سلمان اکرم اور بیرسٹر گوہر میں کوئی اختلاف نہیں، نعیم حیدر
اشاعت کی تاریخ: 9th, April 2025 GMT
اسلام آ باد:
تحریک انصاف کے نعیم حیدرپنجوتھا نے کہا ہے کہ سلمان اکرم راجہ اور بیرسٹر گوہر خان کے درمیان کوئی اختلاف نہیں تاہم عمران خان سے ملاقات کی فہرست میں گوہر خان کا نام نہیں تھا۔
انھوں نے ایکسپریس نیوز کے پروگرام ’’کل تک ‘‘میں گفتگو کرتے ہوئے کہاکہ علیمہ خان سمیت تمام بہنوںکی ملاقات کرائی جائے، نوازشریف کی جیل میں شاہی پروٹوکول تھا آج عمران خان کی کتابوں اور ملاقاتوں پر پابندی ہے، عمران خان پر کوئی مقدمہ صحیح نہیں وہ آئین وقانون کی جنگ لڑرہے ہیں۔
پیپلزپارٹی کے مولابخش چانڈیو نے کہاکہ پی ٹی آئی والے انتشارپھیلاتے ہیں، یہ ان کی پہچان بن گئی ہے، غیرسیاسی راستہ اپنانے سے عمران خان کو نقصان ہوگا، آج انھیں تکلیف ہورہی ہے، ذوالفقار بھٹو کی نواسی، بینظیر بھٹو کی بیٹی آصفہ بھٹو کو اپنے والد اصف زرداری سے ملنے نہیں دیا گیا تھا، خان صاحب نے سیاست کا بیڑا غرق کیا، پیپلزپارٹی اور ن لیگ کے ساتھ کیاکرتے رہے ؟، آپ کے ساتھ ابھی تو بہت کچھ ہونا ہے، نوازشریف اور شہباز شریف نے سندھ کو کون سے منصوبے دیے؟، پانی کا معاملہ معمولی نہیں، سندھ میں قیامت برپا ہے۔
مسلم لیگ (ن) کے رانا احسان افضل نے کہا کہ پی ٹی آئی والے عمران خان سے ملاقات کے معاملے پرڈرامہ کرتے ہیں حالانکہ آج چھ لوگوں نے ان سے ملاقات کی، انھیں چودہ سال کی قید ہوئی ،کیا ہرمنگل، جمعرات کو یہی بحث ہوتی رہے گی؟، پی ٹی آئی رہنما آج پولیس وین میں خودبیٹھے، منرل کانفرنس کا ملک کو فائدہ ہوگا، سندھ میں پانی کم ہے تو پنجاب میں بھی کم ہے کیونکہ بارشیں کم ہوئیں، انھیں کوئی مسئلہ ہے تو مشترکہ مفادات کونسل میں پیش کریں۔
.ذریعہ: Express News
پڑھیں:
دہشتگردی پاکستان کیلئے ریڈ لائن ، اسپر کوئی سمجھوتہ نہیں ہو گا، بیرسٹر دانیال
اسلام آباد(نمائندہ اوصاف)وفاقی پارلیمانی سیکرٹری برائے اطلاعات و نشریات بیرسٹر دانیال چوہدری نے کہا ہے کہ وکلا برادری جمہوری اقدار کے فروغ، قانون کی بالادستی اور انصاف کی فراہمی میں ریڑھ کی ہڈی کی حیثیت رکھتی ہے دہشت گردی پاکستان کے لیے ایک ریڈ لائن ہے اور اس پر کوئی سمجھوتہ نہیں کیا جائے گا۔جوڈیشل کمپلیکس راولپنڈی کے باہر میڈیا سے گفتگو کرتے ہوئے بیرسٹر دانیال چوہدری نے کہا کہ پنجاب بار کونسل کے انتخابات انتہائی اہم ہیں جن کے نتائج نہ صرف وکلا برادری بلکہ ملک کے عدالتی و قانونی نظام پر بھی گہرے اثرات مرتب کریں گے۔انہوں نے کہا کہ حالیہ سپریم کورٹ بار ایسوسی ایشن کے انتخابات میں وہی پینل کامیاب ہوا جسے حکومتی حمایت حاصل تھی جو اس امر کا ثبوت ہے کہ وکلا استحکام، انصاف اور قانون کی بالادستی پر یقین رکھتے ہیں۔