کشمیریوں کے مکانات کی مسماری کا کوئی جواز نہیں ہے، شبیر کُلے
اشاعت کی تاریخ: 29th, April 2025 GMT
جموں و کشمیر میں حالیہ دنوں میں عسکری پسندوں کے گھروں کو منہدم کرنے کی پالیسی پر سوال اٹھاتے ہوئے رکن اسمبلی کشمیر نے کہا کہ انصاف کے تقاضے اور عدالتی احکامات کا احترام ضروری ہے۔ اسلام ٹائمز۔ جموں و کشمیر اسمبلی کے خصوصی اجلاس کے بعد رکن اسمبلی شوپیان شبیر احمد کُلے نے میڈیا کے ساتھ بات چیت کرتے ہوئے کہا کہ کسی بھی عسکریت پسند کے جرم کی سزا اس کے خاندان کو دینا انصاف کے اصولوں کے خلاف ہے۔ شبیر احمد کُلے نے کہا کہ سپریم کورٹ آف انڈیا کا واضح فیصلہ ہے کہ اگر باپ کسی جرم میں ملوث ہو تو بیٹے کو اس کا ذمہ دار نہیں ٹھہرایا جا سکتا۔ اسی طرح اگر کوئی عسکریت پسند 10 یا 12 سال پہلے گھر چھوڑ چکا ہے تو اُس کے اہل خانہ کو کیوں سزا دی جائے۔ جموں و کشمیر میں حالیہ دنوں میں عسکری پسندوں کے گھروں کو منہدم کرنے کی پالیسی پر سوال اٹھاتے ہوئے شبیر احمد کُلے نے کہا کہ انصاف کے تقاضے اور عدالتی احکامات کا احترام ضروری ہے۔ انہوں نے زور دے کر کہا کہ بے گناہ خاندانوں کو اجتماعی سزا دینا قطعی مناسب نہیں ہے۔
واضح رہے کہ پہلگام دہشت گردانہ حملے کے بعد بھارتی فورسز نے جموں و کشمیر میں متعدد عسکریت پسندوں کے گھروں کو دھماکے سے منہدم کر دیا۔ شبیر احمد کُلے نے بتایا کہ انہوں نے مودی حکومت کی سکیورٹی کونسل کے فیصلوں کی بھی ستائش کی۔ پاکستان سے مذاکرات کے حوالے سے شبیر احمد کُلے نے کہا کہ جنگ کسی مسئلے کا حل نہیں ہے۔ انہوں نے مزید کہا کہ جنگ کی صورت میں سرحدی علاقوں کے لوگ سب سے زیادہ متاثر ہوتے ہیں۔ تاہم انہوں نے یہ بھی کہا کہ اگر بھارتی حکومت جنگ چاہتی ہے تو ہم بھی اس کے ساتھ ہیں۔ واضح رہے کہ پہلگام دہشت گردانہ حملے پر بحث کے لئے جموں و کشمیر اسمبلی خصوصی اجلاس بلایا گیا۔ پہلگام حملے میں 26 سیاح ہلاک ہوگئے۔ اجلاس میں مختلف سیاسی جماعتوں کے اراکین نے اس حملے کی مذمت میں متفقہ قرارداد منظور کی۔
ذریعہ: Islam Times
کلیدی لفظ: شبیر احمد ک لے نے نے کہا کہ انہوں نے
پڑھیں:
ہمارے خلاف اسرائیلی جارحیت کا کوئی جواز نہیں، لبنانی صدر
اپنے ایک بیان میں جوزف عون کا کہنا تھا کہ جنگبندی کے معاہدے میں ضامن کی حیثیت سے امریکہ و فرانس کی ذمے داری بنتی ہے کہ وہ اسرائیل کو اس معاہدے کی پاسداری اور جارحیت بند کرنے پر مجبور کرے۔ اسلام ٹائمز۔ بیروت پر تازہ صیہونی جارحیت کے بعد لبنانی صدر "جوزف عون" نے کہا کہ ہمارے خلاف مسلسل اسرائیلی جارحیت بلا جواز ہے۔ انہوں نے کہا اسرائیل کے لبنان کے خلاف پے در پے حملے ہماری سالمیت و خود مختاری کی خلاف ورزی ہیں۔ انہوں نے کہا کہ جنگ بندی کے معاہدے میں ضامن کی حیثیت سے امریکہ و فرانس کی ذمے داری بنتی ہے کہ وہ اسرائیل کو اس معاہدے کی پاسداری اور جارحیت بند کرنے پر مجبور کرے۔ جوزف عون نے اس بات کی وضاحت کی کہ اسرائیلی حملے عدم استحکام اور کشیدگی میں اضافے کا سبب بن رہے ہیں جو خطے کی امن و سلامتی کے لئے خطرہ ہیں۔ واضح رہے کہ آج صبح لبنانی میڈیا نے خبر دی کہ جنوی بیروت کے علاقے "الحدث" کی ایک عمارت پر اسرائیل نے فضائی حملہ کر دیا جس سے علاقے میں گہری آگ اور دھواں پھیل گیا۔ قابل غور بات یہ ہے کہ اسرائیل نے گزشتہ ہفتے بھی متعدد بار جنگ بندی کے معاہدے کی خلاف ورزی کرتے ہوئے جنوبی لبنان کے بعض علاقوں کو اپنے حملوں کا نشانہ بنایا۔
پاکستان سمیت بین الاقوامی مارکیٹ میں سونے کی قیمت میں مسلسل اضافے کا رجحان