سابق وفاقی وزیر تعلیم منیر گیلانی سے علامہ عارف واحدی کی ملاقات
اشاعت کی تاریخ: 10th, March 2025 GMT
علامہ عارف واحدی نے سیاسی سرگرمیوں، گلگت بلتستان اسمبلی کے انتخابات کے حوالے سے رابطوں پر مشاورت کی، سید منیر گیلانی نے کہا سیاست میں متحرک کردار کے بغیر قومی مسائل حل نہیں کیے جا سکتے، حکومت کی دہشت گردوں کے سامنے بے بسی قومی سلامتی کیلئے خطرہ ہے، بنیادی شہری حقوق کا تحفظ حکومت اور ریاست کی ذمہ داری، افسوس پارا چنار کو غزہ بنا دیا گیا۔ اسلام ٹائمز۔ سابق وفاقی وزیر تعلیم، اسلامک ڈیموکریٹک فرنٹ کے چیئرمین سید منیر حسین گیلانی سے اسلامی تحریک پاکستان کے مرکزی نائب صدر علامہ عارف حسین واحدی نے لاہور میں ان کی رہائش گاہ پر ملاقات کی۔ ملاقات میں مجموعی ملکی سیاسی صورتحال اور قومی معاملات پر تبادلہ خیال کیا گیا۔ دونوں رہنماوں میں اتفاق رائے پایا گیا کہ اتحاد امت اسلامی ہی عالم اسلام کے مسائل کا حل ہے۔ سیاست میں متحرک کردار کے بغیر قومی مسائل حل نہیں کیے جا سکتے۔ انہوں نے پاراچنار کے راستے کھلوانے میں ناکامی پر افسوس کا اظہار کرتے ہوئے کہا کہ حکومت اور ریاستی اداروں کی دہشتگردوں کے سامنے بے بسی قومی سلامتی کیلئے خطرہ ہے۔ صوبائی حکومت کی ضلع کرم میں کہیں رٹ نظر نہیں آرہی۔
سید منیر گیلانی نے فاٹا اضلاع کو خیبر پختونخواہ صوبے میں شامل کرنے کے پارلیمانی فیصلے کو سراہتے ہوئے کہا کہ بنیادی شہری حقوق کا تحفظ حکومت اور ریاست کی ذمہ داری ہے مگر گزشتہ پانچ ماہ سے پاراچنار کے راستے کھلوائے نہیں جا سکے۔ انہوں نے افسوس کا اظہار کیا کہ اداروں میں موجود چند کالی بھیڑوں نے پارا چنار کو غزہ بنا دیا ہے جبکہ قومی سیاسی جماعتوں کی پاراچنار کے عوام سے لاتعلقی اور بے حسی قابل مذمت بھی ہے۔ ان کا کہنا تھا کہ تعلیمی ادارے ابھی تک نہیں کھلوائے جا سکے، عوام کو رمضان المبارک میں کھانے پینے کے اشیاء پٹرول دستیاب نہیں اور وہ سڑکوں پر احتجاج کر رہے ہیں۔
علامہ عارف واحدی نے اسلامی تحریک پاکستان کی سیاسی سرگرمیوں، گلگت بلتستان اسمبلی کے انتخابات کے حوالے سے مختلف جماعتوں سے رابطوں پر سابق انچارج سیاسی سیل تحریک جعفریہ کو آگاہ کیا اور مشاورت کی۔ سید منیر حسین گیلانی نے اپنی خود نوشت سیاسی بیداری علامہ عارف واحدی کو پیش کی۔ جس پر انہوں نے اس ادبی تاریخی کاوش پر سابق وفاقی وزیر کی خدمات کو سراہا۔ اور زور دیا کہ قومی پلیٹ فارم کی تاریخ پر مزید لکھا جانا چاہیے۔
ذریعہ: Islam Times
کلیدی لفظ: علامہ عارف واحدی
پڑھیں:
شاہ محمود سے سابق پی ٹی آئی رہنماں کی ملاقات، ریلیز عمران تحریک چلانے پر اتفاق،فواد چوہدری کی تصدیق
شاہ محمود سے سابق پی ٹی آئی رہنماں کی ملاقات، ریلیز عمران تحریک چلانے پر اتفاق،فواد چوہدری کی تصدیق WhatsAppFacebookTwitter 0 1 November, 2025 سب نیوز
