بدر کا مقام مدینہ سے مکہ جانے والے پرانے راستے پر تقریباً نصف مسافت پر ہے۔مدینہ سے کچھ ہی دور سفر کریں تو طویل پہاڑی سلسلہ شروع ہو تا ہے۔اس پہاڑی راستے میں بھی ایک جدید دو رویہ شاہراہ بنائی گئی ہے جب کہ صدیوں پرانے قافلوں کے راستے پر بھی پختہ سنگل روڈ بنا دی گئی ہے۔
مدینہ سے تقریباً 80 کلو میٹر سفر کے بعد پرانی سٹرک کے دائیں جانب بئیرالروحا ،یعنی روحا ء کا کنواں ہے۔یہ وہ جگہ ہے جہاں لشکر نبویﷺ نے پڑائو ڈالا تھا۔
کنویں کے پاس ایک چھوٹی سی مسجد بھی ہے، روایت ہے کہ یہاںحضورﷺ کا خیمہ نصب تھا۔ کنواں روحا ء اس پہاڑی وادی کے بالکل درمیان میں ہے۔ اس کے پاس کھڑے ہو کر اگرچاروں طرف نظر دوڑائیں تو طویل القامت پہاڑوں نے وادی کوگھیرا ہوا ہے۔
یہ جگہ ایک گول پیالے کی طرح ہے۔ کنویں کے چاروں طرف یہ وادی تقریباً دو دو کلو میٹر تک پھیلی ہوئی ہے۔وادی میں کہیں کہیں کیکر کے خشک درخت اور کھجور کے جھنڈ نظر آتے ہیں۔وادی روحا کا منظر دیدنی ہے۔
بئیر روحاء سے بدر کی جانب سفر شروع کریں تو چند ہی کلو میٹر بعد پہاڑی وادیواں میں سرسبز و شاداب اور پر کشش چھوٹے چھوٹے قصبے ہیں جہاں تمام روزمرہ اشیا ء با آسانی دستیاب ہیں۔بدر شاہراہ کے دونوںاطراف راستے میں کئی جگہوں پر اب بھی صدیوں پرانے پتھروں کے بنے بے آباد گھروں کی شکستہ دیواریں دیکھی جا سکتی ہیں۔
سیلابی گزرگاہوں کے ساتھ ان پہاڑیوں پر قدیم درجنوں گھراب بھی تاریخ اسلام کی پہلی جنگ’’غزوہ بدر‘‘ میں حصہ لینے والے قافلے کی گزرگاہ کے شاہد ہیں۔ان گھروں کو اگر اب بھی محفوظ کر لیا جائے تو یہ عظیم تاریخی ورثہ آیندہ آنے والی نسلوں کو تحقیق کا بہت سا مواد فراہم کر سکتی ہے۔ کچھ اور آگے چلیں تو الخیف کا قصبہ آتا ہے ۔
پھر الوسطہ اور الفارا کا پڑائو اور پھر الجدید کا قصبہ ہے۔اس سے کچھ آگے بدر کی منفرد وادی نظر آتی ہے۔ بدر آج کے سعودی عرب کا ایک جدید چھوٹا شہر ہے جو زندگی کی ہر سہولت سے آرستہ ہے۔ یہاں غیر ملکیوں میں سب سے زیادہ پاکستانی آباد ہیں جن کا تعلق ڈیرہ غاری خان ڈویژن سے ہے۔ بدر کے علاقے میں اب بھی کہیں کہیں پرانے طرز کے مٹی اور گارے کے گھر ہیں۔
مقام بدر دو پہاڑیوں کے درمیان ہے۔وادی بدر میں داخل ہوتے ہی آپ کی پہلی نظر اسی سفیدی ملے ریتلے پہاڑ پر پڑتی کہ جس کے بارے میں محققین کا کہنا ہے کہ اسی ریتلے پہاڑ کے درے سے حضورﷺ کی دعا کے بعد ا ﷲ کی مدد (فرشتوں کی صورت میں)قافلہ اسلام میں شامل ہوئی اور کفار کو شکست فاش ہوئی۔
