پاکستانی سفارت خانے سے لاکھوں جعلی ویزے جاری، غیر قانونی افغان شہریوں کی یلغار
اشاعت کی تاریخ: 11th, March 2025 GMT
اسلام آباد (زبیر کسوری)پاکستان میں مقیم لاکھوں غیر قانونی افغان شہریوں کی واپسی کے حکومتی فیصلے کے بعد، نیشنل ڈیٹا بیس اینڈ رجسٹریشن اتھارٹی (نادرا) کے ذمہ دار ذرائع نے ایک دھماکہ خیز انکشاف کیا ہے۔ ذرائع کے مطابق، پاکستانی سفارت خانہ افغانستان سے ہر سال تین لاکھ سے زائد میڈیکل ٹورسٹ اور دیگر زمروں کے ویزے جاری کر رہا ہے، جو مبینہ طور پر بڑے پیمانے پر بدعنوانی اور غیر قانونی سرگرمیوں سے بھرے ہوئے ہیں۔ذرائع نے بتایا کہ افغان شہری جعلی میڈیکل دستاویزات کے ساتھ نادرا کے پورٹل پر ویزہ درخواست جمع کرواتے ہیں۔
سفارت خانے کے اہلکار قانونی اداروں سے 30 دن سے زائد انتظار کے بعد ویزے جاری کرتے ہیں، لیکن فوری ویزہ حاصل کرنے کے لیے 200 سے 900 ڈالر رشوت لی جاتی ہے۔ یہ رشوت سفارت خانے کے اندر کام کرنے والے افغانی اور پاکستانی ایجنٹوں کے ذریعے 24 سے 72 گھنٹوں میں وصول کی جاتی ہے۔ویزا پالیسی میں خامیوں کے باعث وزارتِ خارجہ اور قانون نافذ کرنے والے ادارے اس غیر قانونی کاروبار سے سب سے زیادہ مستفید ہو رہے ہیں۔ پاکستان میں میڈیکل ویزوں پر آنے والوں کے لیے صرف 24 پاکستانی اسپتالوں کی میڈیکل سلپ درکار ہوتی ہے، جن کی تصدیق بھی نہیں کی گئی۔
افغان شہری جعلی سلپ لگا کر تین سے چھ ماہ کے ویزے حاصل کرتے ہیں اور پھر پاکستان میں غائب ہو جاتے ہیں۔وزارتِ داخلہ اور نادرا کے ذرائع نے تصدیق کی ہے کہ گزشتہ تین سالوں میں نو لاکھ سے زائد ویزے جاری کیے گئے، لیکن صرف 15 ہزار افراد نے ویزہ توسیع کے لیے رابطہ کیا۔ باقی تمام افراد غیر قانونی طور پر پاکستان میں مقیم ہیں۔وزارتِ داخلہ کے سیکشن افسر آغا حاشر کے جاری کردہ خط میں ایف آئی اے اور دیگر اداروں کو ہوائی اڈوں پر میڈیکل افسروں سے میڈیکل ویزوں کی تصدیق کی ہدایت کی گئی ہے، لیکن گزشتہ تین سالوں میں جاری ہونے والے ویزوں کی کوئی تصدیق نہیں کی گئی۔
نادرا کے ذرائع کے مطابق، غیر قانونی افغان شہریوں کو نکالنا آسان نہیں ہے کیونکہ یہ وزارتِ خارجہ سمیت دیگر اداروں کی آمدنی کا بڑا ذریعہ ہے۔ سافٹ ویئر کی خامیوں اور ڈیٹا شیئرنگ نہ ہونے کی وجہ سے بھی مشکلات ہیں۔ پاکستان آنے والے تمام افغان شہریوں کے ویزے اور دستاویزات مشکوک ہیں۔وزارتِ داخلہ نے ویزہ مدت تین ماہ سے کم کر کے ایک ماہ کر دی ہے، لیکن سفارت خانے اب بھی تین سے چھ ماہ کے ویزے جاری کر رہے ہیں۔ وزارتِ داخلہ کے ایک سینئر افسر کے مطابق، افغان شہریوں کو نکالنے کا سب سے زیادہ دباؤ وزارتِ داخلہ پر ہے۔
