نیٹ میٹرنگ صارفین کیلئےبُری خبرآگئی
اشاعت کی تاریخ: 10th, March 2025 GMT
اسلام آباد(نیوز ڈیسک) نیٹ میٹرنگ پر جی ایس ٹی عائد نہ ہونے سے بھاری نقصان، وفاقی ٹیکس محتسب نے نیٹ میٹرنگ ٹیکس کے متعلق فیصلہ جاری کر دیا۔
تفصیلات کے مطابق وفاقی ٹیکس محتسب نے ڈسکوز کو نیٹ میٹرنگ صارفین پر 18 فیصد جی ایس ٹی عائد کرنے کا حکم دیدیا۔
فیصلے میں کہا گیا ہے کہ ایف بی آر نے 12 نومبر 2020 کو تقسیم کار کمپنیوں کو واضح ہدایات جاری کیں،کے الیکٹرک کے علاوہ 11 ڈسکوز نے ایف بی آر کی ہدایت پر عمل نہ کیا،بجلی تقسیم کار کمپنیوں کی غفلت، لاپرواہی، انتظام میں تاخیراور نااہلی نقصان کا باعث بنی،مالی سال 2023-24 کے دوران ڈسکوز نیٹ میٹرنگ صارفین کی تعداد 1 لاکھ 41 ہزار تک پہنچ گئی۔
فیصلے میں کہا گیا ہے کہ مالی سال 2023-24 کے دوران کے الیکٹرک نیٹ میٹرنگ صارفین کی تعداد 15ہزار 318 تک پہنچ گئی،مالی سال 2023-24 کے دوران ڈسکوز نے نیٹ میٹرنگ صارفین سے 1 ارب 66 کروڑ یونٹس سے زائد بجلی خریدی،مالی سال 2023-24 کے دوران 9 ارب 37 کروڑ 57 لاکھ سے زائد کا نقصان ہے۔
وفاقی ٹیکس محتسب نے ایف بی آر کو بھاری نقصان پر 60 دنوں میں انکوائری رپورٹ جمع کرانے کی ہدایت کردی۔
مزیدپڑھیں:اداکارہ نرگس کی نازیبا تصاویروائرل کرنے کے کیس میں اہم پیشرفت
ذریعہ: Daily Ausaf
کلیدی لفظ: مالی سال 2023 24 کے دوران نیٹ میٹرنگ صارفین
پڑھیں:
مالی سال کے 4 ماہ میں تجارتی خسارے میں 38 فیصد اضافہ
رواں مالی سال2025-2026ء کے پہلے چار ماہ(جولائی تا اکتوبر) میں تجارتی خسارے میں 38 فیصد اضافہ ریکارڈ کیا گیا ہے۔
وفاقی ادارہ شماریات کی جانب سے جاری کردہ اعداد و شمار کے مطابق جولائی تا اکتوبر تجارتی خسارے کا حجم 12 ارب 58 کروڑ ڈالر سے تجاوز کر گیا ہے۔
رپورٹ میں بتایا گیا ہے کہ گزشتہ مالی سال اسی مدت میں تجارتی خسارہ 9 ارب 11 کروڑ ڈالر تھا، ابتدائی چار ماہ میں ملکی برآمدات میں چارفیصد سے زائد کمی آئی ہے۔
ادارہ شماریات کے مطابق جولائی تا اکتوبر برآمدات کا حجم 10 ارب 44 کروڑ 80 لاکھ ڈالر رہا، اس دوران غیر ملکی درآمدات 15.13 فیصد اضافے سے 23 ارب ڈالر سے تجاوز کر گئیں البتہ ستمبر کے مقابلے میں اکتوبر 2025 میں برآمدات میں 14 فیصد اضافہ ہوا۔
ادارہ شماریات کی رپورٹ کے مطابق اکتوبر میں برآمدات 2.49 ارب ڈالر سے بڑھ کر 2.84 ارب ڈالر تک پہنچ گئی ہیں ماہانہ بنیاد پر تجارتی خسارے میں 4.21 فیصد کمی، حجم 3.20 ارب ڈالر رہاستمبر کے مقابلے اکتوبر میں درآمدات 3.57 فیصد اضافے سے چھ ارب ڈالر سے تجاوز کر گئی ہیں۔
رپورٹ کے مطابق اکتوبر 2024کے مقابلے میں گزشتہ ماہ برآمدات میں 4.46 فیصد کمی واقع ہوئی ہے۔
استنبول مذاکراتی عمل دوبارہ شروع ہونے کے اعلان نے عالمی میڈیا میں دوبارہ توجہ حاصل کرلی