گلگت بلتستان کے وکلاء کا ہڑتال جاری رکھنے کا اعلان، حکومتی رویے کی مذمت
اشاعت کی تاریخ: 26th, April 2025 GMT
اجلاس میں متفقہ طور پر قرارداد منظور کی گئی جس میں بھارتی وزیر اعظم نریندر مودی کی جانب سے پاکستان پر بے جا الزامات اور دھمکیوں کی سخت ترین الفاظ میں مذمت کی گئی۔ اسلام ٹائمز۔ گلگت بلتستان بار کونسل کا ایک اہم اجلاس آج وائس چیئرمین سید ریاض احمد کی زیر صدارت بار کونسل آفس گلگت میں منعقد ہوا۔ اجلاس میں جی بی کے تمام ڈسٹرکٹ بارز، ہائی کورٹ بار اور سپریم ایپلٹ کورٹ بارز کے صدور نے شرکت کی۔ اجلاس میں گلگت بلتستان کے وکلاء کی جانب سے گزشتہ کئی مہینوں سے جاری ہڑتال، صوبائی حکومت و مقتدر حلقوں کی وعدہ خلافیوں اور وزیر اعلیٰ گلگت بلتستان کے احکامات پر عملدرآمد نہ ہونے پر تفصیلی غور و خوض کیا گیا۔ اجلاس میں متفقہ طور پر قرارداد منظور کی گئی جس میں بھارتی وزیر اعظم نریندر مودی کی جانب سے پاکستان پر بے جا الزامات اور دھمکیوں کی سخت ترین الفاظ میں مذمت کی گئی۔ وکلاء نے اس عزم کا اظہار کیا کہ اگر بھارت نے پاکستان پر کوئی جارحیت کی تو وہ وطن عزیز کے دفاع میں ہر اول دستہ کا کردار ادا کریں گے۔ قرارداد میں مورخہ 16 نومبر 2024ء کو لائرز کنونشن میں منظور شدہ قرارداد پر حکومت کی جانب سے عدم عملدرآمد پر شدید تشویش ظاہر کی گئی۔ 29 نومبر 2024ء کو جاری کردہ وزیر اعلیٰ گلگت بلتستان کے ڈائریکٹیوز پر عمل نہ ہونے کو حکومتی نااہلی قرار دیتے ہوئے حکومت کے غیر سنجیدہ رویے کی شدید مذمت کی گئی۔
اجلاس میں ہائی کورٹ بار ایسوسی ایشن کی جانب سے 26 اپریل 2025ء کو کیے گئے تمام فیصلوں کی مکمل توثیق کی گئی۔ علاوہ ازیں، گلگت بلتستان بار کونسل نے وکلاء کی جانب سے جاری ہڑتال کی مدت میں 5 مئی 2025ء تک توسیع کرنے کا اعلان کیا ہے۔ بار کونسل نے واضح طور پر مطالبہ کیا ہے کہ سپریم ایپلٹ کورٹ میں ججوں کی تعیناتی سپریم کورٹ آف پاکستان کے فیصلے کے مطابق صرف اور صرف وکلاء برادری سے کی جائے اور یہ عمل ایک ماہ کے اندر مکمل ہو۔ بار کونسل نے خبردار کیا ہے کہ اگر سپریم ایپلٹ کورٹ یا چیف کورٹ میں کسی ریٹائرڈ جج یا بیوروکریٹ کو تعینات کیا گیا تو وکلاء برادری ان عدالتوں اور جج صاحبان کا بائیکاٹ کرے گی۔ مزید یہ کہ وکلاء کی تحریک کے ایجنڈے میں اس مطالبے کو پوائنٹ نمبر 9 کے طور پر شامل کر کے اس کی توثیق کر دی گئی ہے۔ یہ قرارداد اور اعلامیہ رجسٹرار سپریم کورٹ آف پاکستان، رجسٹرار سپریم ایپلٹ کورٹ جی بی، رجسٹرار چیف کورٹ جی بی، جی بی سروس ٹریبونل، انسداد دہشتگردی عدالت، ریونیو کورٹس، بینکنگ کورٹ اور تمام ڈسٹرکٹ و ہائی کورٹ بارز کو ارسال کر دیا گیا ہے۔ گلگت بلتستان بار کونسل نے حکومت کو تنبیہ کی ہے کہ وکلاء برادری اپنے آئینی اور قانونی مطالبات کے حصول تک احتجاج جاری رکھے گی اور کسی قسم کی کوتاہی یا تاخیر برداشت نہیں کی جائے گی۔
ذریعہ
ذریعہ: Islam Times
کلیدی لفظ: گلگت بلتستان کے بار کونسل نے کی جانب سے اجلاس میں کورٹ بار کی گئی
پڑھیں:
نیب مقدمات کی سماعت کا اختیار وفاقی آئینی عدالت کو منتقل، سپریم کورٹ نے محفوظ فیصلہ سنا دیا
سپریم کورٹ نے نیب قانون میں کی گئی ترامیم کے بعد عدالتی دائرہ اختیار سے متعلق اہم مقدمے کا محفوظ شدہ فیصلہ سنا دیتے ہوئے قرار دیا ہے کہ قومی احتساب بیورو (نیب) سے متعلق تمام مقدمات اب وفاقی آئینی عدالت میں سنے جائیں گے۔
جسٹس محمد علی مظہر نے مختصر فیصلہ سناتے ہوئے کہا کہ نیب قانون میں ترامیم کے بعد سپریم کورٹ کو نیب مقدمات کی سماعت کا اختیار حاصل نہیں رہا، اس لیے نیب سے متعلق تمام زیر التوا اور آئندہ مقدمات وفاقی آئینی عدالت کو منتقل کیے جائیں گے۔
یہ بھی پڑھیں:ایرانی ڈیزل اسمگلنگ کیس: وفاقی آئینی عدالت نے اہم سوالات اٹھا دیے
سپریم کورٹ نے اپنے فیصلے میں نیب اور وفاقی حکومت کا مؤقف درست قرار دیتے ہوئے کہا کہ آئین کے آرٹیکل 175، نیب آرڈیننس کے سیکشن 32 اور 32 اے کے تحت نیب مقدمات کی سماعت کے لیے وفاقی آئینی عدالت ہی مجاز فورم ہے۔
سپریم کورٹ نے اس معاملے پر فریقین کے تفصیلی دلائل سننے کے بعد 16 جولائی کو فیصلہ محفوظ کیا تھا، جو جمعہ کو سنایا گیا۔
اس فیصلے کے بعد نیب سے متعلق تمام مقدمات کی سماعت اب وفاقی آئینی عدالت میں ہوگی، جبکہ سپریم کورٹ ان مقدمات کی سماعت نہیں کرے گی۔ یہ فیصلہ نیب مقدمات کے عدالتی دائرہ اختیار سے متعلق ایک اہم آئینی نظیر قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم