ڈی جی والڈ سٹی کامران لاشاری نے استعفی کیوں دیا ؟
اشاعت کی تاریخ: 29th, April 2025 GMT
پنجاب حکومت نے لاہور اتھارٹی فار ہیریٹیج ریوائیول کا قیام عمل میں لانے کے بعد مسلم لیگ ن کے سربراہ اور سابق وزیراعظم میاں محمد نواز شریف کو اس کا سرپرست اعلٰیٰ مقرر کیا ہے۔
نواز شریف اس حوالے سے سول سیکرٹریٹ میں ایک اجلاس کی صدارت بھی کر چکے ہیں جس میں اندرون لاہور کی خوبصورتی کو بحال کرنے کے لیے مختلف محکموں سے تجاویز طلب کی گئی تھیں۔
یہ بھی پڑھیے: لاہور کے تاریخی ورثہ کی بحالی میں نوازشریف کی دلچسپی
اس وقت اندرون لاہور میں تاریخی عمارتوں پر کام کرنے کی فزیبلٹی تقریباً مکمل کر لی گئی ہے، ناجائز تجاوزات کی زد آنے والے تاجروں کو 50 دنوں کے نوٹس بھی بجھوائے گئے ہیں کہ وہ یہ جگہ خالی کردیں۔
لاہور اور پنجاب بھر میں تاریخی عمارتوں کی بحالی پر کام کرنے والے ڈی جی وال سٹی کامران لاشاری اس اتھارٹی کے اہم رکن تھے جنہوں نے 24 اپریل کو اچانک یہ کہہ کر استعفی دے دیا کہ وہ ذاتی مصروفیات کی وجہ سے بطور ڈی جی وال سٹی کے عہدے پر مزید کام نہیں کر سکتے۔ یہ استعفی اس وقت سامنے آیا جب نواز شریف جمعرات کو لندن سے لاہور پہنچے تھے۔
ذرائع کے مطابق ابھی تک کامران لاشاری کا استعفی قبول نہیں کیا گیا ہے اور اتھارٹی فار ہیٹرییج ریوائیول کے پیٹران انچیف نواز شریف خود اس معاملے کو دیکھ رہے ہیں۔
کامران لاشاری کے استعفیٰ دینے کی اصل وجہ کیا ہے؟ڈی جی وال سٹی اتھارٹی کامران لاشاری نے اپنا استعفیٰ چیئرپرسن والڈ سٹی وزیراعلیٰ پنجاب مریم نواز کو بھجوایا ہے، استعفیٰ میں کہا گیا ہے کہ میرے لیے عزت کی بات ہے کہ ڈی جی والڈ سٹی کی ذمہ داریاں نبھائیں، میں نے پوری ایمانداری سے کوشش کی کہ ثقافت کو فروغ دیا جائے اور کلچر کے ذریعے دنیا کو پاکستان کا مثبت چہرہ دکھایا جائے۔
یہ بھی پڑھیے: وزیراعلیٰ مریم نوازشریف کا ’میگنیفیسنٹ پنجاب‘ میگا ٹورسٹ منصوبہ کیا ہے؟
ذرائع کے مطابق شاہی قلعہ میں شادیوں کی اجازت دینے کا معاملہ اور پرائیویٹ فنکشنز کروانے کے معاملے پر ان پر شدید دباؤ تھا کہ انہوں نے شاہی قلعہ میں 1950 کے رولز میں ترمیم کے بغیر عوام کو قلعے میں شادی فنکشنز کی اجازت دی ہے۔ اس حوالے سے لاہور ہائی کورٹ میں بھی ان کے خلاف کیس چل رہا ہے جس کی سماعت آج ہونی ہے۔
قریبی ذرائع نے بتایا کہ شاہی قلعہ، شالامار باغ سمیت تاریخی عمارتیں آثار قدیمہ کو واپس دینے پر کامران لاشاری کو اعتراض تھا اور وہ کافی ناراض تھے۔ ذرائع کے مطابق صرف یہ ہی نہیں، پنجاب میں 2 روزہ بسنت کے میلے کو دوبارہ کروانے پر ان کے کے لیے مشکلات کھڑی کی جارہی تھیں جس کی وجہ سے انہوں نے دلبرداشتہ ہو کر اپنے عہدے سے استعفی دے دیا۔
