جامشورو حادثہ، جاں بحق افراد کی تعداد 12 ہوگئی، 30 زخمی
اشاعت کی تاریخ: 22nd, April 2025 GMT
فائل فوٹو
جامشورو میں تھانا بولا خان کے قریب بس کو پیش آئے حادثے میں جاں بحق افراد کی تعداد 12 ہوگئی جبکہ 30 افراد زخمی ہوئے ہیں۔
ڈپٹی کمشنر جامشورو کا کہنا ہے کہ بس تیز رفتاری کے باعث کھائی میں گری، بس میں سوار افراد بلوچستان میں گندم کی کٹائی کے بعد واپس آرہے تھے۔
ڈپٹی کمشنر کے مطابق جاں بحق افراد کا تعلق بھِیل برادری سے تھا، زخمیوں کو تعلقہ اسپتال منتقل کیا گیا ہے۔
.ذریعہ: Jang News
پڑھیں:
پنجاب اسمبلی میں (ن )لیگ سب سے بڑی جماعت بن گئی
الیکشن کمیشن کی جانب سے پنجاب اسمبلی میں مخصوص ارکان کی بحالی کے بعد مسلم لیگ ( ن ) سب سے بڑی جماعت بن گئی۔
پنجاب اسمبلی میں ن لیگ کی خواتین کیلئے مخصوص ارکان کی تعداد 36 سے بڑھ کر 57 ہوگئی جبکہ پاکستان پیپلز پارٹی کی مخصوص نشستوں پر خواتین ارکان کی تعداد 3 سے بڑھ کر 4 ہوگئی ۔
مسلم لیگ ( ق ) کی خواتین کیلئے مخصوص ارکان اسمبلی کی تعداد 2 سے بڑھ کر 3 ہو گئی جبکہ استحکام پاکستان پارٹی کیلئے خواتین کی تعداد ایک سے بڑھ کر 2 ہوگئی۔
اقلیتوں کیلئے پنجاب اسمبلی میں ( ن ) لیگ کے ارکان کی تعداد 5 سے بڑھ کر 7 ہوگئی جبکہ پاکستان پیلپز پارٹی کو بھی اقلیتیوں کی ایک نشست مل گئی۔
اسمبلی میں ( ن ) لیگ کے ارکان کی کل تعداد 206 سے بڑھ کر 229 جبکہ پیپلز پارٹی کے ارکان کی تعداد 14 سے بڑھ کر 16 اور مسلم لیگ ( ق ) کے ارکان کی تعداد 10 سے بڑھ کر 11 ہوگئی۔
استحکام پاکستان کے ارکان کی تعداد 6 سے بڑھ کر 7 ہوگئی۔
ایوان میں سنی اتحاد کونسل کے ارکان کی تعداد 76 جبکہ تحریک انصاف کے ارکان کی تعداد 27 ہے جبکہ تحریک لبیک اور وحدت المسلمین کے پاس بھی ایک ایک رکن موجود ہیں۔
371 کے ایوان میں اس وقت ارکان کی تعداد 369 ہے۔
دوسرا ٹیسٹ: سری لنکا نے بنگلا دیش کو اننگز اور 78 رنز سے شکست دے دی