عالیہ میری پہلی بیوی نہیں ہے، رنبیر کپور کا تہلکہ خیز انکشاف
اشاعت کی تاریخ: 22nd, March 2025 GMT
بالی ووڈ کے اداکار رنبیر کپور نے ایک انٹرویو میں انکشاف کیا کہ عالیہ بھٹ ان کی پہلی بیوی نہیں ہیں اداکار نے اپنی اس بات کے پیچھے ایک دلچسپ قصہ بھی سُنایا ہے۔
بھارتی میڈیا کو دیے ایک انٹرویو میں رنبیر کپور نے مزاحیہ انداز میں انکشاف کیا کہ ان کی ایک مداح یہ سمجھتی ہے کہ وہ ان سے شادی کر چکی ہے اور ان کی بیوی ہے۔
اداکار نے انکشاف کیا کہ ان کی ایک ’پہلی بیوی‘ ہے جس سے انہیں ابھی تک ملنے کا موقع نہیں مل سکا۔ اپنے کیریئر کے ابتدائی دنوں کے واقعے کو یاد کرتے ہوئے، کپور نے میڈیا کو بتایا کہ ایک خاتون مداح نے ان کے بنگلے کے گیٹ کے سامنے شادی کی تھی جس میں وہ اپنے والدین آنجہانی اداکار رشی کپور اور اداکارہ نیتو کپور کے ساتھ رہتے تھے۔
اپنے سب سے بڑے مداح کے بارے میں پوچھے جانے پر رنبیر نے بتایا کہ ’میرے کرئیر کے ابتدائی سالوں میں ایک لڑکی تھی، جس سے میری کبھی ملاقات نہیں ہوئی لیکن میرے چوکیدار نے مجھے بتایا کہ وہ ایک پنڈت کے ساتھ آئی تھی اور میرے گھر کے دروازے سے شادی کی تھی۔‘
A post common by Pinkvilla (@pinkvilla)
رنبیر نے بتایا کہ اس بنگلے میں وہ اپنے والدین کے ساتھ رہتے تھے تاہم اس وقت وہ شہر سے باہر تھے انہیں بتایا گیا کہ وہ لڑکی سندور لگا کر گلے میں منگل سوتر پہن کر پنڈت کی موجودگی میں ان کے گھر کے باہر شادی کر کے گئی ہے اور گیٹ پر ٹیکا اور کچھ پھول بھی موجود تھے‘۔
رنبیر کپور نے مزاحیہ انداز میں کہا کہ ’وہ میری سب سے بڑی مداح تھی مگر مجھے لگتا ہے یہ کافی پاگل پن تھا، میں اس وقت شہر سے باہر تھا، اس لئے میں نے ابھی تک اپنی پہلی بیوی سے ملاقات نہیں کی۔‘
یاد رہے کہ بالی ووڈ اداکار رنبیر کپور ان دنوں اپنی آنے والی فلم ’لو اینڈ وار‘ کی شوٹنگ میں مصروف ہیں۔ سنجے لیلا بھنسالی کی ہدایت کاری میں بننے والی اس فلم میں عالیہ بھٹ اور وکی کوشل بھی مرکزی کردار ادا کر رہے ہیں۔
TagsShowbiz News Urdu.
ذریعہ
ذریعہ: Al Qamar Online
کلیدی لفظ: رنبیر کپور پہلی بیوی بتایا کہ کپور نے
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار