سینٹرل کا علاقہ شریف آباد ماوا گٹکا کی منڈی میں تبدیل
اشاعت کی تاریخ: 25th, March 2025 GMT
ایس ایچ او شریف آباد مہر یوسف کی سرپرستی ، گٹکا ڈیلر شان عرف نوا کے ماوا گٹکا کی فروخت جاری
پولیس شان عرف نوا وقاص عرف وکی کے خلاف کارروائی کرنے سے قاصر ، علاقہ مکین سراپا احتجاج
ڈسٹرکٹ سینٹرل کا علاقہ شریف آباد غریب آباد ماوا گٹکا کی منڈی میں تبدیل، تفصیلات کے مطابق تھانہ شریف آباد کی حدود میں شان عرف نوا ایک بار پھر سرخیوں میں، شان عرف نوا کا گٹکا ماوا مبینہ پولیس سرپرستی میں شریف آباد غریب آباد اور اس سے ملحقہ علاقوں میں زور و شور سے دستیاب ہے ۔اس حوالے سے علاقہ مکینوں کا کہنا ہے کہ متعدد بار ایس ایچ او شریف آباد مہر یوسف اور دیگر پولیس پارٹی سے ماوا گٹکا کی فروخت بند کرانے کے حوالے سے درخواستیں دی ہیں لیکن پولیس کی جانب سے کوئی کارروائی عمل میں نہیں لائی گئی۔ شریف آباد پولیس عید سے قبل عیدی جمع کرنے میں مصروف ہے۔ ذرائع کے مطابق عید سے قبل علاقے میں ایس ایچ او شریف آباد نے تمام غیر قانونی کاموں کا بھتہ بھی بڑھا دیا ہے جس کے بدلے متعلقہ پولیس تمام غیر قانونی کاموں کو تحفظ فراہم کر رہی ہے۔
دوسری جانب شریف آباد پولیس غیر قانونی تعمیرات پر فی چھت 50ہزار سے 80ہزار روپے تک وصول کرنے لگی ہے، چھت کی بھرائی کے لیے آنے والی گاڑی ایس ایچ او شریف آباد کے حکم پر جوڑ توڑ کر کے چھوڑنے کا سلسلہ بھی جاری ہے۔ بلڈر مافیا کو پریشانی سے بچانے کے لیے رات 12 بجے کے بعد غیر قانونی چھتیں ڈالنے کے حوالے سے ایس ایچ او شریف آباد کو پہلے پلاٹ نمبر واٹس ایپ کیا جاتا ہے۔ بعد ازاں ایس ایچ او کے کارندے ڈیل کر کے رقم ایس ایچ او تک پہنچاتے ہیں ۔اس تمام صورتحال سے علاقہ مکین شدید تشویش میں مبتلا ہیں۔علاقہ مکینوں نے پولیس حکام سے پرزور مطالبہ کیا ہے کہ تھانہ شریف آباد کی حدود سے تمام غیر قانونی کاموں کو ختم کیا جائے اور اس میں شریک تمام اہلکاروں کے خلاف قانونی کارروائی کی جائے۔
ذریعہ
ذریعہ: Juraat
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا