صدا کا ایک ایسا سفر جو حرمین تک جا پہنچا
اشاعت کی تاریخ: 20th, March 2025 GMT
پاکستان کی سرزمین بے شمار باصلاحیت افراد کی جنم بھومی رہی ہے، لیکن کچھ ہستیاں ایسی ہوتی ہیں جو اپنی خداداد صلاحیتوں اور انتھک محنت کے باعث نہ صرف اپنی پہچان بناتی ہیں بلکہ ملک و ملت کا وقار بھی بلند کرتی ہیں۔ انہی خوش نصیب اور منتخب شخصیات میں ایک نام طاہر عبید چودھری کا ہے۔طاہر عبید چودھری کا تعلق مردم خیز ضلع گجرات سے ہے، جو علم و ادب، فن اور قیادت کے کئی عظیم چراغوں کا مسکن رہا ہے۔ وہ نہ صرف میرے عزیز بلکہ میرے گاں کے قابلِ فخر سپوت بھی ہیں۔ اللہ تعالیٰ نے انہیں بچپن ہی سے ایک شاندار اور حیرت انگیز آواز اور منفرد صدا کاری کی صلاحیتوں سے نواز رکھا تھا، جو وقت کے ساتھ ساتھ مزید نکھرتی چلی گئیں۔ لیکن محض قدرتی صلاحیت ہی سب کچھ نہیں ہوتی، اصل کمال تو وہ محنت شاقہ اور خلوصِ نیت ہے، جس کے ذریعے کوئی فرد عام سے خاص بنتا ہے، اور طاہر عبید چودھری نے اپنی لگن، جستجو اور شب و روز کی ریاضت سے یہ ثابت کر دیا کہ کامیابی کسی کی میراث نہیں بلکہ محنت کی کمائی ہوتی ہے۔طاہر عبید چودھری نے2004 ء ایف ایم ریڈیو سے صدا کاری کے فن میں پہلا قدم رکھا۔ ان کے لیے یہ محض ایک پیشہ ورانہ تجربہ نہیں تھا بلکہ ایک جنون تھا، جو انہیں آگے بڑھنے پر مجبور کرتا رہا۔ 17 ایف ایم ریڈیوز پر بطور اسٹیشن مینیجر ذمہ داریاں سنبھالیں اور مختلف نجی ٹی وی چینلز سے ہوتے ہوئے 5 برس قبل اپنے متقدمین کی پیروی میں پاکستان ٹیلی وژن کو بطور نیوز اینکر جوائن کیا۔ ان کا شعر و ادبی پارے پڑھنے کا انداز ان کے اتالیق ضیا محی الدین کی یاد تازہ کردیتا ہے۔ ہر لفظ کی ادائیگی میں جذبات، ہر جملے میں وقار اور ہر تحریر میں جان ڈالنے کی جو مہارت انہیں حاصل ہے، وہ بہت کم لوگوں کے نصیب میں آتی ہے۔ یہی وجہ ہے کہ انہوں نے صدا کاری کے میدان میں نئے معیارات قائم کیے اور اپنی صلاحیتوں کو دن بہ دن نکھارتے گئے۔
2008 ء میں انٹرنیٹ کی آسان رسائی نہ ہونے کے باوجود ان کی ریڈیو پر پڑھی گئی غزلیات دنیا بھر کے شائقین تک وائرل ہوگئیں۔ ان کی آواز میں جو ٹھہرائو، رچائو اور تاثیر تھی، اس نے انہیں جلد ہی شہرت کی بلندیوں پر پہنچا دیا۔محنت اور خلوص کبھی رائیگاں نہیں جاتے اور جب اللہ کسی کو عزت سے نوازنا چاہے تو وہ کسی بھی در پر دستک دے سکتا ہے۔ یہی ہوا طاہر عبید چودھری کے ساتھ، جب ان کے فن کو عالمی سطح پر وہ پذیرائی ملی جو بہت کم لوگوں کے نصیب میں آتی ہے۔انہیں سعودی حکومت کی جانب سے مسجد الحرام، مسجد نبویؐ اور دیگر بین الاقوامی سیرت میوزیمز میں سیرت الانبیاء اور اسلامی تاریخ کی صداکاری کے لئے منتخب کیا گیا۔ یہ اعزاز نہ صرف ان کی صلاحیتوں کا منہ بولتا ثبوت ہے بلکہ یہ اللہ تعالیٰ کی ایک بڑی نعمت اور سعادت بھی ہے، جو کسی کسی کو ہی عطا ہوتی ہے۔ یہ سلسلہ گزشتہ برس حج میں شروع ہوا وار ان کی پرنور آواز آج لاکھوں زائرین کے کانوں میں رس گھول رہی ہے، انہیں دین کی روشنی سے آشنا اور روحانی کیف و سرور میں مبتلا کر رہی ہے۔ جب کہ امسال مزید چار گھنٹے کا مواد زائرین و حجاج کی معلومات اور راہنمائی کے لئے ان کی آواز میں پیش کیا جارہا ہے۔یہ ایک غیر معمولی بات ہے کہ کوئی صدا کار صرف ایک پروفیشنل وائس اوور آرٹسٹ نہیں بلکہ اسلامی تاریخ و سیرت کے ترجمان کے طور پر بھی پہچانا جائے۔ طاہر عبید چودھری نے اپنے بے مثال تلفظ، شاندار ادائیگی اور پراثر صدا کے ذریعے اسلامی تعلیمات کو خوبصورت اور دل نشین انداز میں لوگوں تک پہنچانے کا کام سنبھالا ہے۔ سوشل میڈیا پر آج جابجا ان کی آواز سننے کو ملتی ہے۔ مختلف تفاسیر قرآن، مجموعاتِ احادیث، تواریخ اور اسلامی مشاہیر کے حالاتِ زندگی پر سوشل میڈیا پہ ان کی ہزاروں منٹ پر مبنی صوتی کتب کا ایک وسیع ذخیرہ موجود ہے۔
حرمین شریفین میں ان کی آواز کا گونجنا ایک ایسا منفرد اعزاز ہے جو بہت کم صداکاروں کے نصیب میں آیا ہے۔ یہ ان کی نیک نیتی، محنت، لگن اور ایمان کی سچائی کا انعام ہے کہ اللہ تعالیٰ نے ان کا انتخاب اس عظیم سعادت کے لیے کیا۔طاہر عبید چودھری کا شمار پاکستان کے نمایاں صحافیوں، ادیبوں، شاعروں اور وائس اوور آرٹسٹس میں ہوتا ہے۔ وہ ایک ایسے سوشل میڈیا تخلیق کار بھی ہیں، جن کا کام لاکھوں لوگ سراہتے ہیں۔ زبان و بیان کے لاکھوں شائقین ان کی اردو تلفظ پر مبنی ویڈیوز سے استفادہ کرتے ہیں ۔یہ محض ایک کامیابی کی داستان نہیں بلکہ ایک خواب کی تعبیر، ایک صدا کی پرواز اور ایک محنتی انسان کے یقین کی جیت ہے۔ یہ وہ لمحہ ہے، جب ایک فرد کی کامیابی پورے پاکستان کے لیے فخر کی علامت بن چکی ہے۔ طاہر عبید چودھری پر اللہ سبحان و تعالیٰ کا خصوصی فضل اور سرکارِ دوعالم حضرت محمد مصطفی ﷺ کا کرم ہے۔ اس کا جتنا بھی شکر ادا کیا جائے کم ہے۔ اللہ رب العزت نے انہیں نسل در نسل قرآن حکیم کے ساتھ وابستگی کا شرف عطا فرمایا ہے۔ طاہر عبید چودھری نے اپنے دادا چودھری عبدالمجید کی زیرِ نگرانی تربیت پائی جو عربی و فارسی کے عالم و معلم ہونے کے ساتھ ساتھ نعت گو شاعر بھی تھے، جن کی عمر کا بڑا حصہ امیر شریعت سید عطا اللہ شاہ بخاری اور آغا شورش کاشمیری جیسی نابغ روزگار ہستیوں کی رفاقت میں گزرا۔ یہی وجہ ہے کہ طاہر عبید کو بچپن ہی سے فارسی ، عربی اور اردو زبان کے ہزاروں اشعار یاد تھے۔ سینے میں قرآن کا نور لئے اس نوجوان نے کیلی گرافی اور شعر گوئی کو بھی اظہار فن کا ذریعہ بنایا ۔