ذرائع نے بتایا یہ سب باتیں اس وقت سامنے آئیں جب نواز شریف علاج کی غرض سے لندن گئے ہوئے تھے تاہم اب وہ واپس آکر اس معاملے کو خود دیکھ رہے ہیں اور کامران لاشاری کا استعفیٰ ابھی تک منظور نہیں کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Archeology heritage and culture kamran lashari walled city lahore] آثار قدیمہ ارکیالوجی ثقافت کامران لاشاری والڈ سٹی لاہور.ذریعہ: WE News
کلیدی لفظ: ارکیالوجی ثقافت کامران لاشاری کامران لاشاری نواز شریف
پڑھیں:
سندھ کے بجٹ کیلئے کیا تجاویز پیش کی گئیں؟
— فائل فوٹوسندھ کا مالی سال 26-2025ء کا بجٹ آج سندھ اسمبلی میں پیش کیا جائے گا۔ سندھ اسمبلی کا اجلاس آج سہ پہر 3 بجے ہوگا، وزیراعلیٰ مراد علی شاہ بجٹ پیش کریں گے۔
ذرائع کے مطابق سندھ کے مجموعی بجٹ کا تخمینہ تقریباً 37 کھرب سے زائد ہونے کا امکان ہے۔
ذرائع نے بتایا کہ صوبے کے ترقیاتی بجٹ کا کل تخمینہ 1018 ارب روپے لگایا گیا ہے، وفاقی حکومت سے 76 ارب روپے کی ترقیاتی گرانٹس ملنے کا تخمینہ ہے، غیر ملکی منصوبہ جاتی امداد کے تحت 366 ارب روپے ملنے کا امکان ظاہر کیا گیا ہے۔
ذرائع کے مطابق وفاقی گرانٹس اور غیر ملکی امداد سمیت کل ترقیاتی بجٹ 1018 ارب روپے تک پہنچنے کی توقع ہے۔
ذرائع نے بتایا کہ صوبائی ترقیاتی پروگرام کےلیے 520 ارب روپے اور ضلعی ترقیاتی پروگرام کےلیے 55 ارب روپے مختص کرنے کی تجویز دی گئی ہے۔
سندھ اور خیبر پختونخوا کا بجٹ آج پیش کیا جائے گا، دونوں صوبوں میں وفاق کی طرز پر تنخواہوں اور پنشن میں اضافے کا امکان ہے۔
ذرائع کے مطابق نئے مالی سال کے بجٹ میں 3856 ترقیاتی اسکیمیں بھی شامل ہیں جن میں 566 نئی اسکیموں کی تجویز دی گئی ہے۔
ذرائع نے بتایا کہ پہلی بار اسکولوں کے ہیڈ ماسٹرز کو مالیاتی اختیارات دیے جائیں گے۔ 34 ہزار اسکولوں کے ہیڈ ماسٹرز کو براہ راست فنڈز جاری کرنے کی تجویز دی گئی ہے اور ان 34 ہزار اسکولوں کےلیے 18 ارب روپے مختص کرنے کی تجویز ہے۔ ہر اسکول کےلیے 3 سے 10 لاکھ روپے بجٹ مختص ہونے کا امکان ہے۔
ذرائع کے مطابق ایم این ایز اور ایم پی ایز کے ترقیاتی فنڈز کےلیے 45 ارب روپے اور ڈویژنل ہیڈ کوارٹر شہروں کےلیے 7 ارب روپے کے خصوصی ترقیاتی پیکیج کی تجویز دی گئی ہے۔
ذرائع نے بتایا کہ تعلیم کا ترقیاتی بجٹ 32 ارب سے بڑھا کر 38 ارب روپے کرنے اور صحت کے شعبے کا ترقیاتی بجٹ 18 ارب سے بڑھا کر 21 ارب روپے مختص کرنے کی تجویز ہے۔
ذرائع کے مطابق سندھ میں امن وامان قائم کرنے کے لیے 2 سو ارب روپے کا بجٹ تجویز کیا گیا ہے۔
وزیرِ اعلیٰ سندھ کا قیدیوں کو عیدالاضحیٰ کا تحفہ، سزا میں خصوصی معافی کا اعلان