کراچی کے روزہ دار ہوشیار!!! آج بھی پارہ 39 ڈگری تک جانے کا امکان
اشاعت کی تاریخ: 9th, March 2025 GMT
کراچی میں گرمی نے اپنا اثر دکھانا شروع کر دیا ہے، گزشتہ 24 گھنٹوں میں زیادہ سے زیادہ درجہ حرارت 39.1 ڈگری سینٹی گریڈ ریکارڈ کیا گیا۔ محکمہ موسمیات کے مطابق آج بھی شہر میں موسم گرم اور خشک رہے گا جبکہ درجہ حرارت 39 ڈگری سینٹی گریڈ تک جانے کا امکان ہے۔
محکمہ موسمیات کے مطابق کراچی میں کم سے کم درجہ حرارت 18 سے 20 ڈگری سینٹی گریڈ کے درمیان رہنے کا امکان ہے، جبکہ مطلع جزوی طور پر ابر آلود ہے اور ہلکی خنکی کے ساتھ موسم خشک محسوس کیا جا رہا ہے۔ شہر میں شمال مشرقی سمت سے 6 کلومیٹر فی گھنٹہ کی رفتار سے ہوائیں چل رہی ہیں۔
دوسری جانب کراچی کی ہوا کا معیار بھی بدستور خراب ہے۔ ایئر کوالٹی انڈیکس (اے کیو آئی) کے مطابق شہر کا فضائی معیار 112 پرٹیکیولیٹ میٹرز کے ساتھ مضر صحت زمرے میں ہے۔ کراچی دنیا کے آلودہ ترین شہروں میں 29ویں نمبر پر موجود ہے جبکہ ہوا میں نمی کا تناسب 43 فیصد ریکارڈ کیا گیا ہے۔
ماہرین نے شہریوں کو ہدایت کی ہے کہ وہ گرمی کے اثرات سے بچنے کے لیے دھوپ میں غیر ضروری طور پر باہر نکلنے سے گریز کریں، ہلکے کپڑے پہنیں اور پانی زیادہ مقدار میں استعمال کریں تاکہ جسم میں پانی کی کمی نہ ہو۔
Post Views: 1.ذریعہ: Daily Mumtaz
پڑھیں:
پاکستان کے مختلف علاقوں میں آندھی، جھکڑ اور گرج چمک کے ساتھ بارش کا امکان
پاکستان کے محکمہ موسمیات نے آج بروز پیر کشمیر،گلگت بلتستان، مشرقی پنجاب، خطہ پوٹھوہار، خیبرپختونخوا، سندھ اور شمالی بلوچستان میں مطلع جزوی ابر آلود رہنے کے علاوہ چند مقامات پر آندھی، جھکڑ چلنے اور گرج چمک کے ساتھ بارش کا امکان ظاہر کیا ہے۔ اس دوران بعض مقامات پر ژالہ باری ہو سکتی ہے۔ جبکہ ملک کے دیگر علاقوں میں موسم گرم اور خشک جبکہ میدانی علاقوں میں شدید گرم رہنے کی توقع ہے۔
گزشتہ 24 گھنٹے کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔ تاہم وسطی وجنوبی پنجاب، با لائی خیبرپختونخوا، گلگت بلتستان اور شہید بینظیر آباد میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش پنجاب کے علاقوں بہاولنگر میں 08 ملی میٹر، اوکاڑہ میں 04 ملی میٹر، ساہیوال میں03 ملی میٹر، ٹوبہ ٹیک سنگھ میں 02 ملی میٹر ہوئی جبکہ خیبرپختونخوا کے علاقوں لوئر دیر میں 07 ملی میٹر، سیدو شریف میں 03 ملی میٹر، کاکول، مردان، دروش میں 01 ملی میٹر اور گلگت بلتستان کے علاقے گوپس میں 03 ملی میٹر، سندھ کے شہر شہید بینظیر آباد میں03 ملی میٹر بارش ریکارڈ کی گئی ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش پاکستان کا موسم محکمہ موسمیات
پاک وزڈم ہائوس کے قیام کی تجویز