بھارت پاکستان سے 7 گنا بڑا ہونے کے باوجود عدم تحفظ کا شکار ہے، احسن اقبال
اشاعت کی تاریخ: 26th, April 2025 GMT
وفاقی وزیر منصوبہ بندی احسن اقبال نے کہا ہے کہ بھارت پاکستان سے 7 گنا بڑا اور صدیوں کی تاریخ کے باوجود عدم تحفظ کا شکار ہے۔ سینیٹر عرفان صدیقی نے کہا کہ پاکستان کا پانی بند کرنے کا ردعمل وہی ہوگا جو کسی اعلان جنگ کا ہونا چاہیے۔
اپنے بیان میں احسن اقبال نے کہا کہ بھارت سے نسبتاً چھوٹا ملک پاکستان جسے قائم ہوئے صرف 77 سال ہوئے ہیں جرات اور ذمہ داری کا مظاہرہ کرتا ہے۔
فیصل واوڈا نے بھارت کو 2019 کا آپریشن سوئفٹ ریٹارٹ یاد دلا دیاآج بھی بھارتی ونگ کمانڈر کی وردی، جہاز کی باقیات اور چائے کا کپ پی اے ایف میوزیم کراچی کی آپریشن سوئفٹ ریٹارٹ گیلری میں محفوظ ہیں۔
احسن اقبال نے کہا کہ سانحہ جعفرآباد ایکسپریس کے بعد پاکستان نے داخلی اقدامات سے درست کرنے کا عزم کیا، حالانکہ جعفر ایکسپریس دہشتگردی میں بیرونی ہاتھوں کے واضح ثبوت بھی موجود تھے۔
وفاقی وزیر نے کہا کہ بھارت نے پہلگام المیہ پر ناکامی چھپانے کےلیے فوری طور پر پاکستان پر الزامات کی بارش کی۔
علاوہ ازیں سینیٹر عرفان صدیقی نے کہا کہ بھارت اب سب سے بڑی جمہوریت نہیں، مسلمانوں اور دیگر اقلیتوں کی سب سے بڑی قتل گاہ ہے، نریندر مودی اسرائیلی پالیسی پر چلتے ہوئے مقبوضہ کشمیر کو غزہ بنانے کی کوشش کر رہا ہے۔
عرفان صدیقی نے کہا کہ پاکستان کا پانی بند کرنے کا ردعمل وہی ہوگا جو کسی اعلان جنگ کا ہونا چاہیے، دریاؤں پر کسی رکاوٹ، کسی ڈیم پر لگنے والی پہلی اینٹ کا جواب پتھر سے دیا جائے گا۔
.ذریعہ: Jang News
کلیدی لفظ: احسن اقبال نے کہا کہ کہ بھارت
پڑھیں:
پاک بھارت کشیدگی‘ گلابی نمک کی تجارت بند ہونے سے بھارتی تاجروں کو شدید نقصان
پہلگام حملے کے بعد بھارت نے پاکستان سے تجارت پر مکمل پابندی لگا دی ہے، جس کے نتیجے میں ہمالیائی گلابی نمک (کھیوڑہ) کی درآمد بھی رک گئی ہے۔ اس فیصلے سے بھارت میں نمک کے کاروبار سے وابستہ تاجروں کو شدید نقصان اٹھانا پڑ رہا ہے۔
’الجزیرہ‘ کے مطابق بھارت کے شہر امرتسر سے تعلق رکھنے والے نمک درآمد کنندہ وپن کمار کے مطابق وہ ہر سہ ماہی میں قریباً 2,500 ٹن نمک فروخت کرتے تھے، مگر تجارت بند ہونے سے کاروبار مکمل طور پر ٹھپ ہو گیا ہے۔ بھارت میں یہ نمک مذہبی رسومات، کھانوں، لیمپوں اور سپا مراکز میں استعمال ہوتا ہے۔
ادھر کولکتہ اور دیگر شہروں میں اس نمک کی قیمت 80 روپے فی کلو تک جا پہنچی ہے، جبکہ پابندی سے پہلے یہ 45 سے 50 روپے میں دستیاب تھا۔
مزید پڑھیں: ہمالیائی گلابی نمک کی برآمدات میں اضافے کے لیے معاہدے پر دستخط
نمک کی کان پاکستان کے صوبہ پنجاب میں واقع ہے اور دنیا کی دوسری بڑی نمک کان ہے۔ بھارتی تاجروں کا کہنا ہے کہ حکومت کو متبادل ذرائع تلاش کرنے چاہییں، جبکہ پاکستانی برآمد کنندگان کا مؤقف ہے کہ بھارتی پابندی سے انہیں عالمی منڈی میں فائدہ ہوگا۔
تجارتی اعداد و شمار کے مطابق 2018 میں بھارت نے پاکستان سے 74,000 ٹن سے زائد گلابی نمک درآمد کیا، جبکہ 2024 میں یہ مقدار صرف 642 ٹن رہ گئی۔ اب مکمل پابندی سے یہ تجارت قریباً ختم ہو چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امرتسر بھارت پاکستان کھیوڑہ کولکتہ ہمالیائی گلابی نمک
مودی سرکار کی بدترین غفلت؛ 36 لاکھ سے زائد بھارتی سیلاب سے متاثر