وزارتِ خارجہ کے ایک سینئر افسر نے بتایا کہ افغان ڈیسک وزارتِ خارجہ کا سب سے منافع بخش شعبہ ہے۔ یہاں تعینات کلرکوں اور افسران کی پوسٹنگ سفارش پر ہوتی ہے۔ اگر مکمل آڈٹ کیا جائے تو لاکھوں افغان شہریوں کو جعلی دستاویزات پر ویزے جاری کیے گئے ہیں۔ذرائع نے مزید بتایا کہ غیر قانونی افغان شہریوں کو نکالنے کے لیے وزارتِ خارجہ کی طرف سے جاری ہونے والے تمام زمروں کے ویزے فوری طور پر بند کیے جائیں۔
.ذریعہ: Daily Ausaf
کلیدی لفظ: غیر قانونی افغان شہریوں افغان شہریوں کو پاکستان میں سفارت خانے ویزے جاری کے ویزے نے والے کے لیے
پڑھیں:
غیر منقولہ جائیداد کے مالکانہ حقوق کے تحفظ کا آرڈیننس جاری
آرڈیننس کے تحت کوئی بھی کمپنی، سوسائٹی، یا ایسوسی ایشن اپنے ڈائیریکٹر، سیکرٹری یا منیجر کی مدد سے غیر منقولہ جائیداد کی غیر قانونی فروخت میں ملوث ہوتی ہے، مجوزہ عہدیداران اس جرم کے مرتکب تصور کئے جائیں گے۔ آرڈینس کے تحت جرم کی صورت میں غیر منقولہ جائیداد کے مالکان اس شہر کے ڈپٹی کمشنر کے شکایت درج کر سکتے ہیں۔ اسلام ٹائمز۔ پنجاب حکومت نے غیرمنقولہ جائیداد کے مالکانہ حقوق کے تحفظ کا آرڈیننس جاری کر دیا۔ آرڈینس غیرمنقولہ جائیداد کے مالکانہ حقوق کے تحفظ کیلئے جاری کیا گیا۔ پنجاب حکومت کی جانب سے بھیجے گئے۔ آرڈیننس پر گورنر پنجاب نے دستخط کر دیئے۔ آرڈیننس کے تحت جو کوئی بھی خود یا کسی دوسرے کی مدد کسی غیر منقولہ جائیداد پر غیر قانونی طریقے قبضہ کرتا اس کو دس سال کی سزا ہو سکتی ہے، آرڈیننس کے تحت کم از کم سزا پانچ سال اور زیادہ سے زیادہ دس سال ہو سکتی ہے۔
آرڈینس کے تحت غیر قانونی طریقے سے حاصل غیر منقولہ جائیداد کی خرید و فروخت، الاٹمنٹ، اشتہار بازی، یا کسی کو قبضے پر اُکسانے اور اس پر عمارت کھڑی کرنے پر کم از کم سزا ایک سے تین سال اور جرمانہ کم از کم دس لاکھ ہو گا۔
آرڈیننس کے تحت کوئی بھی کمپنی، سوسائٹی، یا ایسوسی ایشن اپنے ڈائیریکٹر، سیکرٹری یا منیجر کی مدد سے غیر منقولہ جائیداد کی غیر قانونی فروخت میں ملوث ہوتی ہے، مجوزہ عہدیداران اس جرم کے مرتکب تصور کئے جائیں گے۔ آرڈینس کے تحت جرم کی صورت میں غیر منقولہ جائیداد کے مالکان اس شہر کے ڈپٹی کمشنر کے شکایت درج کر سکتے ہیں، ہر ضلع میں شکایت ازالہ کمیٹی ہوگی جو شکایات کا فیصلہ کرے گی۔ شکایت ازالہ کمیٹی میں ڈی سی، ڈی پی او اور ایڈیشنل ڈی سی ریونیو اور متعلقہ اے سے اور ڈی ایس پی شامل ہوں گے، آرڈینس کے تحت کمیٹی کو سول کورٹ کے اختیارات حاصل ہوں گے، کمیٹی ایسے کیسز کا فیصلہ نوے دن میں کرے گی، آرڈیننس کے تحت کمیٹی اپنے فیصلے توثیق کیلئے ٹربیونل کو بھیجے گی۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر