پولیس نے عمران خان کی فیملی کو جیل جانے سے روک دیا، صحافیوں کو دھکے دیے
اشاعت کی تاریخ: 8th, April 2025 GMT
---فائل فوٹوز
پولیس نے بانئ پی ٹی آئی عمران خان کی فیملی کو اڈیالہ جیل جانے سے روک دیا۔
علیمہ خان، عظمیٰ خان اور قاسم خان نیازی کو اڈیالہ جیل جانے سے روک دیا گیا۔
علیمہ خان نے کہا کہ پتہ نہیں یہ گھبرا کیوں رہے ہیں؟ یہاں تو فیملی کے علاوہ اور کوئی بھی نہیں ہے، انہوں نے کہا ہے جیل نہیں جانے دیں گے، بھئی کیوں نہیں جانے دیں گے؟
آج راولپنڈی کی اڈیالہ جیل میں قید بانیٔ تحریکِ انصاف عمران خان سے ان کے وکلاء اور فیملی کی ملاقات کا دن ہے۔
انہوں نے کہا کہ ہم پریشان ہیں، ہمیں 3 ہفتے سے ملاقات کرنے نہیں دی جا رہی، آج بھی پولیس تعینات کر دی گئی ہے تاکہ ہم ملاقات نہ کر سکیں، ایسی صورتِ حال میں ہم پریشان نہیں ہوں گے تو کیا ہوں گے؟ اگر ملاقات نہیں کرنے دیں گے تو ہم یہیں بیٹھیں گے۔
دوسری جانب راولپنڈی میں اڈیالہ جیل کے باہر کوریج کے لیے موجود صحافیوں اور پولیس میں تلخ کلامی ہوئی ہے۔
دوسری جانب جیل کے باہر پولیس نے ’جیو نیوز‘ کے رپورٹر اور دیگر صحافیوں کو دھکے دیے۔
اڈیالہ جیل کے باہر پولیس نے صحافیوں کو گرفتار کرنے کی بھی کوشش کی۔
سادہ کپڑوں میں موجود پولیس اہلکاروں نے صحافیوں کو دھمکیاں دیں اور نامناسب الفاظ کا استعمال کیا۔
.ذریعہ: Jang News
کلیدی لفظ: اڈیالہ جیل صحافیوں کو پولیس نے
پڑھیں:
سب کو عمران خان سے ملاقات کی اجازت دینی چاہیے: شیخ رشید
راولپنڈی (نیوزڈیسک) سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ سب کو بانی پی ٹی آئی عمران خان سے ملاقات کی اجازت دینی چاہیے۔
انسداد دہشت گردی عدالت کے باہر میڈیا سے گفتگو کرتے ہوئے سابق وزیر شیخ رشید کا کہنا تھا کہ جیل میں ملاقات کرنے کی اجازت ہونے سے کیا ہوگا؟ عوام پہلے ہی غربت اور مہنگائی میں پسے ہوئے ہیں لہٰذا بہتری کے حالات پیدا کریں۔
انہوں نے 9 مئی مقدمات سے متعلق کہا کہ میں تو یہاں تھا ہی نہیں بلکہ بیرون ملک تھا اور میرے خلاف کیسز ہیں۔
سابق وفاقی وزیر کا مزید کہنا تھا کہ چالیس چالیس سال کی سزائیں ہوئی ہیں، میرے بھتیجے راشد شفیق کو بھی چالیس سال کی سزا ہوئی، ملک کو بہتری کی طرف لے کر جانا چاہیے۔
محسن نقوی کی سری لنکن کرکٹ ٹیم سے ملاقات کی اندرونی کہانی سامنے آگئی