فیشن کمیشن کی جانب سے ’سعودی فیبرک آف دی فیوچر‘ لانچ کرنے کا اعلان
اشاعت کی تاریخ: 6th, November 2025 GMT
سعودی فیشن کمیشن نے ’سعودی فیبرک آف دی فیوچر: پائیداری، اختراع اور سرمایہ کاری‘ کے عنوان سے ایک نئے ایونٹ کا اعلان کردیا۔
یہ بھی پڑھیں: سعودی عرب میں یورپی سینما کا میلہ، ثقافتی تبادلے کا نیا باب
سعودی گزٹ کی رپورٹ کے مطابق یہ منصوبہ کولیٹرل گُوڈ، آئی ای یونیورسٹی، محمد بن سلمان نان پرافٹ سٹی (ِمسک سٹی)، مسک انٹرپرینیورز کمیونٹی اور پروالٹس کیپیٹل پارٹنرز کے اشتراک سے کیا جا رہا ہے۔
اس کا افتتاحی پروگرام 25 نومبر 2025 کو ریاض کے مسک سٹی میں منعقد ہوگا۔
مسک سٹی اس ایونٹ کی میزبان اور شراکت دار ہوگی جو تخلیقی صلاحیت، پائیداری اور اختراع کو فروغ دینے کے اپنے مشن کی عکاسی کرے گی۔
یہ فورم علمی تبادلے، شراکت داری اور تخلیقی سوچ کے لیے ایک ایسا پلیٹ فارم فراہم کرے گا جہاں نئے خیالات، کاروباری ذہانت اور عالمی تعاون کو فروغ مل سکے گا۔
مزید پڑھیے: سعودی ولی عہد شہزادہ محمد بن سلمان 18 نومبر کو وائٹ ہاؤس کا سرکاری دورہ کریں گے
ایونٹ میں عالمی اور مقامی فیشن، ٹیکسٹائل اور سرمایہ کاری کے رہنما شریک ہوں گے تاکہ سعودی عرب میں ایک پائیدار فیشن اور ٹیکسٹائل ایکو سسٹم کے قیام کے لیے مستقبل کی سمت متعین کی جا سکے۔
یہ فورم صنعت، تعلیمی اداروں، سرمایہ کاروں، کاروباری شخصیات اور حکومتی نمائندوں کے باہمی تعاون سے سعودی عرب کو عالمی سطح پر فیشن انوویشن اور پائیدار فیشن کے مرکز کے طور پر ابھارنے کی کوشش کرے گا۔
پروگرام میں حکومتی نمائندوں، عالمی صنعت کے ماہرین اور وینچر کیپیٹلسٹز کی کلیدی نشستیںبھی شامل ہوں گی جن میں پائیداری اور اختراع کے موضوعات پر تبادلۂ خیال کیا جائے گا۔
مزید پڑھیں: سعودی عرب کو انٹرنیشنل آرگنائزیشن آف سپریم آڈٹ انسٹی ٹیوشنز کی صدارت مل گئی
اس کے ساتھ ساتھ اعلیٰ سطحی گول میز کانفرنسز، اسٹارٹ اپ پچ مقابلے اور نیٹ ورکنگ سیشنز بھی ہوں گے جہاں مقامی اسٹارٹ اپس اپنے خیالات کو بڑے سرمایہ کاروں اور ریٹیل ماہرین کے سامنے پیش کر سکیں گے۔
منتخب اسٹارٹ اپس کو انعامات، رہنمائی اور انڈسٹری کی معلومات فراہم کی جائیں گی تاکہ وہ اپنی ترقی کو مزید آگے بڑھا سکیں۔
اس مثالی اقدام کے اغراض و مقاصدفیشن کمیشن کے مطابق یہ اقدام سعودی عرب کے فیشن سیکٹر کو پائیداری کی سمت منتقل کرنے کی کوششوں کا حصہ ہے۔
یہ بھی پڑھیے: سعودی خواتین کے تخلیقی جوہر اجاگر کرنے کے لیے فورم آف کریئٹیو ویمن 2025 کا آغاز
کمیشن تخلیقی صلاحیت اور پائیداری کو یکجا کرتے ہوئے مقامی ٹیلنٹ کو بااختیار بنانے، سرمایہ کاری کے فروغ اور عالمی ماحولیاتی و فیشن معیارات سے ہم آہنگی کے لیے اقدامات جاری رکھے ہوئے ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی فیبرک آف دی فیوچر: پائیداری، اختراع اور سرمایہ کاری سعودی فیشن کمیشن.
ذریعہ
ذریعہ: WE News
کلیدی لفظ: سعودی فیشن کمیشن سرمایہ کاری فیشن کمیشن کے لیے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