ملک میں دہشتگردی سے متعلق عمران خان کی ٹوئٹ پر محسن داوڑ کا جوابی وار
اشاعت کی تاریخ: 12th, March 2025 GMT
سابق رکن قومی اسمبلی محسن داوڑ نے ملک میں دہشتگردی کے حوالے سے عمران خان کے بیان پر ردعمل دیتے ہوئے کہا ہے کہ جب دہشتگردوں نے کابل پر قبضہ کیا تو آپ نے کہا تھا کہ غلامی کی زنجیریں ٹوٹ گئی ہیں۔
سماجی رابطے کی سائٹ ایکس پر عمران خان کا بیان شیئر کرتے ہوئے انہوں نے جواب میں لکھا کہ ہم نے اسی وقت کہہ دیا تھا کہ یہ تباہی ہے اور پھر وہی ہوا۔
گلوبل ٹیررازم انڈیکس میں تنزلی۔ جب دہشتگردوں نے کابل پر قبضہ کیا تو آپ نے فرمایا کہ افغانستان میں عوام نے غلامی کی زنجیریں توڑ دی ہیں، ہم نے اس وقت کہہ دیا تھا کہ یہ تباہی ہےاور پھر وہی ہوا۔
آپ کے دور میں جب ہم جیل میں تھے تو جیل مینول کی اس سے کئ گنا زیادہ خلاف ورزی ہو رہی تھی۔ https://t.
— Mohsin Dawar (@mjdawar) March 12, 2025
یہ بھی پڑھیں جعفر ایکسپریس حملہ: سیکیورٹی فورسز کا آپریشن آخری مراحل میں داخل، یرغمالیوں کی بڑی تعداد بازیاب، تمام دہشتگرد ہلاک
محسن داوڑ نے عمران خان کو مخاطب کرتے ہوئے مزید کہاکہ آپ کے دور میں جب ہم جیل میں تھے تو جیل مینول کی اس سے کئی گنا زیادہ خلاف ورزی ہورہی تھی۔
گزشتہ روز دہشتگردوں کی جانب سے بلوچستان میں جعفر ایکسپریس کو نشانہ بنانے پر بانی پی ٹی آئی عمران خان نے کہا تھا کہ ملک میں اس وقت دہشتگردی اپنے قدم دوبارہ جما چکی ہے، ہمارے دور میں ملک دہشتگردی پر قابو پا کر سیاحت کے فروغ کی جانب گامزن ہو چکا تھا اور گلوبل ٹیررازم انڈکس میں پاکستان کی رینکنگ 4 درجے بہتر ہوئی تھی، لیکن رجیم چینج نے اس سارے عمل کو بھی ریورس گیئر لگا دیا اور اب بدقسمتی سے ہم گلوبل ٹیررازم انڈیکس میں دوبارہ دنیا کا دوسرا بدترین ملک بن گئے ہیں۔
یہ بھی پڑھیں کوئٹہ میں دہشتگردی کے 2 واقعات، ماں بیٹا جاں بحق، پولیس اہلکار سمیت 12 افراد زخمی
واضح رہے کہ دہشتگردوں کے ٹرین پر حملے کے بعد سیکیورٹی فورسز کا آپریشن اب آخری مراحل میں داخل ہوچکا ہے، فورسز نے اب متعدد دہشتگردوں کو ہلاک کردیا ہے تاہم اس دوران معصوم شہریوں کی شہادتیں بھی ہوئی ہیں، جن کی درست تعداد کا ابھی تک تعین نہیں ہوسکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی پاکستان پاکستان تحریک انصاف جعفر ایکسپریس دہشتگرد حملہ دہشتگردی عمران خان محسن داوڑ وی نیوزذریعہ: WE News
کلیدی لفظ: بانی پی ٹی آئی پاکستان پاکستان تحریک انصاف جعفر ایکسپریس دہشتگرد حملہ دہشتگردی وی نیوز تھا کہ
پڑھیں:
سرنگ دھماکا؛ وزیرداخلہ کا بلوچستان میں 4 ایف سی اہلکاروں کی شہادت پر خراج عقیدت
اسلام آباد:وفاقی وزیر داخلہ محسن نقوی نے بلوچستان میں بارودی سرنگ دھماکے میں 4 ایف سی اہل کاروں کی شہادت پر خراج عقیدت پیش کیا ہے۔
اپنے مذمتی بیان میں وفاقی وزیر داخلہ محسن نقوی نے کوئٹہ کے علاقے میں بارودی سرنگ دھماکے میں شہید ہونے والے ایف سی کے چار جوانوں کو خراج عقیدت پیش کرتے ہوئے لواحقین سے دلی ہمدردی و اظہار تعزیت کیا اور زخمی اہل کاروں کی جلد صحتیابی کے لیے دعا کی۔
محسن نقوی نے کہا کہ ایف سی اہلکاروں نے شہادت کا عظیم رتبہ پایا ہے۔ بہادر سپوتوں کی قربانی کو سلام پیش کرتے ہیں۔ انہوں نے کہا کہ بلوچستان میں قیام امن کے لیے ایف سی کے جوانوں کی قربانیاں ہمیشہ یاد رکھی جائیں گی۔
وزیر داخلہ کا کہنا تھا کہ دشمن ایسی بزدلانہ کارروائیاں کرکے ملک میں عدم استحکام پیدا کرنے کی گھناؤنی سازش کر رہا ہے۔ عدم استحکام پیدا کرنے کی کوئی سازش کامیاب نہیں ہونے دیں گے۔
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم