وفاقی حکومت کے ارکان کے بیانات انتہائی غیرذمہ دارانہ ہوتے ہیں، علی امین گنڈاپور
اشاعت کی تاریخ: 4th, April 2025 GMT
وزیراعلیٰ خیبر پختونخوا علی امین گنڈاپور نے کہا ہے کہ وفاقی حکومت کے بیانات انتہائی غیر ذمے دارانہ ہوتے ہیں۔
اسلام آباد میں پریس کانفرنس کے دوران علی امین گنڈاپور نے کہا کہ ملک میں جاری دہشت گردی کا حل ہمارے پاس ہے، اس جنگ کو جیتنے کےلیے آپ کو پہلے لوگوں کے دل جیتنا پڑیں گے۔
پن بجلی کا منافع ادا کرو، علی امین نے شہباز شریف کو مراسلہ لکھ دیاوزیراعلیٰ خیبرپختونخوا علی امین گنڈاپور نے وزیراعظم شہبازشریف کو مراسلہ لکھ دیا اور مطالبہ کیا کہ وفاق پن بجلی کے خالص منافع کی مد میں خیبر پختونخوا کے بقایاجات ادا کرے۔
انہوں نے کہا کہ ہماری حکومت میں دہشت گردی ختم ہوئی اور پھر ہماری حکومت ہی ختم کردی گئی، جس طرح بانی پی ٹی آئی کی حکومت ہٹائی گئی ہمیں اس پر تحفظات ہیں۔
وزیراعلیٰ خیبر پختونخوا نے مزید کہا کہ پی ٹی آئی کو ختم کرنے کےلیے پورا زور لگایا گیا، کہا گیا جنرل باجوہ نے ہماری حکومت گرائی۔
اُن کا کہنا تھا کہ اس کے بعد ساری توجہ پی ٹی آئی پر کریک ڈاؤن پر رہی، مجھے وفاقی حکومت، وزرا اور وزیراعظم پر بہت افسوس ہے۔
علی امین گنڈاپور نے یہ بھی کہا کہ جب ان علاقوں کا پتہ نہ ہو کہ بارڈر کیسا ہے تو کیسے جنگ لڑی جاسکتی ہے، ہماری ذمے داری ہے کہ ہم نے اپنے شہریوں کو تحفظ دینا ہے۔
وزیراعلیٰ خیبرپختونخوا علی امین گنڈاپور نے صدر مملکت آصف علی زرداری کو خط لکھ دیا۔
انہوں نے کہا کہ جہاں دہشت گردوں کی موجودگی کی اطلاع ہوتی ہے وہاں انٹیلی جنس بیسڈ آپریشن ہوتے رہتے ہیں، ہم اپنے لوگوں کے ساتھ کھڑے ہیں، اپنی کپیسٹی بلڈنگ کر رہے ہیں۔
وزیراعلیٰ خیبر پختونخوا نے کہا کہ ہم نے ورکنگ شروع کی ہوئی ہے، اس کے بڑے اچھے نتائج آرہے ہیں، کرک میں حملہ ہوا تو عوام نکلے کہ اپنی فورسز کے ساتھ کھڑے ہیں۔
ان کا کہنا تھا کہ عوام اپنی فورسز کےساتھ کھڑے بھی ہوں گے اور دہشت گردی کا خاتمہ بھی کریں گے، وفاقی حکومت کے ارکان کے بیانات انتہائی غیر ذمہ دارانہ ہوتے ہیں۔ اپیل کر رہا ہوں کہ جس بات چیت پر آپ نے آمادگی کی ہے اس پر عمل کریں، جب تک افغانستان میں امن نہیں ہوگا تب تک پورے ریجن میں امن نہیں ہوگا۔
انہوں نے کہا کہ آپ یہ نہیں دیکھ رہے کہ ہمارے لوگوں نے ہتھیار کیوں اٹھائے، اس جنگ کو جیتنے کےلیے آپ کو پہلے لوگوں کے دل جیتنے پڑیں گے۔
وزیراعلیٰ خیبر پختونخوا نے کہا کہ وفاقی حکومت نے ہمیں کہا افغانستان سے بات چیت کےلیے ٹی او آرز بنائیں، 2 سے3 مہینے ٹی اوآرز دیے ہوئے ہوگئے ہیں، ہمیں جواب نہیں ملا۔
.ذریعہ: Jang News
کلیدی لفظ: علی امین گنڈاپور نے خیبر پختونخوا وفاقی حکومت نے کہا کہ
پڑھیں:
کرم میں فریقین کے تمام بنکرز گرا دیے گئے، آئی جی خیبر پختونخوا
میڈیا سے گفتگو کرتے ہوئے آئی جی کے پی ذوالفقار حمید نے کہا کہ کرم میں فریقین کے تمام بنکرز گرا دیے گئے ہیں، اگلے مرحلے میں عوام کی جانب سے رضاکارانہ اسلحہ جمع کروایا جائے گا۔ اسلام ٹائمز۔ آئی جی خیبر پختونخوا کا کہنا ہے کہ کرم میں فریقین کے تمام بنکرز گرا دیے گئے ہیں۔ میڈیا سے گفتگو کرتے ہوئے آئی جی کے پی ذوالفقار حمید نے کہا کہ کرم میں فریقین کے تمام بنکرز گرا دیے گئے ہیں، اگلے مرحلے میں عوام کی جانب سے رضاکارانہ اسلحہ جمع کروایا جائے گا۔ انہوں نے کہا کہ اسحلہ جمع نہ کروانے والوں کےخلاف کارروائی ہوگی جب کہ ٹل پارا چنار روڈ کو محفوظ بنانے کیلئے 10 چوکیاں بنائی جائیں گی۔
آرمی ایکٹ میں اگر سویلینز کو لانا ہوتا تو اس میں الگ سے لکھا جاتا: آئینی بنچ