لاہور(آئی پی ایس )پاکستان تحریک انصاف کے سینئر وائس چیئرمین شاہ محمود قریشی سے ہسپتال میں پارٹی کے سابق رہنماں کی ملاقات کی اندرونی کہانی سامنے آگئی۔پارٹی ذرائع کا کہنا تھا کہ پاکستان تحریک انصاف کی پرانی قیادت ریلیز عمران خان تحریک چلانے کے لیے تیار ہیں، تحریک میں فواد چودھری، عمران اسماعیل ،علی زیدی ، محمود مولوی، سبطین خان اور دیگر رہنما موجود ہوں گے۔
ذرائع نے بتایا کہ سابق قیادت نے بانی پی ٹی آئی کی رہائی کے لیے اہم فیصلے کیے، انہوں نے اسٹیبلشمنٹ سے رابطوں اور مسلم لیگ ن کی اعلی قیادت سے بھی ملاقات کا فیصلہ کیا۔اِسی طرح ملک میں سیاسی درجہ حرارت نیچے لانے کا فیصلہ کیا گیا، عمران خان سے ملاقات بھی کی جائے گی، پی ٹی آئی کی سابق قیادت شاہ محمود قریشی کی رہائی کے لیے بھی سرگرم ہے۔
ذرائع کا کہنا تھا کہ پی ٹی آئی کی سابقہ قیادت نے شاہ محمود قریشی کو بات چیت کے ذریعے معاملات کو حل کرنے اور سیاسی درجہ حرارت نیچے لانے کے لیے قائل کرنے کی کوشش کی، شاہ محمود قریشی کو تمام تر معاملات کو حل اور درست کرنے کے کردار ادا کرنے پر گفتگو ہوئی۔
پارٹی ذرائع نے بتایا کہ سابقہ قیادت کا مقف ہے کہ پی ٹی آئی کی موجودہ قیادت عمران خان کو باہر نہیں نکال سکتی ، ملاقات میں سابق سینیٹر اعجاز چودھری، سابق صوبائی وزیر میاں محمود الرشید اور سابق گورنر پنجاب عمر سرفراز چیمہ سے بھی ملاقات کی، ملاقات کے دوران موجودہ سیاسی صورتحال پر بھی تبادلہ خیال کیا گیا۔
تحریک انصاف کے سابق رہنماں نے حکومتی وزرا سے ملنے کا فیصلہ کیا ہے جب کہ فواد چودھری کی سربراہی میں تین رکنی وفد مولانا فضل الرحمان سے بھی ملاقات کرے گا۔ملاقات میں ملکی سیاسی درجہ حرارت کو کم کرنے پر بات چیت ہوگی، فواد چودھری نے کہا کہ پی ٹی آئی سے شاہ محمود قریشی، اعجاز چودھری اور دیگر رہنماوں سے ملاقاتیں ہوئیں ہیں، پی ٹی آئی کی قیادت نے سیاسی قیدیوں کو باہر لانے کی کوشش کی تائید کی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراستنبول مذاکرات بارے حقائق کو ترجمان افغان طالبان نے توڑ مروڑ کر پیش کیا: پاکستان استنبول مذاکرات بارے حقائق کو ترجمان افغان طالبان نے توڑ مروڑ کر پیش کیا: پاکستان افغان مہاجرین کی وطن واپسی: صرف ایک دن میں 10 ہزار افراد افغانستان روانہ شہباز شریف کی جاتی امرا آمد، سابق وزیراعظم نواز شریف سے ملاقات،سیاسی صورتحال پر مشاورت تیسرا ٹی ٹوئنٹی: پاکستان کا جنوبی افریقا کیخلاف ٹاس جیت کر بولنگ کا فیصلہ اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری اسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیابCopyright © 2025, All Rights Reserved
رابطہ کریں ہماری ٹیم
پاکستان میں آئندہ حج سستا ہونے کا امکان