امریکی صدر کا فیفا ورلڈ کپ 2026 کی تیاریوں کے لیے بڑا اعلان
اشاعت کی تاریخ: 8th, March 2025 GMT
امریکی صدر نے 2026 کے فیفا ورلڈ کپ کی تیاریوں کے لیے وائٹ ہاؤس میں ٹاسک فورس قائم کرنے کا اعلان کیا ہے۔ ڈونلڈ ٹرمپ ٹاسک فورس کی سربراہی خود کریں گے۔ ٹاسک فورس مختلف حکومتی ایجنسیوں کے تعاون سے ٹورنامنٹ کی سیکیورٹی اور منصوبہ بندی کی نگرانی کرے گی۔
امریکی میڈیا رپورٹس کے مطابق فیفا ورلڈ کپ 2026 امریکا، کینیڈا اور میکسیکو میں مشترکہ طور پر منعقد ہوگا جس میں 48 ٹیمیں حصہ لیں گی اور 104 میچز کھیلے جائیں گے۔ فائنل میچ 19 جولائی 2026 کو نیو جرسی کے میٹ لائف فٹبال اسٹیڈیم میں ہوگا۔
امریکی صدر ڈونلڈ ٹرمپ نے ٹاسک فورس کے لیے اوول آفس میں فیفا کے صدر جیانی انفنٹینو کے ساتھ ایک ایگزیکٹو آرڈر پر دستخط کیے۔ ٹاسک فورس کا مشن ’قوم کے فخر اور مہمان نوازی کو نمایاں کرنا اور اقتصادی ترقی اور سیاحت کو فروغ دینا‘ ہے۔
مزید پڑھیں: ضروری ترامیم کرنے پر فیفا نے پاکستان پر عائد پابندی اٹھالی
امریکہ دنیا کے سب سے زیادہ دیکھے جانے والے کھیلوں کے ٹورنامنٹ کی میزبانی کے لیے کینیڈا اور میکسیکو کے ساتھ مل کر تیاری کر رہا ہے، جبکہ جیو پولیٹیکل کشیدگی میں اضافہ ہو رہا ہے، کیونکہ ٹرمپ اپنے طویل المدتی اتحادیوں کے ساتھ تجارتی جنگ کو تیز کر رہے ہیں۔
جب ٹرمپ سے ان کے ہمسایوں کے ساتھ ٹورنامنٹ کی مشترکہ میزبانی کے بارے میں پوچھا گیا، جنہیں انہوں نے ٹیرف لگا کر نشانہ بنایا ہے، تو ٹرمپ نے کہا کہ اس سے میدان میں مزید ڈرامہ پیدا ہوتا ہے، مجھے لگتا ہے کہ یہ اسے زیادہ دلچسپ بنائے گا۔
فیفا کے صدر انفنٹینو نے اندازہ لگایا کہ 2026 کے ورلڈ کپ اور 2025 کا کلب ورلڈ کپ، جو امریکا میں بھی منعقد ہوگا، سے امریکا قریباً 40 ارب ڈالر کمائے گا۔ ٹورنامنٹ 2 لاکھ نوکریاں پیدا کرے گا اور ایک کروڑ سیاحوں کو بھی لائے گا۔
مزید پڑھیں: فیفا ورلڈ کپ 2034 پاکستانیوں کے لیے کیسے خوشیاں لے کر آرہا ہے؟
ٹرمپ نے انفنٹینو سے پوچھا کہ آیا امریکا مردوں کا فٹبال پہلی بار ٹورنامنٹ جیت سکتا ہے؟ فیفا کے صدر نے کہا کہ جی ہاں، جب عوام ان کے پیچھے ہوں۔ انفنٹینو نے جنوبی امریکہ کی طاقتور ٹیموں ارجنٹینا، برازیل اور یورپ کی عظیم ٹیموں انگلینڈ، جرمنی اور اسپین کو ٹورنامنٹ کی پسندیدہ ٹیمیں قرار دیا۔ ٹرمپ نے کہا کہ وہ ورلڈ کپ کے 104 میچز میں ایک سے زیادہ میچ دیکھنے کا ارادہ رکھتے ہیں۔
