سندھ اور پنجاب میں ٹریفک حادثات نے 13 افراد کی جان لے لی
اشاعت کی تاریخ: 10th, April 2025 GMT
گھوٹکی (نیوز ڈیسک)تیز رفتاری اور غفلت نے کئی افراد کی جان لے لی، سندھ اور پنجاب کے مختلف شہروں میں مختلف ٹریفک حادثات میں 13 افراد جاں بحق اور 25 زخمی ہو گئے۔
سندھ کے شہر گھوٹکی میں سکھر ملتان موٹر وے پر مسافر بس اُلٹ گئی، حادثے میں 3 مسافر جاں بحق اور 15 زخمی ہوگئے جبکہ زخمیوں میں خواتین اور بچے بھی شامل ہیں، لاشوں اور زخمیوں کو تحصیل اسپتال منتقل کردیا گیا۔
خیرپور کے علاقے فیض گنج کے قریب ڈبل کیبن اور وین میں تصادم ہوگیا، حادثے میں 5 افراد جاں بحق اور 6 زخمی ہوگئے۔
زخمیوں کو اسپتال منتقل کر دیا گیا، جہاں ایک شخص کی حالت تشویشناک ہے جبکہ پولیس کے مطابق حادثہ تیز رفتاری کے باعث پیش آیا۔
پنجاب کے شہر گوجرہ بائی پاس روڈ پر آلو سے بھر ٹرک کار سے ٹکرا گیا، حادثے میں 2 افراد جاں بحق ایک زخمی ہوگیا۔
ٹھٹھہ قومی شاہراہ پر تیز رفتار کار نے نوجوان کو کچل کردیا، حادثے کے بعد کار ڈرائیور فرارہوگیا، پولیس نے کار کو تحویل میں لے لیا۔
بدین حیدرآباد شاہراہ پر ماتلی کے قریب دو کاریں ٹکر گئیں، حادثے میں ماں بیٹا جاں بحق اور 2 افراد زخمی شدید زخمی ہو گئے جبکہ لاشوں اور زخمیوں کو اسپتال منتقل کردیا گیا۔
مزیدپڑھیں:آئین پاکستان، عدالتی احکامات اور جیل مینوئل کی دھجیاں اڑ رہی ہیں، عمر ایوب
ذریعہ: Daily Ausaf
کلیدی لفظ: جاں بحق اور
پڑھیں:
کھارادر کی عمارت میں لفٹ گرگئی، 10 افراد زخمی
کھارادر میں رہائشی عمارت کی لفٹ گرنے سے 10 افراد زخمی ہوگئے۔
تفصیلات کے مطابق ایس ایچ او کھارادر پون کمار نے بتایا کہ کھارادر تھانہ کی حدود اچھی قبر بمبئی بازار کے قریب 7 منزلہ رہائشی عمارت سٹی مال کی لفٹ اوپری منزل سے گراونڈ فلور کی طرف آرہی تھی کہ ممکنہ فنی خرابی کے سبب لفٹ کا بیلٹ ٹوٹ گیا اور وہ گر گئی۔
لفٹ گرنے سے اس میں سوار 10 افراد زخمی ہوگئے۔ حادثہ کی اطلاع ملتے ہی پولیس اور ریسیکو ادارے موقع پر پہنچ گئے۔ زخمیوں کو لفٹ سے نکال کر ریسیکو ایمبولینسوں سے سول اسپتال منتقل کیا گیا۔
ایس ایچ او نے بتایا کہ حادثے میں زخمی ہونے والے افراد کو معمولی زخم آئے ہیں۔ سب زخمیوں کی حالت خطرے سے باہر ہے۔ یہ تمام زخمی افراد بلڈنگ کے ہی رہائشی ہیں۔ اس عمارت کے گراونڈ فلور پر دکانیں اور اوپری منزلیں رہائشی یونٹس ہیں۔
ایدھی حکام کے مطابق لفٹ گرنے سے زخمی ہونے والوں کی شناخت 30 سالہ جنید ولد نور محمد۔35 سالہ الطاف ولد عبدالقاد، 30 سالہ محمد سہیل ولد اقبال، 28 سالہ ندیم ولد اجمل، 17 سالہ مبشر ولد اقبال ۔18 سالہ عفان ولد زاہد، 40 سالہ نفیس ولد رفیق، 40 سالہ سراج الدین ولد فضل الدین، 35 سالہ واحد گل ولد گل محمد اور 38 سالہ ریحان ولد اخلاق احمد کے ناموں سے ہوئی۔
فیلڈ مارشل کا دورہ اردن: شاہ عبداللہ سے ملاقات‘دفاعی تعاون اور دوطرفہ تعلقات کو وسعت دینے پر غور