بھارت کی ہر کارروائی میں اسرائیل اور امریکا کا ہاتھ ہے، حافظ نعیم الرحمان
اشاعت کی تاریخ: 25th, April 2025 GMT
کراچی: جماعت اسلامی کے امیر حافظ نعیم الرحمان نے کہا ہے کہ خطے کی صورتحال انتہائی حساس ہو چکی ہے اور بھارت کی ہر کارروائی میں اسرائیل اور امریکا کا ہاتھ ہے، جو مل کر ایک خطرناک کھیل کھیل رہے ہیں۔
حافظ نعیم الرحمان نے کہا کہ انہوں نے اعلان کیا کہ آج بھارت کے خلاف ملک بھر میں ریلیاں نکالی جائیں گی تاکہ بھارت کی جارحیت کے خلاف آواز اٹھائی جاسکے، حافظ نعیم الرحمان نے کہا کہ بھارت کا فالس فلیگ آپریشن کوئی نئی بات نہیں، ہے،بھارت ماضی میں بھی ایسی کارروائیاں کر چکا ہے، بھارت کے مقبوضہ کشمیر میں فالس فلیگ آپریشن کے بعد حالات زیادہ خراب ہوئے۔
یہ بھی پڑھیں: وزیراعظم سے ملاقات میں کیا باتیں ہوئیں؟ حافظ نعیم الرحمان نے تفصیلات بتا دیں
انہوں نے کہا کہ 26 اپریل کو پورے ملک میں ہڑتال کا اعلان کیا ہے، جس میں تمام تاجر تنظیمیں شامل ہوں گی، یہ ہڑتال بھی بھارت اور اسرائیل کے ان ہتھکنڈوں کے خلاف ہے جو وہ مسلسل کررہے ہیں،اس ہڑتال میں پاکستان کے عوام کو حصہ لینا چاہیے اور وہ لے بھی رہے ہیں۔
امیر جماعت اسلامی نے کہا کہ ہڑتال کے حوالے سے تمام تاجز تنظیمیں مارکیٹیں بند کرنے کے لیے تیار ہیں، یہ انوکھی بات ہوگی کہ تمام تاجر اپنا نقصان برداشت کرکے بتائیں کہ وہ غزہ کے بچوں کے ساتھ ہیں اور ہم اسرائیل، بھارت اور امریکا کے خلاف ہیں، اور ہم مظلوموں کے ساتھ ہیں۔
یہ بھی پڑھیں: اسرائیل کی اصولی مخالفت پر قائداعظم کی مہر بھی ثبت ہے، امیر جماعت اسلامی حافظ نعیم الرحمان
انہوں نے کہا کہ امریکا کے نائب صدر کے دورہ بھارت کے موقع پر بھارت نے مقبوضہ کشمیر میں فالس فلیگ آپریشن کا ڈراما رچایا، یہ کوئی نہیں بات نہیں ہے اس سے قبل جب سابق امریکی صدر بل کلنٹن بھارت آئے تھے تو 35 سکھوں کو قتل کردیا گیا تھا اور الزام پاکستان کے سر ڈالا گیا تھا۔
ان کا کہنا تھا کہ اس سے قبل 1995 میں 6 سیاح اغوا ہوئے، جس کا الزام بھی پاکستان پر ڈالا گیا، فاران نامی تنظیم کے بارے میں کہا گیا کہ اس تنظیم نے سیاحوں کا اغوا کیا ہے، اس سے پہلے اس تنظیم کا نام کسی کو پتا نہیں تھا نہ بعد میں پتا تھا، بعد میں پتا چلا کہ اس واقعے میں بھارتی ایجنسیز ملوث تھیں، سیاحوں کو اپنی جان سے ہاتھ دھونا پڑا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل امریکا بھارت جماعت اسلامی حافظ نعیم الرحمان فالس فلیگ آپریشن.ذریعہ: WE News
کلیدی لفظ: اسرائیل امریکا بھارت جماعت اسلامی حافظ نعیم الرحمان فالس فلیگ آپریشن حافظ نعیم الرحمان نے جماعت اسلامی فالس فلیگ نے کہا کہ کے خلاف
پڑھیں:
26ویں آئینی ترمیم قبول کی نہ 27ویں کریں گے: حافظ نعیم
— فائل فوٹوامیر جماعت اسلامی پاکستان حافظ نعیم الرحمٰن کا کہنا ہے کہ پاکستان میں چہرے نہیں نظام تبدیل ہونے کی ضرورت ہے۔
حافظ نعیم الرحمٰن نے کراچی میں ادارہ نور حق میں پریس کانفرنس کرتے ہوئے کہا کہ آئین کے ساتھ چھیڑ چھاڑ ٹھیک نہیں ہے۔
انہوں نے کہا کہ کراچی سرکلر ریلوے نہیں بن رہا، جبکہ ریڈ لائن نے یونیورسٹی روڈ کا برا حال کردیا ہے
ان کا کہنا تھا کہ نہ 26ویں آئینی ترمیم کو قبول کیا اور نہ ہی 27ویں آئینی ترمیم کو قبول کریں گے، ملک کا آئین ایک متفقہ دستاویز ہے۔
اُنہوں نے مزید کہا کہ جن پارٹیوں کو لوگوں نے مسترد کیا تھا انہیں قومی وصوبائی اسمبلیوں کی نشستیں دی گئیں، فارم 47 کا سسٹم لوگوں کو ریلیف نہیں دے پا رہا۔
’دوسرے شہروں میں جو چالان 200 کا ہے وہ کراچی میں 5000 کا ہے‘
حافظ نعیم الرحمٰن نے کہا کہ دوسرے شہروں میں جو چالان 200 کا ہے وہ کراچی میں 5 ہزار روپے کا ہے۔
ان کا کہنا تھا کہ کراچی کے ڈومیسائل پر کتنے لوگ ٹریفک پولیس میں موجود ہیں؟ سندھ سیکریٹریٹ میں کراچی کے کتنے لوگ ہیں؟ یہ کراچی والوں کے ساتھ زیادتی ہے پھر یہ لسانی رنگ دیتے ہیں۔
’پاکستان کو حماس کی فورس کو تسلیم کرنا چاہیے‘اُنہوں نے مسئلہ فلسطین کے بارے میں بات کرتے ہوئے کہا کہ پاکستان کو حماس کی فورس کو تسلیم کرنا چاہیے، پاکستان میں حماس کا دفتر ہونا چاہیے، غزہ کا انتظام فلسطینوں کے سپرد ہونا چاہیے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف