پشاور: شادی کی تقریب میں شرکت کے بعد جانے والی گاڑی پر اندھا دھند فائرنگ، 5 افراد قتل
اشاعت کی تاریخ: 26th, April 2025 GMT
پشاور(نیوز ڈیسک)پشاور میں نامعلوم افراد نے شادی کی تقریب میں شرکت کرکے جانے والے افراد کی گاڑی پر اندھا دھند فائرنگ کردی جس کے نتیجے میں 5 افراد جاں بحق ہوگئے۔
رپورٹ کے مطابق نا معلوم افراد کی جانب سے فائرنگ خیبر پختونخوا کے دارالحکومت میں رینگ روڈ جمیل چوک کے قریب کی گئی۔
پشاور پولیس نے بتایا کہ شادی سے باہر نکلنے کے بعد گاڑی کو نشانہ بنایا گیا، فائرنگ سے جاں بحق افراد کی تعداد 5 ہوگئی۔
مزیدپڑھیں:بھاری رقم غلط سعودی اکاونٹ میں منتقل ،ہزاروں پاکستانیوں کے حج سے محروم ہونے کا خطرہ
ذریعہ: Daily Ausaf
پڑھیں:
بنوں میں دہشت گردوں کا سیکیورٹی فورسز پر کواڈ کاپٹر سے حملہ
بنوں(نیوز ڈیسک) خیبرپختونخوا کے ضلع بنوں میں دہشت گردوں نے سیکیورٹی فورسز پر کواڈ کاپٹر سے حملہ کیا ہے۔
بنوں کے علاقے نالہ ٹوچی پل کے قریب سیکورٹی فورسز پر دہشت گردوں نے کواڈ کاپٹر سے حملہ کیا جبکہ تھانہ ہوید کی حدود میں بارودی مواد سے رابطہ پل کو اڑادیا۔
پولیس کے مطابق جانی خیل بنوں رابطہ پل پر دہشت گردوں نے بارودی مواد نصب کیا تھا،جو زوردار دھماکے سے پھٹ گیا، دھماکے سے رابطہ پل کو شدید نقصان پہنچا۔
پولیس حکام نے جوابی کارروائی میں دو دہشت گردوں کو ہلاک کرنے کا دعوٰی کیا ہے۔
ایف سی کی گاڑی پر فائرنگ
دوسری جانب بنوں میں ایف سی کی گاڑی پر دہشتگردوں کی فائرنگ سے ڈرائیور شہید جبکہ ایف سی اہلکار زخمی ہوگیا، دہشتگردوں کی تلاش اور سرچ آپریشن جاری ہے۔
پولیس اسٹیشن بسیہ خیل پر حملہ ناکام
پولیس اسٹیشن بسیہ خیل پر رات گئے دہشت گردوں کا حملہ ناکام بنادیا گیا، حملہ مختلف سمتوں سے کیا گیا جس میں بھاری ہتھیار استعمال کئے گئے، پولیس کی بھرپور اور مؤثر جوابی کارروائی پر حملہ آور پسپا ہوگئے۔
ڈی پی او بنوں سلیم عباس کلاچی کا کہنا ہے کہ پولیس اوردہشتگردوں کے مابین ایک گھنٹہ تک فائرنگ کا تبادلہ جاری رہا، دہشتگرد رات کی تاریکی میں فرار ہوگئے، پولیس نے تلاش شروع کردی۔ حملہ میں کوئی جانی نقصان نہیں ہوا۔
نجی بینک کے ملازمین گاڑی سمیت اغواء
نامعلوم افراد نے شمالی وزیرستان کے ضلع میرعلی کے علاقے ہرمز سے نجی بینک کے منیجر، سٹاف ممبر اور کوچ کے ڈرائیور کو گاڑی سمیت اغواء کرلیا۔ مغویان ڈیوٹی کے بعد میران شاہ سے بنوں جا رہے تھے۔ واقعے کے بعد میران شاہ کے تمام بینک احتجاجاً بند کردیے گئے۔
Post Views: 17
آزاد کشمیر الیکشن، ن لیگ نے مشاورتی کمیٹی قائم کر دی