انفنٹینو نے اوول آفس میں فیفا کے کلب ورلڈ کپ 2025 کی نئی ٹرافی کی رونمائی بھی کی۔ یہ ٹورنامنٹ ہر براعظم کی بہترین کلب ٹیموں پر مشتمل ہوتا ہے، یہ فٹبال کی دنیا میں اہمیت کا حامل نہیں رہا لیکن فیفا نے حال ہی میں اس ٹورنامنٹ کے لیے 1 ارب ڈالر انعام کا اعلان کرکے اس کی اہمیت بڑھا دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ٹرمپ فٹبال فیفا فیفا پلیئر آف دی ایئر فیفا ورلڈ کپ 2026 کینیڈا میکسیکو.ذریعہ: WE News
کلیدی لفظ: امریکا فٹبال فیفا فیفا ورلڈ کپ 2026 کینیڈا میکسیکو ٹورنامنٹ کی ٹاسک فورس فیفا کے کے ساتھ کے لیے
پڑھیں:
ڈونلڈ ٹرمپ نے مالی سال 2026ء کیلئے تارکین وطن کو ویزا دینے کی حد مقرر کر دی
ڈونلڈ ٹرمپ کا کہنا تھا کہ امریکا کی تاریخ میں تارکین وطن کی تعداد میں کمی لا رہے ہیں، تارکین وطن کے داخلے سے ملک کے مفادات کو نقصان نہیں ہونا چاہیے۔ امریکی صدر کا کہنا تھا کہ سفید افریقیوں کو جنوبی افریقہ میں نسل کشی کا خطرہ ہے، فی الحال پناہ گزینوں کی سالانہ حد ایک لاکھ 25 ہزار مقرر ہے۔ اسلام ٹائمز۔ امریکی صدر ڈونلڈ ٹرمپ نے مالی سال 2026ء کیلئے تارکین وطن کو ویزا دینے کی حد مقرر کر دی۔ آئندہ سال امریکا آنے والے صرف 7 ہزار 500 تارکین وطن ویزا کے اہل ہوں گے، 1980ء کے ریفیوجی ایکٹ کے بعد پہلی بار اتنی کم ترین حد مقرر کی گئی۔ ڈونلڈ ٹرمپ نے کہا کہ امریکا کی تاریخ میں تارکین وطن کی تعداد میں کمی لا رہے ہیں، تارکین وطن کے داخلے سے ملک کے مفادات کو نقصان نہیں ہونا چاہیے۔ امریکی صدر کا کہنا تھا کہ سفید افریقیوں کو جنوبی افریقہ میں نسل کشی کا خطرہ ہے، فی الحال پناہ گزینوں کی سالانہ حد ایک لاکھ 25 ہزار مقرر ہے۔
ٹرمپ انتظامیہ نے سفید فام جنوبی افریقیوں کو ترجیح دینے کا اعلان کیا، امریکی تاریخ میں مخصوص قومیتوں کے خلاف امتیازی قوانین پہلے بھی بنائے گئے، نئے قانون کے تحت مہاجرین کو سخت سکیورٹی جانچ سے گزرنا ہوگا۔امریکی وزارت خارجہ اور ہوم لینڈ سکیورٹی کی منظوری لازم قرار دی گئی، ٹرمپ نے جون میں غیر ملکیوں کی داخلے سے متعلق نیا فرمان جاری کیا تھا۔ٹرمپ کے اقدام پر انسانی حقوق تنظیموں نے شدید تنقید کا اظہار کیا ہے، ماہرین کا کہنا ہے کہ امریکی صدر کا نیا اقدام امریکی امیگریشن پالیسی کو مزید محدود کرے گا۔
پیپلز پارٹی کی وزیراعظم آزاد کشمیر کو استعفیٰ دینے کی مہلت