بحیرہ احمر میں کشتی الٹنے سے حجاج کرام کیلئے قربانی کیلئے لائی بھیڑیں سمندر میں گر گئیں
اشاعت کی تاریخ: 29th, April 2025 GMT
بحیرہ احمر میں کشتی الٹنے سے حجاج کرام کیلئے قربانی کیلئے لائی بھیڑیں سمندر میں گر گئیں، ایک سو ساٹھ بھیڑیں ہلاک ہوگئیں جبکہ مقامی مچھیروں نے پہنچ کر کئی بھیڑوں کو بچا لیا۔
بحیرہ احمر میں ایک کشتی الٹنے کے افسوسناک واقعے کے نتیجے میں حجاج کرام کی قربانی کے لیے لائی گئی درجنوں بھیڑیں سمندر میں گر گئیں۔ حادثے میں 160 بھیڑیں ہلاک ہو گئیں، تاہم مقامی مچھیروں کی بروقت کارروائی سے کئی جانوروں کو زندہ بچا لیا گیا۔
واقعہ اُس وقت پیش آیا جب ایک کشتی سعودی عرب کے ساحلی علاقے کی طرف قربانی کے جانور لے کر جا رہی تھی۔ بحیرہ احمر کی تیز لہروں اور ممکنہ توازن بگڑنے کے باعث کشتی الٹ گئی، جس سے تمام جانور پانی میں گر گئے۔
مقامی ذرائع کے مطابق، یہ جانور حج کے دوران قربانی کے لیے مختلف ممالک سے لائے گئے تھے۔ واقعے کے فوراً بعد قریبی ماہی گیر جائے حادثہ پر پہنچے اور فوری امدادی کارروائیاں شروع کیں، جس کے نتیجے میں کچھ جانوروں کو بچا لیا گیا۔
حکام نے حادثے کی تحقیقات شروع کر دی ہیں تاکہ کشتی الٹنے کی وجوہات کا تعین کیا جا سکے۔ ابتدائی اطلاعات کے مطابق کشتی میں گنجائش سے زیادہ جانوروں کی موجودگی یا توازن کا بگڑنا ممکنہ وجوہات میں شامل ہو سکتا ہے۔
ذریعہ: Daily Mumtaz
کلیدی لفظ: کشتی الٹنے
پڑھیں:
قربانی کے جانور چھیننے کا واقعہ، ایس ایچ او کی 1 سال کی سروس ضبط کرنے کا حکم
—ویڈیو گریبکراچی کے علاقے عزیز آباد میں بیوپاری سے قربانی کے جانور چھیننے کے واقعے پر کراچی پولیس چیف جاوید عالم اوڈھو نے ایس ایچ او عزیز آباد کی 1 سال کی سروس ضبط کرنے کے احکامات جاری کردیے۔
ایڈیشنل آئی جی و کراچی پولیس چیف جاوید عالم اوڈھو نے حکم دیا ہے کہ 3 روز کے اندر ملزمان کو گرفتار، جانوروں اور رکشے کو تلاش کیا جائے، پیش رفت نہ ہونے پر سخت قانونی کارروائی ہو گی۔
واضح رہے کہ گزشتہ روز کراچی میں عائشہ منزل کے قریب ملزمان شہری سے قربانی کے جانور اور رکشہ چھین کر فرار ہو گئے۔
یہ بھی پڑھیے کراچی: ملزمان شہری سے 3 دنبے اور رکشہ چھین کر فرارواقعے کے بعد کی ویڈیو میں متاثرہ شہری کو روتے دیکھا جا سکتا ہے۔
پولیس حکام کے مطابق گزشتہ روز پیش آنے والے اس واقعے کا مقدمہ تھانہ عزیز آباد میں متاثرہ شہری راشد کی مدعیت میں درج کر لیا گیا ہے۔
مقدمے کے متن میں کہا گیا ہے کہ متاثرہ شہری کے مطابق وہ اپنے 3 دنبے فروخت کرنے لے کر گیا تھا، دنبے فروخت نہ ہونے پر واپس اپنے گھر واقع ایف سی ایریا جا رہا تھا کہ عائشہ منزل کے قریب 2 موٹر سائیکلوں پر سوار 4 ملزمان نے اسے روکا اور یہ مسلح ملزمان تینوں دنبوں سمیت رکشہ چھین کر فرار ہو گئے۔
عید سےپہلے عیدی،سرکاری ملازمین کیلئے بڑی خوشخبری آگئی