اداکاراؤں کی طرح اداکار بھی بوٹوکس کرواتے ہیں، ایاز سموں
اشاعت کی تاریخ: 6th, November 2025 GMT
کراچی (نیوز ڈیسک )معروف ٹی وی میزبان و کامیڈین ایاز سموں نے کہا ہے کہ اداکاراؤں کی طرح مرد اداکار بھی بوٹوکس کرواتے ہیں اور انہیں ایسے پروسیجرز کروانا غلط نہیں لگتا۔
ایاز سموں نے حال ہی میں ’سنو ٹی وی‘ کے پروگرام میں شرکت کی، جہاں انہوں نے مختلف معاملات پر کھل کر گفتگو کی۔
پروگرام کے دران بات کرتے ہوئے انہوں نے کہا کہ کپل شرما بہترین اداکار بھی ہیں لیکن اگر ان کی اداکاری نہیں چلی تو نہیں کوئی بات نہیں، وہ سب سے بہترین ٹی وی میزبان ہیں۔
ان کا کہنا تھا کہ کپل شرما ٹی وی میزبانی سے اتنے پیسے کمالیتے ہیں تو انہیں اداکاری کی ضرورت ہی نہیں پڑتی۔
انہوں نے بتایا کہ انہیں پاکستان کے دیگر ٹی وی میزبانوں کی طرح اپنے ساتھ مزید کامیڈینز رکھنے کا شوق نہیں، انہیں تنہا پروگرام کرنا اچھا لگتا ہے۔
ایاز سموں نے ایک سوال کے جواب میں بتایا کہ وکی پیڈیا سمیت دیگر ویب سائٹس پر ان کی عمر درست لکھی ہوئی ہے، وہ 38 سال کے ہی ہیں۔
ان کا کہنا تھا کہ انہوں نے کبھی اپنی عمر نہیں چھپائی، وہ صحت مند رہنے کے لیے خوش رہنے کی کوشش کرتے ہیں جب کہ وہ سخت ڈائٹ پر بھی یقین نہیں رکھتے۔
ایک اور سوال کے جواب میں انہوں نے کہا کہ آج کل کے زمانے میں خواتین کی طرح مرد بھی بوٹوکس سمیت دیگر پروسیجرز کرواتے ہوں گے۔
انہوں نے کہا کہ بوٹوکس سمیت خوبصورتی کے دیگر پروسیجرز کروانے والے افراد سے دوسروں کو مسئلہ نہیں ہونا چاہیے، وہ اپنے پیسے خرچ کرتے ہیں، چہرہ بھی ان کا اپنا ہوتا ہے اور پروسیجرز کے سائڈ افیکٹس بھی وہ خود برداشت کرتے ہیں۔
ایاز سموں کے مطابق انہیں یقین ہے کہ خواتین کی طرح مرد بھی خوبصورتی بڑھانے کے پروسیجرز کرواتے ہوں گے، اداکاراؤں کی طرح اداکار بھی بوٹوکس کرواتے ہیں۔
انہوں نے کہا کہ مردوں کے لیے بھی اب وہ تمام پروسیجرز آ چکے ہیں جو خواتین اپنی خوبصورتی بڑھوانے کے لیے کرواتی ہیں۔
انہوں نے دعویٰ کیا کہ وہ کسی طرح کا خوبصورتی بڑھانے کا کوئی پروسیجرز نہیں کرواتے۔
.ذریعہ: Daily Mumtaz
کلیدی لفظ: انہوں نے کہا کہ بھی بوٹوکس اداکار بھی ایاز سموں کی طرح
پڑھیں:
ڈراموں میں اداکاراؤں کیساتھ رومانس؛ عائزہ خان نے دانش تیمور کی کلاس لے لی
ڈراما انڈسٹری کی مقبول ترین جوڑی عائزہ خان اور دانش تیمور کے درمیان ہونے والے دلچسپ اور پُرمزاح مکالمے نے مداحوں کے دل جیت لیے۔
عائزہ اور دانش دونوں ہی اپنی سرگرمیاں سوشل میڈیا پر تواتر سے اپ لوڈ کرتے رہتے ہیں جس پر مداح بھی مزے مزے کے کمنٹس کرنے سے باز نہیں آتے۔
ایسی ہی ایک ویڈیو انسٹاگرام پر وائرل ہو رہی ہے جو شگاگو کی ایک تقریب کی ہے اور جس میں یہ خوبصورت جوڑی مداحوں کے سوالات کا جواب دے رہے ہوتے ہیں۔
اس دوران عائزہ خان نے شرارتی لہجے میں دانش تیمور کو مخاطب کرتے ہوئے کہا کہ ڈراموں میں اپنی ہیروئنز کے ساتھ خوب رومانس کرتے ہیں۔
عائزہ نے دانش سے آئی لو یو کہنے کی فرمائش کرتے ہوئے کہا کہ میں آپ کی بیوی ہوں سب کے سامنے مجھ سے پیار کا اظہار کریں جیسے آن اسکرین کرتے ہیں۔
عائزہ خان نے تقریب کے شرکا کو مخاطب کرتے ہوئے کہا کہ آپ سب نے بھی دانش کو ٹی وی پر رومانس کرتے دیکھا ہوگا جس پر سب نے ہاں میں جواب دیا۔
اداکارہ نے اپنے شوہر کو گھورتے ہوئے کہا کہ اب مجھے سب کے سامنے آئی لو یو بولیں جس پر دانش تیمور شرمانے لگے۔
دانش تیمور نے مداحوں سے کہا کہ عائزہ میری بیوی ہیں اور گھر پر ان سے ہر وقت ہی پیار کا اظہار کرتا رہتا ہوں۔
جس پر عائزہ نے برجستہ جواب دیا کہ میں نے آپ کے ساتھ اداکاری بھی کی ہے اس لیے ساتھی اداکار کے طور پر ابھی پیار کا اظہار کریں۔
دانش تیمور نے عائزہ کی بات ٹالنے کی کوشش کی تو اداکارہ نے مداحوں سے مخاطب ہوکر کہا کہ دیکھا آپ سب نے کہ کیسے دانش ہم سب کو گھما رہے ہیں۔
دانش تیمور یہ الزام برداشت نہ کر پائے اور فوراً کہا کہ آپ سب لوگ چاہتے ہیں کہ میں یہاں اپنی بیگم کو ’آئی لو یو‘ کہوں؟
جس پر تقریب کے شرکا نے مثبت میں جواب دیا اور خوشی کا اظہار کیا۔ دانش نے کہا کہ آپ لوگوں کو اتنا خوش اور پُرجوش دیکھ کر لگ رہا ہے آپ لوگ میری دوبارہ شادی کروا رہے ہیں۔
عائزہ خان شاید اسی موقع کی تاک میں تھی فوراً کہا کہ مجھے لگتا ہے کہ لوگوں کے سامنے یا ویسے بھی محبت کا اظہار کرتے رہنا چاہیے اس سے محبت بڑھتی ہے۔
جس پر دانش تیمور نے اختلاف کی جسارت کرتے ہوئے کہا کہ میرے خیال میں محبت ’آئی لو یو‘ کہنے سے نہیں بڑھتی بلکہ دل میں ہو تو خود بخود بڑھتی رہتی ہے۔
سعودی عرب میں کینسر کی روک تھام سے متعلق نئی مہم کا اعلان