آپ کی دوسری نظر مسجد العریش کے میناروں پر پڑتی ہے، یہ وہ جگہ ہے جہاں نبی پاکﷺکا خیمہ تھا۔اﷲ تعالیٰ نے جنگ بدر کے دن کا نام یوم الفرقان رکھا۔قرآن پاک کی سورۃ انفال میں تفصیل کے ساتھ جب کہ دوسری سورتوں میں اجمالاً بار بار اس معرکہ کا ذکر فرمایا ۔ مسلمانوں کے لشکر نے بدر کے میدان میں جس جگہ پڑائو کیا تھا، قرآن پاک نے اسے ’’العدوۃا لدنیا‘‘کہا ہے۔
غزوہ بدر رمضان المبارک کی سترھیوں تاریخ جمعے کو ہوا۔مسلمان دستہ تین سو تیرہ افراد، ستر اونٹ ،دو گھوڑوں، چھ زرہ بکتراور آٹھ شمشیروں پر مشتمل تھا۔جب کہ دوسری طرف ہزاروں کفار، سات سو اونٹ، دو سو گھوڑے، سیکڑوں ڈھالیں، تلواریں اور آلات حرب سے لیس تھے۔
غزوہ بدر میں چودہ صحابہ کرامؓ شہید ہوئے۔ بدر کے ان چودہ شہید صحابہ کرامؓ کے نام میدان بدر کے پاس ایک بورڈ پر لکھے ہوئے ہیں۔آبادی کے پھیلاؤ کی وجہ سے اب یہ جگہ بستی میں گھر گئی ہے۔ اب یہاں آدمی کے قد سے بلند چار دیواری بنا دی گئی ہے۔
بدر کے معرکہ میں جس جگہ حضورﷺ کا خیمہ نصب تھا ، اسی جگہ مسجد العریش ہے۔ہم نے یہاں نوافل ادا کیے ۔بدر کی مٹی چمکدار ریت کی مانند ہے۔ حکیم امت علامہ اقبال نے کیا خوب کہا ہے۔
فضائے بدر پیدا کر، فرشتے تیری نصرت کو
اتر آئیں گے قطار اندر قطار اب بھی
ذریعہ: Express News
کلیدی لفظ: اب بھی گئی ہے بدر کے
پڑھیں:
عیدالاضحیٰ کے پیش نظر کے پی حکومت کا سیاحوں کی سہولت کیلیے بڑا فیصلہ
پشاور:خیبرپختونخوا حکومت نے عیدالاضحیٰ کے موقع پر مختلف سیاحتی مقامات پر کیمپنگ پاڈز کھولنے کا فیصلہ کیا ہے۔
محکمہ سیاحت کے مطابق خیبر پختونخوا کے پرفضا سیاحتی مقامات پر سیاحوں کے لیے کیمپنگ پاڈز بنائے گئے تھے، جسے سیاحوں کے لیے کھولنے کا فیصلہ کیا گیا ہے۔
سیاح اب قدرتی حسن سے لطف اندوز ہونے کے ساتھ ساتھ آرام دہ اور محفوظ قیام کی سہولت بھی حاصل کر سکتے ہیں۔
صوبائی حکومت کی جانب سے جن سیاحتی مقامات پر کیمپنگ پاڈز بنائے گئے ہیں ان میں شاران وادی کاغان، ٹھنڈیانی ایبٹ آباد، بمبوریت کیلاش، یارخون لشٹ اپر چترال، سرلاسپور اپر چترال، گبین جبہ وادی سوات، سلاتن وادی سوات، ملکہ مہابن بونیر، شہید سر بونیر، الائی میدان بٹگرام، یخ تنگئی شانگلہ اور سمانہ اورکزئی شامل ہیں۔
عام لوگوں کی شکا یات حل کر نے میں محتسب کے اداروں کا اہم کردار ہے۔اعجاز احمد قر یشی