امریکا سمیت 14 ملکوں سے مزید 117پاکستانی بے دخل
اشاعت کی تاریخ: 9th, March 2025 GMT
امریکا سمیت 14 ملکوں سے مزید 117پاکستانی بے دخل WhatsAppFacebookTwitter 0 9 March, 2025 سب نیوز
اسلام آباد(آئی پی ایس )امریکا، سنگاپور، ملائشیا سمیت 14 ملکوں سے مزید 117 پاکستانیوں کو بے دخل کردیا گیا۔ تفصیلات کے مطابق گزشتہ 48گھنٹوں کے دوران امریکا، سنگاپور، قطر اور ملائشیا سمیت 14 مختلف ممالک سے مزید 117 پاکستانیوں کو بے دخل کر دیا گیا ۔
امیگریشن ذرائع کے مطابق سعودی عرب سے بلیک لسٹ، امیگریشن مسائل، منشیات، بھیک مانگنے، کفیل کے بغیر کام، پاسپورٹ گمشدگی، کام سے مفرور، معاہدے کی خلاف ورزی، آئی بی ایم ایس میں نام سمیت مختلف الزامات پر 54 کو ڈی پورٹ کیا گیا۔ذرائع کا بتانا ہے کہ امریکا سے ایمرجنسی دستاویزات پر ایک، بنگلہ دیش بلیک لسٹ ایک، سنگاپور امیگریشن سے ایک، بحرین سے ویزا منسوخ کرکے ایک، تھائی لینڈ امیگریشن سے ورک پرمٹ کے بغیر کام پر 2 جبکہ ملائشیا امیگریشن سے 3 پاکستانیوں کو ممنوعہ مسافر قرار دے کر واپس کردیا گیا۔
امیگریشن ذرائع کے مطابق امارات میں جیل سے نکالے، مفرور، چوری، غیر قانونی داخلے اور کام کرنے سمیت مختلف الزامات پر 29 کو ڈی پورٹ کیا گیا جبکہ عراق سے ڈی رپورٹ 1 کو مفرور ہونے پر لاڑکانہ پولیس کے حوالے کر دیا گیا۔ عمان میں آجر کی شکایت اور غیر قانونی کام طور پر کام کرنے پر 4، قطر میں امیگریشن پر انٹری سے انکار، معاہدے کی خلاف ورزی، اور تمباکو فروخت کرنے پر 6جبکہ مراکش میں غیرقانونی قیام پر 4 پاکستانیوں کو واپس بھیجا گیا۔ امیگریشن ذرائع کے مطابق موریطانیہ میں انسانی سمگلنگ کیلئے پہنچے 2 پاکستانیوں کو بھی بے دخل کیا گیا۔
.ذریعہ: Daily Sub News
کلیدی لفظ: پاکستانیوں کو کے مطابق سمیت 14
پڑھیں:
دنیا میں لینڈ لاک ممالک کتنے، ایسے ترقی پذیر ملکوں کے لیے اقوام متحدہ کیا کر رہی ہے؟
اقوام متحدہ اگلے ماہ ترکمانستان کے ساحلی شہر آوازا میں ایک تاریخی کانفرنس کا انعقاد کر رہا ہے جس کا مقصد خشکی میں گھرے 32 ترقی پذیر ممالک (Landlocked Developing Countries – LDC3) کے گہرے مسائل پر توجہ مرکوز کرنا اور ان کے لیے عالمی نظام کو زیادہ مؤثر بنانا ہے۔
یہ ممالک، جو سمندر تک براہ راست رسائی سے محروم ہیں، عالمی تجارت اور ترقی کے اہم مواقع سے محروم رہ جاتے ہیں جس سے ان کے 57 کروڑ باشندوں کی زندگیوں پر منفی اثرات مرتب ہوتے ہیں۔
خشکی میں گھرے ممالک کتنے ہیں؟خشکی میں گھرے (لینڈ لاک) ممالک (یعنی وہ ملک جن کے پاس سمندر نہیں ہوتا) میں سے وہ ممالک جنہیں عالمی ادارے ترقی پذیر ممالک کے طور پر شناخت کرتے ہیں اور جو خاص طور پر اپنی معیشتی اور انفراسٹرکچر کی مشکلات کی وجہ سے اقوام متحدہ کے پروگراموں کا حصہ بنتے ہیں ان کی تعداد 32 ہے۔
ان ممالک میں افغانستان، آرمینیا، آزربائیجان، بولیویا، بوتسوانا، برونڈی، چاد، مرکزی افریقی جمہوریہ، چیک ریپبلک، ایتھوپیا، ہونڈوراس، ہنگری، کازاخستان، کرغزستان، لاوس، لیسوتھو، مالاوی، مالی، مولدووا، نیپال، نائجر، پیراگوئے، روانڈا، سربیا، سلوواکیہ، سوازی لینڈ (اب ایسواتینی)، تاجکستان، جنوبی سوڈان، سوڈان، یوگانڈا، زیمبیا اور زمبابوے شامل ہیں۔
باقی کچھ ممالک ایسے ہیں جو تو خشکی میں گھرے تو ہیں مگر اقوام متحدہ کی ترقی پذیر لینڈ لاک ممالک کی کیٹیگری میں شامل نہیں۔ ان لینڈ لاک ممالک میں زیادہ تر یورپی ممالک شامل ہیں جن کی معیشت نسبتاً زیادہ مستحکم اور ترقی یافتہ ہے۔
ان لینڈ لاک ممالک میں آسٹریا، بیلاروس، لکسمبرگ، مالٹا، مونٹی نیگرو، سویٹزرلینڈ، اور ویتیکن سٹی شامل ہیں۔ یہ ممالک اپنے انفراسٹرکچر، اقتصادی صورتحال، اور عالمی تجارتی روابط کی وجہ سے ترقی پذیر ایل ایل ڈی سی کی کیٹیگری میں نہیں آتے۔ اسی طرح کچھ وسطی ایشیائی ممالک جیسے کہ ترکمانستان اور آذربائیجان کو بھی اکثر لینڈ لاک ممالک کی فہرست میں شامل نہیں کیا جاتا کیونکہ یہ بحر خزر کے ساحل پر واقع ہیں اور ان کی ساحلی رسائی ہے۔
یوں ترقی پذیر اور غیر ترقی پذیر لینڈ لاک ممالک کو ملا کر دنیا میں کل تقریباً 44 ایسے ممالک ہیں جو خشکی میں گھرے ہوئے ہیں اور سمندر تک براہ راست رسائی نہیں رکھتے۔
ترقی پذیر لینڈ لاک ممالکخشکی میں گھرے 32 ممالک کا عالمی تجارت میں حصہ صرف 2.1 فیصد ہے جبکہ سمندری ممالک کا حصہ کہیں زیادہ ہے۔
ان ممالک کے تجارتی اخراجات عالمی اوسط سے تقریباً 74 فیصد زیادہ ہیں جس کی وجہ ان کے محدود تجارتی راستے اور انفراسٹرکچر کی کمی ہے۔
سرحد پار تجارتی نقل و حمل میں خشکی میں گھرے ممالک کو دوگنا وقت لگتا ہے جس سے کاروباری سرگرمیاں متاثر ہوتی ہیں۔
ان مسائل کی وجہ سے یہ ممالک عالمی معیشت کی تبدیلیوں سے پیچھے رہ جاتے ہیں جس سے غربت اور بے روزگاری میں اضافہ ہوتا ہے۔
آوازا کانفرنس کے اہم مقاصدکانفرنس میں عالمی رہنما، ریاستی سربراہان، وزرا، سرمایہ کار، سول سوسائٹی، خواتین اور نوجوان رہنما شامل ہوں گے تاکہ آزادانہ تجارتی نقل و حمل کو فروغ دیا جائے، بہتر تجارتی راہداریوں کا قیام ممکن بنایا جائے، معاشی استحکام اور مالی معاونت میں اضافہ کیا جائے، ڈیجیٹل تقسیم کو ختم کیا جائے، مقامی اور علاقائی انضمام کو تقویت دی جائے۔
آوازا پروگرام آف ایکشن (2024–2034)
یہ پروگرام اقوام متحدہ کی جنرل اسمبلی نے دسمبر 2023 میں منظور کیا اور اس میں 5 ترجیحی شعبے ہیں جن میں خشکی میں گھرے ممالک میں عالمی سرمایہ کاری کو فروغ دے کر بنیادی سہولیات کی بہتری، علاقائی زرعی تحقیقاتی مراکز کا قیام تاکہ خوراک کی پیداوار اور استحکام بڑھانا، ایک اعلیٰ سطحی اقوام متحدہ پینل کی تشکیل جو سرحد پار نقل و حمل کو آسان بناسکے، جدید ٹیکنالوجی کے ذریعے ڈیجیٹل تقسیم کو ختم کرنا اور عالمی تجارتی تنظیم (WTO) میں خشکی میں گھرے ممالک کے لیے مخصوص پروگرام کا آغاز شامل ہیں۔
عالمی تعاون کی اہمیت اور ترکمانستان کا کردارترکمانستان کے لیے اس کانفرنس کی میزبانی ایک سفارتی سنگ میل ہے جس سے وہ ان ممالک کے مسائل کو عالمی فورمز پر اجاگر کرنے کا موقع پا رہا ہے۔
ترکمانستان کی مستقل سفیر آکسولتان آتائیوا نے کہا ہے کہ یہ کانفرنس عالمی یکجہتی کا مظہر ہوگی اور خشکی میں گھرے ممالک کو بین الاقوامی تعاون کے مرکز میں لے آئے گی۔
عالمی تناظر اور توقعاتخشکی میں گھرے ممالک شدید ماحولیاتی تبدیلیوں جیسے خشک سالی، سیلاب اور زمین کے زوال کا شکار ہیں جو ان کی معیشت اور زندگیوں پر منفی اثر ڈال رہے ہیں۔
عالمی بینک اور اقوام متحدہ کی رپورٹس کے مطابق اگر ان ممالک کو مناسب مالی اور تکنیکی مدد فراہم کی جائے تو ان کی معاشی شرح نمو میں سالانہ 2 سے 3 فیصد اضافہ ممکن ہے۔
بہتر تجارتی راستے اور انفراسٹرکچر سے لاکھوں بچوں کو تعلیم اور صحت کی سہولیات تک رسائی مل سکتی ہے جبکہ کسانوں اور چھوٹے تاجروں کے لیے روزگار کے مواقع بڑھیں گے۔
بولیویا کے سفیر اور ایل ایل ڈی سی 3 گروپ کے سربراہ ڈیاگو پاچیکو نے کہا ہے کہ ان ممالک کی ترقی انسانیت کی تقدیر سے جڑی ہے۔ عالمی شراکت داری کے ذریعے ہم ان کی صلاحیتوں کو بروئے کار لا سکتے ہیں جو پوری دنیا کے لیے خوشحالی کا سبب بنے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان اقوام متحدہ آوازا کانفرنس ترقی پذیر لینڈ لاک ممالک ترکمانستان لینڈ لاک ممالک
عمران خان کے بیٹوں کی امریکا کے صدر ڈونلڈ ٹرمپ کے خصوصی ایلچی رچرڈ گرینل سے ملاقات