نئی توانائی کی گاڑیوں کا چینی ترقیاتی ماڈل قابل تقلید ہے
اشاعت کی تاریخ: 30th, March 2025 GMT
نئی توانائی کی گاڑیوں کا چینی ترقیاتی ماڈل قابل تقلید ہے WhatsAppFacebookTwitter 0 30 March, 2025 سب نیوز
بیجنگ :عالمی دنیا چائنا ای وی 100 فورم 2025 میں بہت سے مہمانوں نے کہا کہ چین کا نئی توانائی گاڑیوں کا ترقیاتی ماڈل قابل تقلید ہے۔اقوام متحدہ کے متعلقہ انچارج نے میڈیا سے بات کرتے ہوئے کہا کہ گزشتہ چار سالوں میں، نئی توانائی گاڑیوں کی عالمی مارکیٹ میں تقریباً آٹھ گنا اضافہ ہوا ہے، اور 2024 میں، نئی توانائی کی گاڑیوں کی فروخت دنیا کی کل کاروں کا 20 فیصد رہی ، جس میں 60 فیصد سے زیادہ نئی توانائی کی گاڑیوں کی فروخت چین سے ہے.
اس کے علاوہ ، 2025 کے اوائل میں ، امریکہ میں نئی توانائی کی گاڑیوں کی فروخت کا تناسب اب بھی کم ہے۔اقوام متحدہ کے اقتصادی اور سماجی کمیشن برائے ایشیا و بحرالکاہل میں ٹرانسپورٹ کی ڈائریکٹر کیٹرن لوگر نے کہا کہ مجموعی طور پر نقل و حرکت میں الیکٹرک گاڑیوں کے استعمال تک منتقلی کا آغاز ہو چکا ہے، لیکن افسوس کی بات ہے کہ یہ شرح نمو اب بھی ہدف کی طلب کو پورا کرنے کے لئے ناکافی ہے۔ علاقائی اختلافات نمایاں ہیں اور اقوام متحدہ علم اور تجربے کے تبادلے، تکنیکی معاونت اور صلاحیت سازی کے ذریعے دیگر ممالک کی اس سلسلے میں مدد کر رہا ہے.
ان کا کہنا تھا کہ برقی گاڑیو ں کی جانب منتقلی میں چین کا ماڈل دوسرے ممالک کے لئے ایک رول ماڈل بن سکتا ہے ، جس سے نہ صرف ان ممالک کو درپیش چیلنجوں سے بچنے میں مدد مل سکتی ہے ،بلکہ اس شعبے میں چین کی قیادت کو مستحکم کرتے ہوئے ایک مکمل صنعتی ماحولیاتی نظام کی تعمیر کی جا سکتی ہے ۔
ذریعہ: Daily Sub News
کلیدی لفظ: نئی توانائی کی گاڑیوں
پڑھیں:
وزیرآباد کیلئے الیکٹرک بس سروس کا افتتاح، سیلاب کے باوجود ترقیاتی کام نہیں روکے: مریم نواز
وزیرآباد+ گکھڑ منڈی+ گوجرانوالہ (نیوز رپورٹر+ نامہ نگاران+ نمائندہ خصوصی) وزیر اعلیٰ مریم نواز نے وزیرآباد کے لئے الیکٹرک بس پراجیکٹ کا آغاز کر دیا ہے۔ وزیر اعلیٰ گکھڑ منڈی بس سٹاپ سے ای بس پر سوار ہوئیں۔ الیکٹرک بس کے روٹ پر عوام کا بہت بڑا ہجوم اُمڈ آیا۔ الیکٹرک بس کے تمام راستے میں عوام پھولوں کی پتیاں نچھاور کرتے رہے۔ عوام وزیراعلیٰ کی تصاویر لے کر راستے میں کھڑے تھے۔ ٰ مریم نواز نے الیکٹرک بس کا باقاعدہ افتتاح کیا۔ وزیراعلیٰ مریم نواز شریف کو وزیرآباد الیکٹرک بس پراجیکٹ پر بریفنگ دی گئی۔ وزیرآباد میں 15ماحول دوست الیکٹرک بسیں شہر کے مختلف مضافاتی روٹس پر چلائی جائیں گی۔ الیکٹرک بس میں مسافروں کے لئے وائی فائی اور ہر سیٹ پر موبائل چارجنگ پوٹ بھی میسر ہے۔ مریم نواز نے وزیر آباد میں الیکٹرک بس پراجیکٹ کی افتتاحی تقریب سے خطاب میں اہم اعلانات کیے ہیں۔ ٰ مریم نواز نے گوجرانوالا میں امراض دل کے علاج کے لئے سنٹربنانے کا اعلان کیا۔ الیکٹرک بس پر خواتین ، طلبہ، بزرگوں اور سپیشل افراد کے لئے مفت سفر اورگوجرانوالا میں میٹرو بس سروس کی جلدتعمیر شروع کرانے اعلان کیاہے۔ سیلاب متاثرہ کاشتکاروں کے لئے فی ایکڑ 20ہزار روپے، سیلاب میں مکمل گھر گرنے پر 10 لاکھ اور جزوی طور پر گھر گرنے پر5 لاکھ روپے دینے کا اعلان کیا ہے۔ وزیراعلیٰ مریم نواز شریف نے گائیں، بھینسوںکا زر تلافی5 لاکھ اور بھیڑ، بکریوں کا زر تلافی 50 ہزار روپے دینے کا اعلان کیا ہے۔ وزیراعلیٰ م نے تقریب سے خطاب کرتے ہوئے کہا کہ سیلاب متاثرہ ہر فرد کی بحالی تک چین اور آرام سے نہیں بیٹھے گے۔ ترقی کا سفر اب ہرگلی محلے کے کونے کونے تک پہنچے گا۔ سیلاب کے باوجود پنجاب میں ترقیاتی کام نہیں روکے۔ اپنی چھت، اپنا گھر کے تحت 80ہزار گھر بن رہے ہیں اور دسمبر تک ایک لاکھ گھروں کا ہدف حاصل کرلیں گے۔ پنجاب والے بڑے صبر کرنے والے لوگ ہیں۔ پنجاب میں دسمبر تک 1100 اور اگلے سال تک1500 الیکٹرک بسیں پہنچ جائیں گی۔ پنجاب ایسا صوبہ ہے جہاں انسانی جان ہی نہیں، جانوروں کی بھی قدر ہے۔ سیلاب زدہ عوام کا زیادہ تر ذریعہ معاش مویشی ہے، ہم نے مویشی بھی محفوظ مقامات پر پہنچائے۔ سیلاب متاثرین کو سیلاب متاثرین نہیں کہوں گی بلکہ وہ میرے مہمان ہیں۔ پنجاب میں تاریخ کے سب سے بڑے سیلاب کا سامنا کررہے ہیں اور 25لاکھ لوگوں کو محفوظ مقامات منتقل کیا ہے۔ اگر لوگوں کو سیلاب آنے سے پہلے محفوظ مقامات پرمنتقل نہ کیا جاتا تو تباہی کا اندازہ کرنا مشکل تھا۔ تین دریائوں میں جتنا پانی آچکا تھا، وقت پر لوگوں کو نہ نکالتے تو بہت بڑا نقصان ہوسکتا تھا۔ بہاولپور کے نواحی علاقے اْوچ شریف میں سیلاب متاثرین کا حال پوچھنے گئی تھی۔ حکومت کی سیلاب متاثرین کے لئے تیاری مکمل تھی، پوری حکومتی مشینری نے ایک ٹیم بن کر کام کیا ہے۔ پاک آرمی، نیوی، ریسکیو، سول ڈیفنس، پولیس اور انتظامیہ نے مثالی اشتراک کار کے ساتھ کام کیا۔ سیلاب متاثرین کے لئے میری پوری کابینہ میدان میں ہے۔ مریم اورنگزیب، خواجہ سلمان رفیق، خواجہ عمران نذیر، کاظم پیرزادہ اور رانا سکندر حیات مستقل فیلڈ میں ہیں۔ سیلاب متاثرین کی بحالی کے لئے اقدامات کا آغاز کر دیا گیا ہے۔سیلاب متاثرہ خاندانوں کو کھانا، راشن، ادویات، مویشیوں کے لئے چارہ اور سر چھپانے کیلئے ٹینٹ بھی دیئے جارہے ہیں۔ گوجرانوالا میں لاہور سے بہتر اور جدید بس چلائیں گے۔ اب وزیر آباد سے گکھڑ منڈی کا سفر 200روپے کی بجائے صرف 20 روپے میں ہوگا۔ الیکٹرک بس میں وائی فائی، موبائل چارجنگ مفت ہوگی۔ الیکٹرک بس خواتین اور بچیوں کے لئے محفوظ ترین سواری ہے۔ وزیرآباد کو کئی دہائیاں گزرنے کے باوجود پبلک ٹرانسپورٹ نہیں مل سکی۔ مریم نواز نے پاکستان کے عالمی ہیرو ارشد ندیم کو ورلڈ ایتھلیٹکس چیمپئن شپ کے فائنل کے لئے کوالیفائی کرنے پر مبارک باد دی ہے اور نیک خواہشات کا اظہار کیا ہے۔ وزیراعلیٰ نے حریت رہنما پروفیسر عبدالغنی بھٹ کے انتقال پر دلی دکھ اور افسوس کا اظہار کیا ہے۔وزیر اعلیٰ مریم نواز نے ’’ایکس‘‘ پیغام میں کہا کہ پاکستان کے لیے فخر کا لمحہ ہے کہ سعودی عرب نے شاندار انداز میں عزت و احترام کا اظہار کیا۔ پاکستان اور سعودی عرب کے درمیان یہ طاقتور منظر گہرے بھائی چارے، باہمی احترام اور بڑھتی ہوئی سٹرٹیجک شراکت داری کی علامت ہے۔
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی