موٹروے ایم 6 کی تاخیر کا معاملہ؛ وزیراعظم نے جلد اجلاس بلانے کا حکم دیدیا
اشاعت کی تاریخ: 9th, April 2025 GMT
سٹی 42 : وزیراعظم شہباز شریف نے کراچی تا سکھر حیدرآباد موٹروے (ایم 6) کی تاخیر کے معاملے کا نوٹس لیتے ہوئے اس حوالے سے جلد اجلاس بلانے کے احکامات جاری کردیے۔
ذرائع کےمطابق وزیراعظم کو گزشتہ روز سینیٹ قائمہ کمیٹی کی کارروائی اور تاجروں کی درخواست موصول ہوئی تھی، وزیراعظم نے منصوبے کے شروع ہونے میں غیر معمولی تاخیر پر برہمی کا اظہار کیا۔ وزیراعظم نے ایم 6 منصوبے پر جلد اجلاس بلانے کے احکامات جاری کر دیے۔
مسلم لیگ ن کے صدر نواز شریف سے سابق وزیر اعلیٰ بلوچستان ڈاکٹر عبدالمالک بلوچ کی ملاقات
ذرائع کا کہنا ہے کہ اجلاس میں منصوبے کی لاگت اور اس کی تعمیر پر سفارشات مرتب کی جائیں گی۔ اس کے علاوہ منصوبے پرائیویٹ پارٹنرشپ کے تحت لگے گا یا دوست ملک اس کی فنڈنگ کرے گا اس حوالے سے تفصیلی مشاورت ہو گی ۔
منصوبے پر کام کا آغاز جلد کرانے کیلئے وزیراعظم متحرک ہیں۔ وزیراعظم شہباز شریف نے وزیراعلیٰ سندھ مراد علی شاہ کو خط بھی لکھا، جس میں انہوں نے یقین دلایا ہے کہ اس کی تعمیر جلد ہوگی۔
2 ماہ کی پابندی! گاڑی مالکان کیلئے اہم خبر
اپنے تحریر کردہ خط میں وزیراعظم شہباز شریف نے کہا ہے کہ میری ذاتی توجہ ہے اور دلچسپی ہے کہ حیدرآباد موٹروے جلد تعمیر ہو، حیدرآباد اور سکھر موٹروے کو جلد پی ایس ڈی پی کا حصہ بنایا جائے گا۔ انہوں نے کہا ہے کہ منصوبے کو پبلک پرائیوٹ موڈ پر بنانا چاہا لیکن کامیاب نہ ہوسکے، سندھ کے تحفظات جائز ہیں، موٹروے کی تعمیر جلد شروع کریں گے۔
یاد رہے کچھ روز قبل میئر مرتضٰی وہاب نے بھی ایک پریس کانفرنس میں وفاق سے قومی شاہراہ کی حالت زار بیان کرتے ہوئے وفاقی حکومت سے موٹروے کی تعمیر کا مطالبہ کیا تھا۔
ویمن ورلڈ کپ کوالیفائرز،پاکستان ویمن کرکٹ ٹیم نے آئرلینڈ کو شکست دے دی
.ذریعہ: City 42
کلیدی لفظ: کی تعمیر
پڑھیں:
شہباز شریف اور ترک صدر کا ٹیلیفونک رابطہ، ایران پر حملہ علاقائی سالمیت کی خلاف ورزی قرار
پاکستان اور ترکیہ نے اسرائیل کی جانب سے ایران پر حملے کے بعد خطے کی بگڑتی ہوئی صورت حال پر گہری تشویش کا اظہار کیا ہے۔
وزیراعظم پاکستان شہباز شریف نے ترکیہ کے صدر رجب طیب اردوان کے ساتھ ٹیلیفونک رابطہ کیا ہے۔ اس موقع پر دونوں رہنماؤں نے خطے کی بگڑتی ہوئی صورتحال پر گہری تشویش کا اظہار کیا۔
یہ بھی پڑھیں ایران کا اسرائیل کے خلاف ’آپریشن وعدہ صادق سوم‘ جاری، میزائل حملوں میں 4 اسرائیلی ہلاک
وزیراعظم شہباز شریف اور صدر اردوان نے اس بات پر اتفاق کیا کہ اسرائیلی فوجی کارروائیوں نے ایران کی خودمختاری اور علاقائی سالمیت کی سنگین خلاف ورزی کی ہے، جو اقوامِ متحدہ کے چارٹر اور بین الاقوامی قوانین کے صریح منافی ہے۔
دونوں رہنماؤں نے کہاکہ یہ جارحیت نہ صرف خطے بلکہ پوری دنیا کے امن و استحکام کے لیے خطرہ بن چکی ہے۔
دونوں رہنماؤں نے فلسطینی عوام پر اسرائیل کے مسلسل مظالم کی بھی شدید مذمت کی اور کہاکہ اسرائیل کو مکمل آزادی کے ساتھ ظلم و بربریت جاری رکھنے دیا جا رہا ہے، جو ناقابلِ قبول ہے۔
وزیراعظم شہباز شریف نے اس موقع پر اس عزم کا اعادہ کیا کہ پاکستان عالمی امن و سلامتی کے فروغ کے لیے بھرپور اور تعمیری کردار ادا کرتا رہے گا، چاہے وہ اقوامِ متحدہ کی سلامتی کونسل ہو یا او آئی سی جیسے اہم فورمز ہوں۔
وزیراعظم نے بتایا کہ موجودہ صورتِ حال کے تناظر میں پاکستان کے نائب وزیراعظم اور وزیر خارجہ محمد اسحاق ڈار آئندہ او آئی سی وزرائے خارجہ اجلاس میں پاکستان کی نمائندگی کریں گے، جو استنبول میں منعقد ہو رہا ہے۔
انہوں نے ترک صدر رجب طیب اردوان کو اسلامک کوآپریشن یوتھ فورم (ICYF) کی جانب سے اعلیٰ اعزاز سے نوازے جانے پر مبارکباد بھی پیش کی۔
یہ بھی پڑھیں وزیراعظم شہباز شریف کا ایرانی صدر کو ٹیلیفون، پاکستان کی طرف سے اظہار یکجہتی
دونوں رہنماؤں نے ایک دوسرے کو موجودہ صورتحال میں اپنی سفارتی کوششوں سے بھی آگاہ کیا اور اس امر پر اتفاق کیا کہ امن کے لیے باہمی روابط اور قریبی رابطہ کاری جاری رکھی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ترکیہ صدر ٹیلیفونک رابطہ رجب طیب اردوان شہباز شریف وزیراعظم پاکستان وی نیوز
عباس آفریدی گیس لیکج دھماکے میں جاں بحق نہیں ہوا، بیٹے کو قتل کیا گیا، سابق سینیٹر شمیم آفریدی