فلم میں دکھایا منظر سچ مان کر پورا گاؤں چھپے سونے کی تلاش میں قدیم قلعے پر ٹوٹ پڑا
اشاعت کی تاریخ: 9th, March 2025 GMT
بھارتی ریاست مدھیہ پردیش کے ایک گاؤں کے سینکڑوں افراد فلم میں دکھائے جانے والے منظر کو حقیقت مان کر تاریخی قلعے پر ٹوٹ پڑے۔ منظر چھپے سونے سے متعلق تھا جس پر گاؤں کے لوگ سونے کی تلاش میں قلعے پہنچ گئے۔
بھارتی میڈیا رپورٹس کے مطابق خزانے کی تلاش کرتے لوگوں ویڈیوز سوشل میڈیا پر تیزی سے وائرل ہو رہی ہیں۔ چھپے ہوئے خزانے کی افواہ سن کر لوگ قلعے پہنچے، جس کا آغاز وکی کوشل کی فلم چھاوا میں تاریخی قلعہ دکھانے کے بعد ہوا۔ مقامی افراد کا کہنا تھا کہ مغل دور کا سونا وہاں دفن ہے، سینکڑوں لوگ رات کو برہان پور کے تاریخی اسیر گڑھ قلعے کے قریب کھیتوں میں کھدائی کرنے کے لیے جمع ہوگئے۔
ایک ویڈیو میں دکھایا گیا ہے کہ لوگ ٹارچ لائٹس اور میٹل ڈیٹیکٹرز کا استعمال کرتے ہوئے زمین کو تلاش کرتے ہیں، ان کا خیال تھا کہ خزانہ نیچے دفن ہے۔
ویڈیو میں دکھایا گیا کہ اندھیرا ہونے کے باوجود لوگ سونا حاصل کرنے کیلئے کھدائی میں مصروف ہیں۔ یہ اس وقت ہوا جب چند افراد نے افواہ پھیلائی کہ انہیں وہاں سونے کے سکے ملے ہیں، لیکن حکام کی جانب سے ابھی تک اس کی تصدیق نہیں کی گئی۔
بھارتی میڈیا کے مطابق خزانے کی کھدائی کرنے پر زمیندار کو پریشانی میں مبتلا کردیا ہے۔ مقامی رہائشی وسیم خان کے مطابق اسیر گڑھ خزانہ ڈھونڈنے والے افراد سے بھرا پڑا ہے، اور ہارون شیخ کے کھیت سے سونے کے سکے ملے ہیں، بہت سے لوگ وہاں جمع ہوئے جنہوں نے کئی دنوں تک کھدائی جاری رکھی۔
تاہم حکام کو خزانے کی تلاش پر شک ہے۔ پولیس سربراہ دیویندر پاٹیدار نے کہا کہ ہم نے رپورٹس سنی ہیں اور اس کا جائزہ لے رہے ہیں۔ اگر ہم کسی کو غیر قانونی طور پر کھدائی کرتے ہوئے پکڑتے ہیں تو ہم کارروائی کریں گے۔
Post Views: 1.ذریعہ: Daily Mumtaz
پڑھیں:
پاکستان کی آئی ایم ایف کی حالیہ قسط کے اجرا میں کس نے رکاوٹ ڈالی؟وزیرخزانہ نے قومی اقتصادی سروے پیش کرتے ہوئے بتا دیا
اسلام آباد(ڈیلی پاکستان آن لائن)وفاقی وزیر خزانہ محمد اورنگزیب نے پاکستان کی آئی ایم ایف کی حالیہ قسط کے اجرا میں رکاوٹ ڈالنے والے ملک سے متعلق بتا دیا۔
نجی ٹی وی چینل دنیا نیوز کے مطابق وزیر خزانہ محمد اورنگزیب نے قومی اقتصادی سروے پیش کرتے ہوئے کہاکہ جاری کھاتوں کا خسارہ سرپلس میں تبدیل ہو چکا ہے،پاکستان کو آئی ایم ایف کی حالیہ قسط میں مشکل کا سامناتھا، بھارتی ایگزیکٹو ڈائریکٹر نے قسط روکنے میں کوئی کسر نہیں چھوڑی تھی،عالمی مالیاتی ادارے پاکستان کے ساتھ کھڑے ہیں۔
جاوید شیخ نے اداکارہ میرا سے متعلق ماضی کا دلچسپ قصہ سنا دیا
ان کاکہناتھا کہ موسمیاتی تبدیلی کا سامنے کررہے ہیں، کلائمیٹ فنانس ہماری ضرورت ہے،وزیرخزانہ نے کہا کہ درآمدات میں 11.7فیصد اضافہ ریکارڈ کیاگیا،ٹیکس وصولی میں 26فیصد اضافہ، فائلرز کی تعداددگنی ہو گئی۔
مزید :
بلوچستان کے لوگوں کے گلے شکوے مل بیٹھ کر دور کئے جاسکتے ہیں، وزیر اعظم