکت آصف علی زرداری سے پیپلز پارٹی گلگت بلتستان کے صوبائی صدر امجد حسین ایڈووکیٹ کی قیادت میں پیپلز پارٹی گلگت بلتستان کے صوبائی قائدین، سابقہ و متوقع ٹکٹ ہولڈرز، ڈویژنل، صوبائی اور ضلعی تنظیموں کے صدور کی گلگت میں اہم ملاقات ہوئی۔ ملاقات میں صدرِ مملکت آصف علی زرداری نے گلگت بلتستان کے اہم مسائل کے حل کے لئے ایوانِ صدر میں اہم اجلاس طلب کر لیا۔ پیپلزپارٹی کی جانب سے جاری بیان کے مطابق اس موقع پر انہوں نے کہا کہ گلگت بلتستان میں سیاحت اور بجلی پیداوار کے بڑے وسائل موجود ہیں، گلگت بلتستان میں سیاحت اور بجلی کی پیداوار کے لئے خصوصی اقدامات اٹھائیں گے جس نے نہ صرف علاقے میں تعمیر و ترقی ہوگی بلکہ نوجوان کو روزگار کے وسیع مواقع فراہم ہونگے۔ گلگت بلتستان کے لئے خصوصی ائر لائن ہونی چاہئے تاکہ سیاحت کو فروغ اور یہاں کے عوام کو سفری سہولیات میسر آسکیں۔ انہوں نے اس حوالے سے عملی اقدامات کی یقین دہانی کروائی۔
صدر مملکت نے مزید کہا کہ پاکستان پیپلز پارٹی گلگت بلتستان کے عوام کی تقدیر بدلنے کے لئے پر عزم ہے جس کے لئے بتدریج عملی اقدامات کئے ہیں۔ ذوالفقار علی بھٹو شہید اور محترمہ بینظیر بھٹو شہید نے گلگت بلتستان کے لئے اس وقت انقلابی اقدامات کئے جب اس علاقے میں بنیادی سہولیات تک میسر نہیں تھیں۔ پھر 2009ء میں پیپلز پارٹی نے گلگت بلتستان کو شناخت دی اور نیم آئینی اختیارات تفویض کئے جس کے نتیجے میں آج گلگت بلتستان کے عوام اپنے نمائندوں کا انتخاب اپنی مرضی سے کرتے ہیں اور اپنے مسائل کے حل کے لئے اسمبلی میں قانون سازی کرتے ہیں۔ صدرِ مملکت نے مزید کہا کہ پیپلز پارٹی گلگت بلتستان سے غربت کے خاتمے اور روزگار کی فراہمی کے لئے خصوصی اقدامات اٹھائے گی۔ یہ علاقہ معدنی اور قدرتی وسائل سے مالامال ہے تعمیر و ترقی و خوشحالی گلگت بلتستان کے عوام کا بنیادی حق ہے یہاں کے عوام کو یہ حق دیا جائے گا۔ گلگت بلتستان کے غیور عوام نے خود آزادی حاصل کی ہے اور یہ پاکستان کے وفادار لوگ ہیں۔ انہوں نے گلگت بلتستان کے عوام کو یوم آزادی کے موقع پر مبارکباد بھی پیش کی۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا