تمنا بھاٹھیہ ’’سری دیوی‘‘ بننا چاہتی ہیں، ’’سپر آئیکونک‘‘ قرار دے دیا
اشاعت کی تاریخ: 17th, March 2025 GMT
بالی ووڈ کی مشہور اداکارہ تمنا بھاٹیہ نے آنجہانی سری دیوی کو ’’سپر آئیکونک‘‘ اداکارہ قرار دیتے ہوئے ان کے کردار کو پردے پر پیش کرنے کی خواہش کا اظہار کیا ہے۔
تمنا بھاٹیہ نے اپنی اس خواہش کا اظہار کیا کہ وہ فلمی پردے پر آنجہانی اداکارہ سری دیوی کا کردار ادا کرنا چاہیں گی، کیونکہ وہ ایک سپر آئیکونک اداکارہ تھیں۔
تمنا بھاٹیہ نے حال ہی میں بلینڈرز پرائیڈ فیشن ٹور میں شرکت کی تھی جہاں ان سے پوچھا گیا کہ اگر انھیں کسی مشہور شخصیت کا کردار ادا کرنے کا موقع ملا تو وہ کس کا انتخاب کریں گی؟ اس سوال پر انھوں نے 2018 میں حادثاتی طور پر ڈوب کر انتقال کرجانے والی اداکارہ سری دیوی کا نام لیا۔
تمنا بھاٹیا نے کہا کہ ’’وہ سری دیوی ہوں گی۔ میرے خیال میں وہ بہت ہی آئیکونک تھیں، اور وہ ایسی شخصیت ہیں جنہیں میں ہمیشہ سے پسند کرتی ہوں۔‘‘
سری دیوی جیسی ورسٹائل اداکارہ نے کامیڈی سے لے کر ڈراما تک مختلف زونز میں وسیع پیمانے پر کردار ادا کرکے دقیانوسی تصورات کو توڑا ہے۔
انڈین سنیما کی پہلی خاتون ’’سپر اسٹار‘‘ کے طور پر پہچانی جانے والی سری دیوی نے تیلگو، تامل، ہندی، ملیالم اور کنڑ زبان کی فلموں میں کام کیا۔ ان کا کیریئر 50 سال سے زیادہ عرصے پر محیط تھا، جس میں انہوں نے کئی یادگار فلموں میں کام کیا، جن میں مسٹر انڈیا، صدمہ، ہمت والا، خدا گواہ، لاڈلا، جدائی اور انگلش ونگلش جیسی فلمیں شامل ہیں۔
سری دیوی کی آخری فلم ’’موم‘‘ تھی، جو ایک کرائم تھرلر تھی اور 2017 میں ریلیز ہوئی تھی۔ اس فلم میں انہوں نے ایک ایسی خاتون کا کردار ادا کیا جو اپنی سوتیلی بیٹی کے ساتھ ہونے والے جنسی حملے کا بدلہ لینے کےلیے اٹھ کھڑی ہوتی ہے۔
یاد رہے کہ اداکارہ تمنا بھاٹیہ کو آخری بار نیرج پانڈے کی تھرلر فلم ’’سکندر کا مقدر‘‘ میں دیکھا گیا تھا، جس میں جمی شیرگل، اویناش تیواری، راجیو مہتا اور دیویا دتہ جیسے اداکاروں نے بھی کام کیا تھا۔
تمنا اس وقت تیلگو سپر نیچرل تھرلر فلم ’’اوڈیلا 2‘‘ میں کام کررہی ہیں، جس کی ہدایت کاری اشوک تیجا نے کی ہے اور اسے سمپتھ نندی نے لکھا ہے۔ اس فلم میں تمنا کے علاوہ ہیبا پٹیل، واسشتھ این سمہا، یووا، ناگا مہیش، ومسے، گگن وہاری، سریندر ریڈی، بھوپال اور پوجا ریڈی شامل ہیں۔
یہ فلم ’’اوڈیلا ریلوے اسٹیشن‘‘ کا سیکوئل ہے، جو تلنگانہ کے اوڈیلا گاؤں میں پیش آنے والے واقعات پر مبنی ہے۔ پہلی فلم میں ہیبا پٹیل، پوجیتا پونادا، واسشتھ این سمہا اور سائی رونک نے کام کیا تھا۔
.ذریعہ: Express News
پڑھیں:
گووندا کا مراٹھی اداکارہ سے مبینہ معاشقہ، اہلیہ سنیتا آہوجا کا ردعمل سامنے آگیا
بالی وُڈ اداکار گووندا اور ان کی اہلیہ سنیتا آہوجا ایک بار پھر خبروں میں ہیں۔ گزشتہ چند ماہ سے دونوں کے درمیان مبینہ اختلافات کی خبریں گردش کر رہی تھیں، جنہیں جوڑے نے کئی بار مسترد کیا، مگر اب سنیتا نے ایک حالیہ انٹرویو میں شوہر کے مبینہ معاشقے پر کھل کر بات کی ہے۔
سنیتا آہوجا نے پارس ایس چھابڑا کے پوڈکاسٹ ابرا کا ڈبرا شو میں گفتگو کرتے ہوئے انکشاف کیا کہ انہوں نے بھی شوہر کے ایک 30 سالہ مراٹھی اداکارہ کے ساتھ تعلقات کے بارے میں سنا ہے۔ تاہم، ان کا کہنا تھا کہ وہ خود کسی بات پر یقین نہیں کرتیں جب تک اپنی آنکھوں سے دیکھ نہ لیں۔
انہوں نے کہا کہ ’میں نے بھی یہ سنا ہے، لیکن جب تک میں اسے اپنی آنکھوں سے نہ دیکھ لوں یا رنگے ہاتھوں پکڑ نہ لوں، میں کسی بات کا اعلان نہیں کر سکتی۔ ہاں، سنا ہے کہ وہ مراٹھی اداکارہ ہے۔‘
یہ بھی پڑھیے اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
سنیتا نے مزید کہا کہ اس عمر میں گووندا کو اس طرح کے معاملات میں نہیں پڑنا چاہیے بلکہ اپنی بیٹی ٹینا اور بیٹے یشوردھن کے مستقبل کے بارے میں سوچنا چاہیے۔
گفتگو کے دوران سنیتا نے خواتین کو مشورہ دیا کہ وہ مالی طور پر خودمختار بنیں۔ انہوں نے بتایا کہ وہ یوٹیوب پر وی لاگنگ کر رہی ہیں اور 4 ماہ میں سلور بٹن حاصل کر چکی ہیں۔
ان کے مطابق ’عورت کو خود اپنے پیروں پر کھڑا ہونا چاہیے۔ اپنا کمانا ایک الگ خوشی دیتا ہے۔ شوہر سے پیسے مانگنے سے بہتر ہے کہ اپنی محنت سے کمائیں۔‘
اسی موقع پر سنیتا نے شوہر سے بڑے گھر کا مطالبہ بھی کیا۔ انہوں نے بتایا کہ وہ فی الحال اپنی بیٹی اور بیٹے کے ساتھ 4 بیڈ روم والے گھر میں رہتی ہیں جبکہ گووندا ان کے ساتھ نہیں رہتے۔
انہوں نے مزاحیہ انداز میں کہا’ یہ گھر ہمارے لیے چھوٹا ہے۔ میں اس پوڈکاسٹ کے ذریعے چیچی (گووندا) سے کہنا چاہتی ہوں کہ میرے لیے 5 بیڈ روم والا بڑا گھر خرید لو، ورنہ دیکھ لینا کیا ہوتا ہے۔‘
یہ بھی پڑھیں: گووندا اور اہلیہ سنیتا میں طلاق، حقائق کیا ہیں؟
دلچسپ بات یہ ہے کہ سنیتا نے اپنے بھتیجے کرشنا ابھیشیک کے ساتھ پرانے اختلافات ختم کرنے کا اعلان بھی کیا۔ انہوں نے کہا ’اب کسی بچے سے کوئی جھگڑا نہیں۔ کرشنا میرا بچہ ہے، میں نے اسے پالا ہے۔ اب وقت لڑنے کا نہیں، خوش رہنے کا ہے۔ میں چاہتی ہوں سب بچے ہنسیں، خوش رہیں۔‘
گووندا اور سنیتا آہوجا کی شادی 1987 میں ہوئی تھی، جو کئی سال تک خفیہ رکھی گئی۔ ان کی بیٹی ٹینا آہوجا 1989 میں پیدا ہوئیں جبکہ ان کے بیٹے کا نام یشوردھن ہے۔ جوڑا گزشتہ کچھ عرصے سے ازدواجی اختلافات کی خبروں کے باعث میڈیا کی توجہ کا مرکز بنا ہوا ہے، تاہم اب سنیتا کے اس انٹرویو نے ان افواہوں کو مزید ہوا دے دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ گووندا انٹرٹینمنٹ سنیا آہوجا
پاکستان میں آئندہ حج سستا ہونے کا امکان