صنم جاوید کو عدالت میں پیش کردیا گیا، گرفتاری کے دوران تشدد کی اطلاعات، تصاویر جاری
اشاعت کی تاریخ: 29th, April 2025 GMT
لاہور ( اُردو پوائنٹ اخبارتازہ ترین۔ 29 اپریل 2025ء ) پاکستان تحریک انصاف کی سوشل میڈیا ایکٹوسٹ صنم جاوید کو عدالت میں پیش کر دیا گیا۔ تفصیلات کے مطابق صنم جاوید کو لاہور کی انسداد دہشت گردی عدالت مین پیش کیا گیا، اس موقع پر پی ٹی آئی سوشل میڈیا ایکٹوسٹ کی جانب سے گزشتہ روز گرفتاری کے دوران کیے جانے والے مبینہ تشدد سے بھی آگاہ کیا گیا، ان کی فیملی نے اس سلسلے میں تصاویر بھی سوشل میڈیا پر جاری کردیں، یہ تصاویر انسداد دہشت گردی عدالت میں پیشی کے دوران لی گئیں، جب کہ صنم جاوید نے الزام عائد کیا ہے کہ مرد اہلکاروں نے گرفتار کرتے وقت اندھی طاقت کا استعمال کیا اورگھسیٹا۔
(جاری ہے)
بتایا جارہا ہے کہ صنم جاوید کیخلاف 9 مئی کے واقعات کے حوالے سے سنگین الزامات کے تحت تحقیقات جاری ہیں جس پر انہیں ان کی رہائش گاہ سے گرفتار کیا گیا، بھاری پولیس نفری متعدد گاڑیوں پر آئی اور دونوں میاں بیوی کو ساتھ لے گئی، ایف آئی اے سائبر کرائم ونگ نے صنم جاوید کے شوہر عتیق کو بھی گرفتارکیا، ایف آئی اے حکام کا اس حوالے سے کہنا تھا کہ عتیق کو عظمیٰ بخاری جعلی ویڈیو سکینڈل کے مقدمے میں حراست میں لیا گیا، عتیق پر الزام ہے کہ وہ سوشل میڈیا پر جعلی مواد پھیلانے میں ملوث رہا۔.ذریعہ: UrduPoint
کلیدی لفظ: تلاش کیجئے صنم جاوید کو سوشل میڈیا گرفتار کیا کے دوران کیا گیا
پڑھیں:
اظہر جاوید سماء ٹی وی پاکستان کے برطانیہ میں بیورو چیف مقرر
لندن (ڈیلی پاکستان آن لائن ) معروف صحافی اور سینئر میڈیا پروفیشنل اظہر جاوید کو سماء ٹی وی پاکستان کا بیورو چیف برائے برطانیہ تعینات کر دیا گیا ہے۔
تفصیلات کے مطابق اظہر جاوید کو براڈکاسٹ جرنلزم میں 28 سال سے زائد کا تجربہ حاصل ہے، اور وہ سیاسی رپورٹنگ، نیوز روم لیڈرشپ اور بین الاقوامی میڈیا آپریشنز کے شعبوں میں وسیع مہارت رکھتے ہیں۔
اپنے شاندار کیریئر کے دوران انہوں نے پاکستان کے کئی بڑے میڈیا اداروں میں اہم عہدوں پر خدمات انجام دیں، جن میں اے آر وائی نیوز میں بیورو چیف برطانیہ و یورپ، دنیا میڈیا گروپ میں ہیڈ آف انٹرنیشنل نیوز آپریشنز، جیو نیوز کے یوکے نمائندہ اور آزاد ڈیجیٹل پاکستان کے رپورٹر شامل ہیں۔
ہتک عزت دعویٰ ؛وفاقی وزیر اطلاعات عطا اللہ تارڑ بطور گواہ سیشن کورٹ میں پیش
اظہر جاوید کو پاکستانی سیاست اور بین الاقوامی امور پر ان کی گہری بصیرت اور جامع رپورٹنگ کے باعث پہچانا جاتا ہے۔ انہوں نے سابق وزیر اعظم بینظیر بھٹو، سابق وزیر اعظم محمد نواز شریف اور موجودہ وزیر اعظم شہباز شریف کی سیاسی سرگرمیوں کی کوریج کی۔
سن 2005 سے 2007 کے دوران انہوں نے بینظیر بھٹو اور نواز شریف کے درمیان تاریخی "چارٹر آف ڈیموکریسی" سے متعلق پیش رفت کو تفصیل سے رپورٹ کیا، جو پاکستان کی سیاسی تاریخ کا ایک اہم موڑ تھا۔
بطور سیاسی و بین الاقوامی تجزیہ کار، اظہر جاوید مختلف پاکستانی ٹاک شوز میں باقاعدگی سے شریک ہوتے رہے ہیں، جہاں وہ ملکی و عالمی امور پر تبصرہ اور تجزیہ پیش کرتے ہیں۔ لندن میں مقیم ہونے کے ناطے انہوں نے برطانیہ اور یورپ میں پاکستانی کمیونٹی کی سرگرمیوں کو اجاگر کرنے اور ان کی سماجی و سیاسی خدمات کو نمایاں کیا ہے۔
علیمہ خان کے وارنٹ گرفتاری کی تعمیل کرانے کیلئے پولیس کی خصوصی ٹیم تشکیل
اپنی نئی ذمہ داری کے حوالے سے اظہر جاوید نے کہا’’سماء ٹی وی کی نمائندگی کرنا میرے لیے باعثِ فخر ہے۔ میں بین الاقوامی خبروں کے دائرہ کار کو مزید وسعت دینے، ذمہ دار صحافت کو فروغ دینے اور پاکستان کے مثبت تشخص اور بیرونِ ملک پاکستانی کمیونٹی کی کامیابیوں کو اجاگر کرنے کا خواہاں ہوں۔‘‘
مزید :
ٹرمپ نے فوج کو فوری طور پر نیوکلیئر ٹیسٹنگ کا حکم دیدیا