آج کوئی ٹی وی یا ریڈیو چینل لگائیں یا سوشل میڈیا پر ویڈیو دیکھیں ، کسی ادارے یا بنک میں کال کریں تو طاہر عبید چودھری کی آواز کمرشل، اسلام یا اخلاقیات پر مبنی سوشل میڈیا ویڈیو یا آئی وی آر کی صورت سننے کو مل جاتی ہے۔ درجنوں میڈیا ایوارڈز کے باوجود سب سے بڑا اعزاز جو طاہر عبید چودھری کو عطا ہوا وہ یہی ہے کہ ان کی آواز آج حرمین الشرفین کی فضاں میں گونج رہی ہے۔یہ کہانی ہمیں یہ سکھاتی ہے کہ اگر محنت، لگن اور نیک نیتی کے ساتھ اپنے کام کو عبادت سمجھ کر کیا جائے تو وہ ایک دن سعادت میں بدل جاتا ہے۔ اور یہی وہ لمحہ ہوتا ہے، جب ایک آواز محض الفاظ نہیں بلکہ ایک مقدس پیغام بن جاتی ہے۔طاہر عبید چودھری، آپ گجرات کی شان ہیں ، فخر پاکستان ہیں ۔ رب کریم آپ کو مزید ترقی ، رحمتوں اور برکتوں سے سرفراز فرمائے ۔ آمین
ذریعہ: Daily Ausaf
کلیدی لفظ: طاہر عبید چودھری نے سوشل میڈیا ان کی آواز نہیں بلکہ ہیں بلکہ کے ساتھ صدا کا رہی ہے
پڑھیں:
صحافی طاہر نصیرکی ٹارگٹ کلنگ کی کوشش کا کیس ، پولیس سے مقدمہ کا ریکارڈ طلب
صحافی طاہر نصیرکی ٹارگٹ کلنگ کی کوشش کا کیس ، پولیس سے مقدمہ کا ریکارڈ طلب WhatsAppFacebookTwitter 0 3 November, 2025 سب نیوز
راولپنڈی (سٹاف رپورٹر)ایڈیشنل ڈسٹرکٹ اینڈ سیشن جج راولپنڈی خالد وزیر نے ڈان نیوز کے رپورٹر کی ٹارگٹ کلنگ کی کوشش میں گرفتار 3 ملزمان کو جوڈیشل مجسٹریٹ عادل سرور سیال کی جانب سے پہلے جسمانی ریمانڈ کی استدعا مسترد کر کے جوڈیشل ریمانڈ پر جیل بھیجنے کے فیصلہ کو چیلنج کرنے کی درخواست پر پولیس سے مقدمہ کا ریکارڈ طلب کرتے ہوئے سماعت 5 نومبر تک ملتوی کردی ہے عدالت نے ملزمان کی بعد از گرفتاری کی درخواست ضمانتوں پر سماعت بھی پانچ نومبر تک ملتوی کر دی ہے
گزشتہ روز سماعت کے موقع پر متاثرہ صحافی و مقدمہ کے مدعی طاہر نصیر کی جانب سے شاہد محمود مغل ایڈووکیٹ پیش ہوئے جنہوں نے ملزمان کی جوڈیشل ریمانڈ پر بھیجے جانے کے فیصلے کے خلاف موقف اختیار کیا کہ پولیس نے آکاش، احمد اور وشال پر مشتمل تینوں ملزمان کو صحافی طاہر نصیر کے گھر کے قریب سے 29 اکتوبر کو اسلحہ اور گاڑی سمیت اس وقت گرفتار کیا جب وہ مدعی مقدمہ کے بارے قرب و جوار سے پوچھ گچھ کر رہے تھے ابتدائی تفتیش میں ملزمان نے یہ تسلیم کیا کہ قاسم اویس سندھو، سکندر سندھو، اختر سندھو اور محسن شاہ نے تینوں اجرتی قاتلوں کو سینئر صحافی طاہر نصیر کو قتل کرنے کے لئے سپاری دی تھی اور ایڈوانس کے طور پر 99 ہزار روپے انکے اکاونٹ میں ٹرانسفر کئے تھے پولیس نے 30 اکتوبر کو تینوں ملزمان کو جوڈیشل مجسٹریٹ عادل سرور سیال کی عدالت میں پیش کر کے جسمانی ریمانڈ کی استدعا کی جس کے لئے پولیس کا موقف تھا کہ ملزمان کو گاڑی اور اسلحہ سمیت گرفتار کیا گیا ہے جبکہ دیگر ملزمان کی گرفتاری اور قتل کے لئے لی گئی رقم برآمد کرنا ہے لیکن عدالت نے جسمانی ریمانڈ کی استدعا مسترد کرتے ہوئے تینوں ملزمان کو جوڈیشل ریمانڈ پر جیل بھجوا دیا
مدعی کے وکیل نے عدالت سے استدعا کی کہ چونکہ اصل ملزمان کا سراغ لگایا جانا ہے لہذا ماتحت عدالت کو اس اپیل کے فیصلے تک ضمانتوں کی کاروائی سے روکا جائے جس پر عدالت نے مقدمہ کا ریکارڈ طلب کرتے ہوئے سماعت 5 نومبر تک ملتوی کردی تھانہ صادق آباد پولیس نے 29 اکتوبر کو سینئر صحافی و ڈان نیوز کے رپورٹر طاہر نصیر کی مدعیت میں تعزیرات پاکستان کی دفعہ 120 بی اور 506iiکے تحت مقدمہ درج کیا تھا آکاش علی، احمد اور محمد وشال نامی ملزمان کے خلاف درج مقدمہ کے متن کے مطابق مذکورہ ملزمان مشکوک حالت میں مدعی کے خلاف پوچھ گچھ کر رہے تھے جنہیں مشکوک جان کر اہل محلہ نے انہیں روک لیا جنہوں نے ابتدائی تحقیقات میں یہ تسلیم کیا کہ طاہر نصیر کو جان سے مارنے کے لئے قاسم اویس سندھو، سکندر سندھو، اختر سندھو اور محسن شاہ نے ان سے 2 لاکھ میں ڈیل کی جس میں سے 99 ہزار ان کے اکانٹ میں منتقل کئے گئے باقی ایک لاکھ کام مکمل ہونے کے بعد ملنا تھے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبررومانیا کے سفیر کی وفاقی وزیر جنید انور چوہدری اور چیئرمین کراچی پورٹ ٹرسٹ عتیق الرحمن سے ملاقات، دوطرفہ بحری تعاون کو مضبوط بنانے پر اتفاق رومانیا کے سفیر کی وفاقی وزیر جنید انور چوہدری اور چیئرمین کراچی پورٹ ٹرسٹ عتیق الرحمن سے ملاقات، دوطرفہ بحری تعاون کو مضبوط بنانے... قومی اسمبلی کا اجلاس بدھ 5نومبر کو طلب کرنے کا فیصلہ،سمری وزیراعظم کو ارسال ماحولیاتی تبدیلیوں پر کوپ 30کانفرنس ، وزیراعظم نے نمائندگی کیلئے مصدق ملک کو نامز دکر دیا غزہ میں فوج بھیجنے کا فیصلہ حکومت اور پارلیمنٹ کریگی، فوج کو سیاست سے دور رکھا جائے، ڈی جی آئی ایس پی آر جعلی اکاونٹس کیس،عدالتی حکم پر جج احتساب عدالت نے نیب دائرہ اختیار پر فیصلہ نہ سنانے کی وجوہات پر مبنی رپورٹ جمع کروادی ایف بی آر کو مزید ٹیکس لگانے کی ضرورت نہیں ہے: چیئرمین ایف بی آرCopyright © 2025, All Rights Reserved
رابطہ کریں ہماری ٹیم
سلمان خان کے دفاع میں راکھی ساونت نے ہدایتکار کو دھمکی دے دی