انہوں نے توقع ظاہر کی کہ پنجاب بار کونسل کے انتخابات میں بھی وہ امیدوار کامیاب ہوں گے جو عدلیہ کی آزادی، قانون کی حکمرانی اور ملک میں امن و امان کے قیام کے لیے سرگرم کردار ادا کر رہے ہیں۔انہوں نے کہا کہ نئی قیادت انصاف کے فروغ، وکلا کے مسائل کے حل اور پاکستان کی ترقی میں فعال کردار ادا کرے گی۔افغانستان کی صورتحال پر بات کرتے ہوئے وفاقی پارلیمانی سیکرٹری نے بتایا کہ حکومت پاکستان نے افغان حکام کے ساتھ تین تفصیلی مذاکرات کیے ہیں جن میں دہشت گردی کے خاتمے اور امن کے فروغ پر تبادلہ خیال ہوا۔
انہوں نے واضح کیا کہ دہشت گردی پاکستان کے لیے ایک ریڈ لائن ہے اور اس پر کوئی سمجھوتہ نہیں کیا جائے گا۔بیرسٹر دانیال چوہدری نے کہا کہ پاکستان کے خلاف بھارتی پراکسی اور دہشت گردی کی کارروائیاں ناقابل قبول ہیں۔ پاکستان اپنی سرزمین پر کسی بھی دہشت گردی کے اقدام کو برداشت نہیں کرے گا اور مؤثر جواب دیا جائے گا۔انہوں نے کہا کہ پاکستان کا استحکام مودی سرکار کے لیے ناقابل برداشت ہے، لیکن پاکستان ترقی کی راہ پر گامزن ہے اور اپنے دشمنوں کے عزائم ناکام بنائے گا۔
بیرسٹر دانیال چوہدری نے کہا کہ پاکستان شروع سے ہی فلسطینی عوام، خصوصاً غزہ کے مظلوم بچوں کے ساتھ کھڑا ہے۔حکومت، افواج اور عوام سب فلسطینی بھائیوں کے حامی ہیں اور ان کی حمایت جاری رکھیں گے۔ راولپنڈی میں ترقیاتی منصوبوں کے حوالے سے بیرسٹر دانیال چوہدری نے بتایا کہ کچہری چوک کا طویل عرصے سے رکا ہوا بڑا منصوبہ دوبارہ شروع کیا جا رہا ہے، جو دو دہائیوں سے التوا کا شکار تھا۔ انہوں نے کہا کہ وکلا کے لیے دو پارکنگ پلازے اور نئے چیمبرز کی تعمیر کے منصوبے بھی شامل ہیں۔انہوں نے بتایا کہ شہری سہولت کے لیے سگنل فری روڈ کی تعمیر پر بھی کام جاری ہے جس سے ٹریفک کے نظام میں بہتری آئے گی۔
انہوں نے کہا کہ جب مسلم لیگ (ن) نے حکومت سنبھالی تو ملک شدید بحران کا شکار تھا مگر وزیر اعظم شہباز شریف کی قیادت میں پاکستان نہ صرف معاشی استحکام حاصل کر رہا ہے بلکہ عالمی سطح پر اپنی ساکھ بھی بحال کر رہا ہے۔ آج پاکستان ترقی، امن اور استحکام کی راہ پر گامزن ہے۔انہوں نے کہا کہ ملک میں جب بھی کارکردگی کا جائزہ لیا جاتا ہے تو پنجاب حکومت ہمیشہ دیگر صوبوں سے آگے نظر آتی ہے۔مسلم لیگ (ن) نے صحت، تعلیم، اسپتالوں کی تعمیر و توسیع اور عوامی فلاحی منصوبوں میں ہمیشہ نمایاں کارکردگی دکھائی ہے۔بیرسٹر دانیال چوہدری کا کہنا تھا کہ مسلم لیگ (ن) عوام کی خدمت کے عزم پر قائم ہے اور وزیر اعظم شہباز شریف کی قیادت میں پاکستان ترقی، انصاف اور قانون کی بالادستی کی نئی مثال قائم کرے گا۔
ڈی جی این سی سی آئی اے وقار الدین سید کو عہدے سے ہٹا دیا گیا