پاکستانی امریکی بزنس مین ضیا چشتی اور برطانوی اخبار کے درمیان تصفیہ، معافی اور قانونی اخراجات کی ادائیگی پر اتفاق
اشاعت کی تاریخ: 18th, March 2025 GMT
لندن:
معروف برطانوی اخبار ٹیلیگراف نے ہتک عزت کا مقدمہ کرنے والے پاکستانی امریکی بزنس مین ضیا چشتی سے عدالت کے باہر ہی تصفیہ کر لیا۔
عدالت کے باہر ہونے والے تصفیے کے مطابق ٹیلگراف نے ضیا چشتی کے خلاف اپنے اخبار میں شائع ہونے والے الزامات پر مبنی مضامین کے حوالے سے معافی نامہ آن لائن شائع کرنے اور ضیا چشتی کو قانونی اخراجات سمیت ہرجانہ ادا کرنے پر اتفاق کیا ہے۔
ضیا چشتی نے نومبر 2021 سے فروری 2023 تک اخبار میں شائع ہونے والے مضامین پر ہتک عزت کا مقدمہ دائر کیا تھا۔
ان مضامین میں جنسی ہراسانی اور حملے کے الزامات عائد کیے گئے تھے، جن کے حوالے سے ضیا چشتی کا کہنا تھا کہ وہ اس نوعیت کی کسی بھی حرکت میں ملوث نہیں تھے۔
رائل کورٹ کے باہر میڈیا سے بات کرتے ہوئے ضیا چشتی نے کہا کہ ان الزامات کا حقیقت سے کوئی تعلق نہیں تھا اور ان کے خلاف الزامات کے بعد وہ اور ان کا خاندان شدید آزمائش سے گزرے ہیں۔
انہوں نے مزید کہا کہ ان کی ساکھ اور کاروباری مفادات کو بھی بڑے نقصان کا سامنا کرنا پڑا۔
ضیا چشتی کے قانونی مشیر ایلن رڈ شووٹز نے اس تصفیہ کو ایک اہم کامیابی قرار دیتے ہوئے کہا کہ اس سے یہ ثابت ہوتا ہے کہ الزامات محض الزامات تھے۔
یاد رہے کہ ضیا چشتی نے پاکستان میں بھی ایک نیریٹیو میگزین کے خلاف ہتک عزت کا مقدمہ جیتا تھا، جس میں شائع ہونے والے الزامات کو جج نے انتہائی ہتک آمیز قرار دیا تھا۔
ضیا چشتی نے مزید کہا کہ انہوں نے امریکا میں ٹاٹیانا اسپوٹس ووڈ اور ان کے وکلا کے خلاف بھی مقدمہ دائر کر رکھا ہے، جنہوں نے ان پر الزامات عائد کیے تھے۔
ان کا کہنا تھا کہ امید ہے کہ نئی منتخب کانگریس انہیں بھی اپنے دفاع کا موقع دے گی، جیسے الزام عائد کرنے والوں کو یہ موقع دیا گیا تھا۔
یہ بھی واضح کیا گیا کہ ضیا چشتی نے اپنی دونوں کمپنیوں، Afiniti اور ریسورس گروپ کے عہدوں سے مستعفی ہو گئے تھے، اور Afiniti دیوالیہ ہونے کے تین برس بعد ریسورس گروپ بھی بڑے نقصانات اور اسٹاک مارکیٹ میں قیمتوں کی گراوٹ کے سبب غیر یقینی حالت میں ہے۔
.ذریعہ: Express News
کلیدی لفظ: ضیا چشتی نے ہونے والے کے خلاف کہا کہ
پڑھیں:
حمائمہ ملک نے مفتی طارق مسعود سے کس بات کی معافی مانگی؟
معروف مذہبی اسکالر و مفتی طارق مسعود کی ایک ویڈیو سوشل میڈیا پر گردش کر رہی ہے جس میں ان کا کہنا تھا کہ پاکستانی اداکارہ حمائمہ ملک نے تسلیم کیا ہے کہ ان کے منہ سے غلط بات نکلی اور انہوں نے اللہ سے رو رو کر توبہ کی ہے۔
مفتی طارق مسعود کا کہنا تھا کہ ایک مشہور فلم ’بول‘ میں اداکارہ حمائمہ ملکن نے ایک ڈائیلاگ بولا کہ ’جب کھلا نہیں سکتے تو پیدا کیوں کرتے ہو؟‘ اُس فلم میں ایک غریب آدمی کو دکھایا گیا جو اپنے بچوں کو کھلا نہیں سکتا، اور اس کی بیٹیاں بغاوت کر رہی ہیں۔ میں نے اُس پر بہت سخت بیانات دیے کیونکہ وہ مکالمے بہت متنازعہ تھے۔
یہ بھی پڑھیں: شیفالی جریوالا کی موت پر معروف مفتی طارق مسعود بھی چیخ اٹھے
انہوں نے بتایا کہ اب میں آپ کو اداکارہ کی اجازت سے بتا رہا ہوں کہ اُس نے مجھے کال کی، اور کہا کہ وہ میری ویڈیو دیکھ کر بہت روئی، اور اُس نے اللہ سے توبہ کی۔ اُس نے ان مکالموں پر اللہ سے معافی مانگی۔ اداکارہ نے یہ بھی بتایا کہ ان کی والدہ نے بھی یہی کہا کہ یہ مکالمے غلط تھے۔
@abdullah_junjua12 Bol film actress Ka dialogue #muftitariqmasood #foryou #foryoupage #video #viral #grow ♬ original sound – Account for sale
مفتی طارق مسعود کے مطابق ان کی والدہ نے بھی مجھ سے بات کی اور کہا کہ یہ اداکارہ کا قصور نہیں، بلکہ فلم بنانے والوں کا قصور ہے، چند این جی او ہیں جو اس قسم کے ایجنڈے کو آگے بڑھا رہی ہیں، انہیں اسپانسر کرتی ہیں تاکہ معاشرے میں یہ پوموٹ ہو۔ ان کا مزید کہنا تھا اداکارہ نے کہا کہ میں نے اپنی غلطی تسلیم کی ہے اور آپ کو بتایا ہے تاکہ میرے دل کا بوجھ ہلکا ہو۔
یہ بھی پڑھیں: جسم پر ٹیٹو گدوانے کا عمل، مفتی طارق مسعود کیا کہتے ہیں؟
واضح رہے کہ مفتی طارق مسعود ایک معروف اسلامی اسکالر ہیں جنہوں نے جامعہ الرشید سے اسلامی تعلیم کی ڈگری حاصل کی ہے۔ انہوں نے کامیابی کے ساتھ اپنی تخصص فی فقہ کی تکمیل کی اور مفتی کا خطاب حاصل کیا۔
مفتی طارق مسعود پاکستان کی مقبول ترین مذہبی شخصیت ہیں جو روایتی اسلامی اقدار کو نقصان پہنچانے والے بہت سے مسائل یا غلط طریقوں کی اسلامی وضاحت فراہم کرتے ہیں۔ مذہبی معاملات پر ان کے واضح جوابات کی وجہ سے ان کے کلپس بھی سوشل میڈیا پر وائرل ہو جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این جی او پاکستانی فلمیں پاکستانی مذہبی اسکالر حمائمہ ملک مفتی طارق مسعود
پی ٹی آئی بھی مخصوص نشستوں کی تقسیم کیخلاف پشاور ہائیکورٹ پہنچ گئی